黎瑞恩:「唔通叫阿婆阿伯托樹咩」 親力親為上山鋸樹開路
2018年09月18日14:00

「山竹」走了!雖然市區所受破壞嚴重,不過災後都有唔少好人好事,好似有市民自發清理社區、學校,又有旅遊巴義載等等。原來黎瑞恩噚日(17/9 )都有出動幫手,仲買咗兩把電鋸上山鋸樹開路!為馬鞍山村同錦田嘅居民恢復道路暢通!

撰文:東方新地、Sunday kiss|原文:Sunday kiss|圖片:黎瑞恩、鍾健威FB、IG,網上圖片

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

簽古天樂做打星! 爆肌張文傑:我同甄子丹唔係差好遠

黎瑞恩希望每人出分力

黎瑞恩尋日喺個人FB專頁,PO出一張兩把電鋸嘅相,仲留言話:「我要去做德州電鋸狂魔喇!」。原來係因為打完風見到周街都係冧樹,所以約埋幾個朋友,去買兩把電鋸同工具,就去一啲偏遠嘅地區,見到有阻路嘅冧樹就鋸咗去。

黎瑞恩
黎瑞恩

同行仲有黃美琪嘅男朋友鍾健威,一行人先去馬鞍山,再去錦田。黎瑞恩話食環署嘅清潔工人,全部都係阿婆阿伯,唔通叫阿婆阿伯托樹咩!而且香港係我哋屋企,一人做一啲,香港好快就會變番一個乾淨嘅地方!

第一次鋸樹,黎瑞恩話自己都算幾叻,有啲村民為咗多謝佢哋,仲送咗袋木瓜畀佢哋。其實小恩子今次唔止幫到食環署嘅哥哥姐姐,以及受影響嘅村民,仲為一對仔女做咗一個好好嘅榜樣!

黎瑞恩演唱會 玩集體回憶

早前,黎瑞恩以一身白色天使裝、頭戴鮮花飾物,在舞蹈員伴舞下現身唱出經典快歌《陽光路上》,小恩子同fans打招呼:「大家好嗎?16年冇喺呢度見到大家,相信今晚係個集體回憶。邊個細細個就聽我啲歌?我啲歌都迷倒唔少懷春少男,女仔就當我家姐。」佢話好感恩多年後仍有機會於紅館台上演唱!

黎瑞恩
黎瑞恩
黎瑞恩演唱會唱出多首耳熟能詳的快歌!
黎瑞恩
黎瑞恩
黎瑞恩高歌一曲後,即向台下 情的觀眾打招呼,更指自己已有十六年沒踏足紅館和歌迷見面。

譚詠麟做嘉賓

小恩子仲請到校長譚詠麟做嘉賓,二人除了合唱《明天你是否依然愛我》,校長還唱出《First of May》,真係聽出耳油!

為是次演唱會積極減肥的小恩子還笑言:「我真是很認真減肥的,大家有無覺得我瘦了?」

歌迷即報以掌聲作答,逗得小恩子十分開心,接著再唱出多首金曲《認真》、《舊愛新歡》、《多情》及《愛你這樣傻》,喚起大家的集體回憶。

小恩子著住呢件歌衫,歌迷大呼好性感,小恩子笑話:「都話心口唔造咁低㗎啦!」之後佢一連唱出《問候》、《活得比你好》、《雲上的日子》,期間唱到《活得比你好》忍唔住喊,歌迷叫佢要加油!

黎瑞恩
黎瑞恩

黎瑞恩請到唱歌老師杜麗莎坐陣,二人合唱《仍然記得嗰一次》。小恩子唱到《多情》和《愛你這樣傻》時,走到台前同歌迷近距離接觸,有歌迷向她獻花,當她看到胡楓時,更即時上前同對方握手。

黎瑞恩走到台邊與胡楓握手。
黎瑞恩
黎瑞恩
台上播放黎瑞恩的成長相片,其中有曾經和小恩子合唱過經典歌《長流不息》的張學友!
黎瑞恩
黎瑞恩
唔少得寶麗金三小花合照,有湯寶如同劉小慧!

黎瑞恩復出歌壇在4月於紅館舉行兩場演唱會,其中一個推動小恩子的力量,是得到14歲女兒凱栭及12歲兒子的支持。

黎瑞恩
黎瑞恩

黎瑞恩難得開騷,她不忘答謝父母,話冇父母就無今日嘅佢,仲有多謝發掘佢的安格斯先生同當佢女咁湊嘅經理人,仲有寫咗好多好作品畀佢嘅音樂人向雪懷。

黎瑞恩
黎瑞恩
黎瑞恩和父母、弟弟的全家福!
黎瑞恩
黎瑞恩
黎瑞恩和爸爸的童年照!

陳展鵬 單文柔 拍拖睇騷

李婉華、周慧敏、湯寶如、蔡一傑、譚耀文、邵美琪、胡楓、關秀媚與男伴、陳展鵬與女友單文柔、黎諾懿與太太李潔瑩、鄧健泓和太太石詠莉及鄭敬基兩公婆等圈中好友到場欣賞,可見小恩子圈中人緣極佳。

黎瑞恩
黎瑞恩
鄭敬基同太太Angie都有嚟!
黎瑞恩
黎瑞恩
陳展鵬同單文柔都拍拖睇騷!
黎瑞恩
黎瑞恩
周慧敏都有捧場!
黎瑞恩
黎瑞恩
仲有湯寶如
黎瑞恩
黎瑞恩
石詠莉同鄧健泓
黎瑞恩
黎瑞恩
仲有好耐冇見嘅李婉華專程返港!

延伸閱讀:

無綫新一代靚女主播周可茵 打風報新聞獲網民留意

關注我們Facebook專頁
    相關新聞
      更多瀏覽