馮盈盈發表「港姐公廁論」 兼自嘲身材:「吓!正常係C Cup?」
2018年09月14日18:34

馮盈盈麥明詩兩位港姐冠軍出晒名把口唔收,喺大台節目《#後生仔傾吓偈》中經常有大膽言論,大家都開始習慣晒,都唔會話覺得反感!近日一集就以「男問女答」為主題,馮盈盈竟然將港姐同「雞」、「公廁」等字眼拉上關係…… 之後麥明詩講到女仔正常應該有C Cup,即時嚇到馮盈盈「吓!」出嚟!

撰文:東方新地|圖片:節目截圖、Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

荷里活巨星強勢加盟《飛虎》續集 型男指數更勝苗僑偉?

馮盈盈發表「港姐公廁論」

近日一集《#後生仔傾吓偈》中,陸浩明提到做女人的好處,其中一個就係嫁入豪門會俾人話係「做少奶奶」、等,相反男仔就會俾人話入贅、「食軟飯」。點知港姐出身的馮盈盈同麥明詩就搶住大叫,表示如果港姐嫁有錢人, 就會俾人話「睇死佢鈞金龜」、「係雞」等難聽說話…… 認真陰功!

咁都仲未夠,馮盈盈仲突然補多一句:「公廁!」自己身為港姐冠軍,竟然將呢啲網絡用語拉埋同港姐嚟講,佢都算係「神奇 頂級 超卓」~

「大胸」波波有話兒

講完港姐嫁入豪門,之後眾人講到女仔「大胸」係其中一個優勢,不過就容易因為負膽重而令肩膊疲累,呢個時候當然要問到全場身材最好的「波波」黃凱儀,波波承認係會被內衣勒到有痕,肩膊累之餘仲好容易寒背。呢個時候麥明詩大爆之前同波波去日本時,原來兩人詳談過縮胸手術…… 睇嚟冇方面煩惱的麥明詩,都好為波波著想喎!

正常係C Cup?

最後眾人又討論到「作為有優勢嘅女仔,覺得大胸定長腿好?」當在場大部分女仔都話揀長腿時,馮盈盈竟然好大聲爆出一句:「大胸!」則麥明詩諗一諗後都係揀「大胸」,但就補充胸唔需要好大,正正常常有C (Cup) 就OK。

馮盈盈:個標準有啲高!

點知馮盈盈聽完驚訝地「吓!」咗一聲,「所以話正常係C,個標準有啲高!」如果C Cup先叫正常,可能盈盈同好多比較瘦削的香港女仔都唔正常,叫人情何以堪…… 講到呢度,麥明詩又再拖波波落水:「我意思係正常大,而唔係嗰啲又F又H,唔使好似波波嗰啲咁! 」

大家又覺得「大胸」定「長腿」好呢?

《後生仔》波波出名身材勁

用波波嚟做比較,又難怪馮盈盈咁大反應嘅!波波原名為黃凱儀,之前曾為「熊仔頭女郎」,憑藉一頭秀髮、甜美的形象而入屋,而且個性還十分活潑。後來波波喺《#後生仔傾吓偈》人氣急升,最煞食當然就係其逼爆身材,就是平時甚少穿著性感,但普通便服也看得令人嘩然!

不過唔好意思,人哋有男朋友啦!

《食得好健康》波波做減肥代言人

早前大台節目《食得好健康》除了有明星嘉賓及營養師教大家食得健康,仲會介紹一個「黃金8小時減肥法」,所以搵來波波做減肥代言人。波波以窄身衫加條短裙仔示人,身材突出到不得了,觀眾眼都凸!

「Baby fat嚟咋嘛!」

俾游生同Mayanne當面話肥,波波即時激氣咁話「Baby fat嚟咋嘛!」,個人仲邊講邊跳咗兩下,畫面非常震撼,呢一幕更被網民製作成gif圖……

做代言人要減肥,唯有跟森美大哥學「黃金8小時減肥法」,呢一段見到波波食雞翼食得好滋味,不過大家都係留意緊其他嘢……

跟森美大哥做運動

另一集,波波同Mayanne跟森美大哥做運動,做運動就順理成章著背心仔同貼身leggings啦!

波波在跑步機上

跑步減肥相信好有效,睇吓波波幾努力!

要健康減肥

最後游生同森美大哥上樓突擊檢查波波,當時波波又係著住件勁緊身的白色衫,講嘢時又跳跳吓,結果成功10日減走4磅,恭喜恭喜!

平安夜賣大包

其實波波身材勁爆,都唔係第一次被人熱烈討論,佢試過喺《#後生仔傾吓偈》平安夜一集賣大包,以一身透視黑Bra造型出場,兩位港姐冠軍麥明詩同馮盈盈都被搶鏡!

雖然盈盈可能冇麥明詩所講的「正常C Cup」,不過其實身材都算有睇頭啦,最緊要係靚樣搭夠嘛!

|馮盈盈激罕逼爆三點式

備受大台力捧的盈盈近日工作忙過不停,突然好懷念之前放假的時光,於是喺IG派福利益網民,相中盈盈著上花花三點式泳衣,心口逼爆,皮膚又白又滑,跪喺獨角獸浮床大擺誘人甫士!小編同好多男網民一樣,好想做隻獨角獸呀!

泳衣
泳衣

趁day off回味舊照

其實呢張相係盈盈幾個月前去泰國旅行時影的,呢日佢趁著難得的day off回味舊照,純粹益大家!盈盈留言:「Scrolling through old photos on my day off, and missing those good vibes in the last trip」另外仲有「holiday我真係好愛你,無咩事我返出去做野先」等的hastag。

泳衣
泳衣

泳衣照好珍貴

馮盈盈自2016年當選港姐冠軍後,憑出眾外表吸納大量男粉絲,加上其個性貼地敢言,又不時喺人氣節目「#後生仔傾吓偈」中發表大膽言論,令佢多咗個「性博士」的稱號,喺近年港姐中確係人氣高企!盈盈雖然不時都會作性感打扮,但自選美後就真係極少以泳裝示人,小編在此就希望佢多啲day off,多啲post相啦!

馮盈盈每次啲泳衣照都睇到人流晒鼻血!

兩年前港姐泳裝環節

馮盈盈兩年前選港姐的泳裝問答環節,當時可能比賽壓力大,盈盈比起依家好似瘦削好多?都係多番啲肉好睇啲!

小蠻腰、美腿依舊!

延伸閱讀:

Justin Bieber被爆已秘密與Hailey Baldwin登記結婚 目擊者「他激動到哭了」!

關注我們Facebook專頁
    相關新聞
      更多瀏覽