39歲卓韻芝出閣 史上最強姊妹團陪嫁
2018年09月15日17:25

「山竹」來勢洶洶,亦無阻39歲嘅卓韻芝與34歲新郎哥梁子賢嘅結婚之喜!今晚一對新人會中環舉行婚宴,鄭秀文、阿Sa蔡卓姍、梁詠琪同埋周勵淇更會組成史上最強姊妹團,傍住阿芝出嫁!

撰文:Joanne 圖片:大會發相、卓韻芝IG

延伸閱讀:

左腳踢右腳常跌到 慎防兒童關節炎問題

【親子好去處】包場式室內暖水池bb游水推介

拍拖3個月即宣布婚訊

阿芝感情生活一向精彩,2016年曾公開承認雙性戀,但係到2017年11月,就已被影到與一男子拖手行街,之後出新書《峰迴路轉》,更自爆要同拍拖三個月嘅「閃電俠」結婚,夠晒峰迴路轉!新郎哥「閃電俠」係34歲從事電影美術嘅梁子賢!

今日(15/9)「山竹」正在逼近,正是阿芝出嫁之日,下午向傳媒發放咗幾張着住裙褂斟茶畀婆婆同主婚人俞琤嘅相,阿芝婆婆笑到口都合唔埋!自阿芝媽咪離世後,兩婆孫相依為命,佢一早講明婚後依然同婆婆一齊住,認真孝順。

主婚人係阿芝嘅伯樂兼舊老闆俞琤!俞琤由細睇到阿芝大,今日見到佢嫁人,應該覺得好安慰!

婚前一晚,阿芝同屋企人喺屋企開飯局,一家人圍枱食飯,嘆紅酒,勁Warm勁溫馨!

阿芝婚前一直出盡力去做Gym,直至婚前一日都唔例外!誓要以至Fit身材着起嫁衣!

婚禮另一個焦點,一定係姊妹團!早前阿芝親自派帖畀一眾姊妹,陣容鼎盛,天后級嘅鄭秀文,仲有阿Sa、梁詠琪同堆最近改咗名嘅周勵淇!

周勵淇出PO祝福新娘子!

阿芝嘅婚宴會喺中環外國記者會舉行,佢話會一切從簡,只係希望同親朋好友一齊gathering, 分享自己嘅喜悅。

新房準備妥當

由於阿芝婚後依然會同婆婆一齊住,所以屋企早早已經佈置好晒喇!例如有一對好古惑嘅結婚公仔,同埋一個剪紙「囍」字!阿婆對個「囍」字就最為欣賞!

View this post on Instagram

Hey! HahaSiu! #婆婆睇得好開心 • •

A post shared by 卓韻芝 (@gxinstagram) on Sep 7, 2018 at 11:06am PDT

80幾歲嘅婆婆見到阿芝結婚已經好開心,如果可以快啲抱曾外孫就更開心喇!阿芝要努力呀!

延伸閱讀:

【室內遊樂場】大埔全新 2間室內樂園 (附交通資訊)

關注我們Facebook專頁
    相關新聞
      更多瀏覽