大肚婆晒靚靚泳衣照!懷孕32周Coffee身型靚過28周吳日言
2018年09月12日17:37

與好姊妹一起懷孕,可以共同期待孩子的來臨,分享懷孕時的點滴,的確是一生一大樂事。日前,懷孕32同的林芊妤(Coffee)跟好姊妹吳日言齊去游水,二人晒出靚靚泳衣照,令網民大讚:身材也太好了吧!

撰文:CMY|圖片來源:Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【小創夢家】 芬蘭教育10個成功的理由

身為瑜伽導師的Coffee懷孕後身材依然Fit爆,日前跟好姊妹吳日言齊齊去游水,更在社交網站上貼出唯美泳衣照,見懷孕32周的Coffee手腳纖幼,肚子只比懷孕28周的吳日言大少少,兩個準媽媽都Keep得非常好,引來不少網民大讚。

在 Instagram 查看這則貼文

🧘🏻‍♀️C O F F E E L A M🧘🏻‍♀️(@coffee89921)分享的貼文 於 PDT 2018 年 9月 月 11 日 上午 1:59 張貼

Coffee留言:「之前一起主持節目而認識,到現在一起前後懷孕,太有緣份了吧,哈哈哈!」

而吳日言則貼出與丈夫的合照,並留言指:「今年第一次落水,結果就比佢地笑我“唔做運動。皮膚太白。唔識游水。”睇住嚟,生完之後減比你地睇。😝」未生B已經想著產後修身,看來吳日言誓要當個靚媽!

在 Instagram 查看這則貼文

YAN NG 512 吳日言(@yan512)分享的貼文 於 PDT 2018 年 9月 月 11 日 上午 5:45 張貼

懷孕八個月與老公遊世界 晒「老公視覺」Fit爆靚相

最近同老公四圍玩,歎世界嘅Coffee,不時都係社交網大晒旅行靚相。早前,更分享咗數張身穿比堅尼的相片晒孕肚,陀B8個月嘅Coffee留言話:「肥仔(老公)話我而家似企鵝..」

其實相中Coffee四肢依然十分纖瘦,網民紛紛佢身材Fit爆呀!仲好好奇究竟佢係點做到!

Coffee粗身大細 身手靈活做瑜伽 網友大讚:「最強孕婦」

原來佢去旅行都唔會偷懶,堅持每日做拉筋運動同孕婦瑜伽。近日,佢就分享咗一段短片,片中Coffee喺酒店床上做各種高難度的瑜伽動作。

一開始係簡單熱身動作
Cat Cow動作 拉拉背

接下來嘅高難道動作,真係睇到網民嘖嘖稱奇,有網民大讚Coffee「動作靈活嘅大肚婆」、「簡直係最強孕婦」!另有網民笑言:「BB喺肚裡面會唔會以為坐緊雲霄飛車」、「BB會唔會頭暈呀!?」

拱橋都無問題。

放長假心情大靚嘅Coffee亦好有耐心咁回覆網友,亦提醒其他準媽媽:「建議可做一些簡單的床上伸展操,但不是每種瑜伽都適合孕婦做。」

準媽媽Coffee教路 5招去水腫 有效去肚紋

現時懷孕31周的準媽媽林芊妤(Coffee)身材Fit爆相信大家都有目共睹,雖然眼見Coffee終於變「大肚婆」,不過陀B八個月亦只得33吋腰,實在令一眾準媽咪羨慕不已呀。

View this post on Instagram

☀️!!!

A post shared by 🧘🏻‍♀️C O F F E E L A M🧘🏻‍♀️ (@coffee89921) on Aug 31, 2018 at 1:02am PDT

Coffee早前就拍片親身示範,教大家簡單的初級瑜珈,20分鐘可以減肥、排毒、拉筋及改善痛症,最重要就是孕媽媽都做得,有效減少肚紋、去水腫,各位孕婦都不妨一試。

首先預備一個枕頭或block放喺墊子上,然後可以坐喺block上面。然後,雙腳翹起,盆骨高過膝蓋。

坐低時記得把臀部肌肉推出去,這樣人可以坐直一點,然後將人放鬆。

動作一

將雙手從身體兩側慢慢升起。

控制呼吸,然後將個人扭到右邊,頭轉向後,並將右手放到身後。

再慢慢吸氣將手拉向上,呼氣拉長腰側,然後將個人扭到左邊,重複上述動作。

動作二

升起雙手,左手捉住右手,將人拉向右側。同時記得要打開心口,眼望向天花,拉動腰側,直至感到腰側有種拉著的感覺,然後返回中間,左右重複。

動作三

然後將雙手放在大腿上,上身向前扭一圈。每次身體向前時呼氣,身體往後時吸氣,每邊各做5下。

動作四

保持上身拉直身子,然後慢慢將雙手沿腳拉到腳踝的位置,此刻小腿後方會有拉伸的感覺。背部不用彎曲,頭望向前方,吸氣身體落下,呼氣身體拉回向上,重複動作5次。

動作五

手同膊頭成直線,臀部同膝蓋都成一直線。如果是孕婦的話,就將腿打開少少,然後將臀部升起。這個時候會覺得肚臍有股力量拉住,慢慢呼氣,將肚往內收。

把雙手慢慢趴向前,臀部向上挺,然後把心口貼向地面,下巴同樣貼在地上,維持十個呼吸。

完整版本:

貪玩媽媽Coffee:「去旅行能醫百病」

懷孕後期都要去玩嘅Coffee,早前上載了一張疑似坐在輪椅上的照片,引起關注。身在沖繩的Coffee就親自回應表示,當時佢與老公要行上一個叫首里城的地方,路程要十多分鐘,行行吓自己覺得辛苦,所以老公叫她坐在輪椅上。其實喺嗰度嘅設施,俾有需要嘅人用,叫大家毋須擔心呀。

不時放閃彈
有老公仔照顧,Coffee全程無需操勞,歎著玩!

被問到點解懷孕八個月仲膽粗粗四圍走?Coffee就大派定心丸並表示,全部都有問准醫生先做,醫生只吩咐唔好坐長途飛機,短程可以,而且34周先唔好飛,仲有成個月,同埋旅途會租車。

來到最後一天,只能夠說去旅行的確能醫百病。

做孕婦瑜珈安胎 準媽媽Coffee自爆胎盤低盼順產

不經不覺已經陀B7個月嘅Coffee,今日係社交網有感而發,大嘆「不是所有懷孕過程都是順利的,孕婦經常會遇上不同問題,例如妊娠糖尿或胎盤前置等等…難免不習慣有挫敗感和心情失落…」

View this post on Instagram

🌻 不是所有懷孕過程都是順利的 孕婦經常會遇上不同問題 例如妊娠糖尿或胎盤前置等等 原因不一定是因爲媽媽問題 很多先天和後天的因素影響著 但因不是一般正常的孕婦 而要改變正常的生活和工作 難免不習慣和心情失落 而其實我也是胎盤低的媽媽 有很多媽媽告訴我她們要一直睡床 而我屬於較幸運可以自由活動 但為免出血還是要比正常孕婦小心 連歐洲度密月假期也取消了 如果到32週後胎盤還未上升 就是胎盤前置可能要剖腹生產 對於我一向打算自然生育 也同時活躍於自己工作和生活 當然會感到有點兒的失落 但明白到不是所有事也能控制的 而且我是比較樂觀的吧哈哈 現在的生活節奏也要慢下來了 現在只做做簡單的孕婦瑜珈 等三個月就跟👶🏻見面啦 加油😜 #staypossitive #lovemybabyboy #beturetoyourself

A post shared by 🧘🏻‍♀️C O F F E E L A M🧘🏻‍♀️ (@coffee89921) on Aug 6, 2018 at 10:03pm PDT

Coffee又話自己仲可以自由活動,唔需要好似其他有相同狀況嘅媽媽一樣「臥床安胎」,已經屬於係比較幸運嘅「胎盤低媽媽」。

佢又透露自己希望可以順產,但因為胎盤位置低,要視乎之後「B仔」的狀況及胎盤位置,才能決定是否需要開刀,因而感到挫敗、心情失落。

不過,一向樂觀嘅Coffee坦言:「明白到不是所有事情也能控制的,現在的生活節奏也要慢下來了!做做簡單的孕婦瑜珈乖乖安胎,再等三個月就跟BB見面啦!」為自己以及一眾準媽媽加油打氣。

「不是所有懷孕過程都是順利的,孕婦經常會遇上不同問題。例如妊娠糖尿或胎盤前置等等,原因不一定是因爲媽媽問題,很多先天和後天的因素影響著。但因不是一般正常的孕婦,而要改變正常的生活和工作,難免不習慣有挫敗感和心情失落。而其實我也是胎盤低的媽媽,有很多媽媽告訴我她們要一直睡床,而我屬於較幸運還可以自由活動。但為免出血還是要比正常孕婦小心,如果到32週後胎盤還未上升,就是胎盤前置很大可能要剖腹生產。對於我一向打算自然生育,也同時活躍於自己的工作和生活,當然一樣感到某程度的失落。但明白到不是所有事情也能控制的,現在的生活節奏也要慢下來了,做做簡單的孕婦瑜珈乖乖安胎。再等三個月就跟BB見面啦!跟自己說聲加油!」

醫生早預告係大碼B

Coffee有咗7個月,但係一直都未現「巨肚」,網民都話佢就算生完應該都唔似生過!

其實Coffee之前去產檢,醫生已經話咗佢長胎唔長肉,陀咗一個大碼BB。

日前Coffee再去產檢,醫生就話BB頭大肚大腳短,不過愛美嘅Coffee一於少理,仲話只要BB健康就足夠!

為咗保持健康,Coffee除咗Keep住做瑜珈之外,日前仲陀住「肚腩仔」去游夜水!

Coffee林芊妤
Coffee林芊妤
Coffee林芊妤 IG截圖
Coffee林芊妤 IG截圖

今次着起三點式,終於覺得Coffee似係「大肚」喇!連佢自己都笑,「肚腩仔」而家變咗「大肚腩」喇!

吳日言一日打4針控制妊娠糖尿:打到BB出世

懷孕5個月的吳日言日前出席電影首映禮,透露自己早前做產檢發現血糖指數很高,因此住了3晚醫院,並證實患上妊娠糖尿。她表示現在每日都要在肚皮打4支胰島素針控制血糖直至BB出世,雖然辛苦,但吳日言亦表示只要BB出世健康就夠。

吳日言亦透露預產期是12月頭,已知BB性別,但就想保持神秘不向外公佈。

延伸閱讀:

女童赤腳試鞋染惡菌 6個揀鞋試鞋小貼士

關注我們Facebook專頁
    相關新聞
      更多瀏覽