鍾嘉欣家中分娩 誕七磅細仔湊好字
2018年09月07日03:00
鍾嘉欣兩公婆繼大女Kelly後,再添一細仔。

【星島日報報道】有指陀第二胎的鍾嘉欣已於上月底在加拿大誕下BB,但身邊好姊妹一直守口如瓶。直至昨日,嘉欣終於正式宣布逾7磅的細仔「Jared Anthony」已出世,肥嘟嘟的BB既似爹哋又似姐姐Kelly,非常趣緻。正坐月的嘉欣昨日談及今胎在家中自然分娩的過程,雖然講了3次好痛,但坦言是個令她有自主感覺的難忘方法,連幾位好姊妹都大讚嘉欣勇敢!

鍾嘉欣昨日於社交網宣布細仔「Jared Anthony Leung」出世,重7磅14安士,相中的Jared仔不但似爹哋般頭髮濃密,兩父子更十足「餅印」一樣。嘉欣留言:「To our Son, Jared Anthony Leung.Welcome to our family. We love you.」她亦Hashtag了「naturalhomebirth」,意即今胎在家中自然順產。

嘉欣雀躍地分享細仔出世後的可愛照片,又錄音向記者分享追到「好」字的喜悅,細訴今胎在家中自然分娩的難忘經歷。仍在坐月中的嘉欣聲線精神,難掩再做媽媽的快樂,她謂:「大家好!好開心今日同大家宣布,我啱啱生咗個仔,好健康,佢名叫Jared Anthony,都算係一個大B,出世有7磅14安士重,好多、好多頭髮,同埋好似好似家姐Kelly,全家講笑話我好似生咗龍鳳胎!因為Jared同Kelly真係好似樣。」

令人驚訝的是嘉欣今胎選擇在家分娩,她坦言好難忘:「今次生產好順利,順產,好痛、好痛、好痛!最特別選擇喺屋企生,因為加拿大好支持Natural Delivery。我好感恩好幸運搵到一班好好嘅助產士,佢哋畀我好多Emotion Support,畀好多Personal competencies嘅技術、方法,令生B過程更安全,教我聽自己Body去生BB。我覺得呢種方法好Empowering,所以選擇呢個方法生,絕對係一個好難忘嘅經歷,同個仔一齊、同我嘅Family一齊。」

繼大女Kelly後再追到細仔Jared,湊成一個「好」字,嘉欣表示反而會放更多時間在囡囡身上,想顧及囡囡突然多了細佬的感受。她坦言:「而家我休養,要坐月,要照顧好個仔,同埋好緊要,要照顧家姐Kelly,因為呢個時間始終突然多咗個BB,要放番多啲時間喺Kelly身上令佢覺得OK,而家我忙緊呢樣野。希望好快可以介紹仔仔畀大家識,好希望見到大家。大家都要Take Care,多謝所有朋友、觀眾、傳媒支持同祝福,唔講咁多住,我都要瞓覺,bye!」

此外,嘉欣三位好姊妹齊齊為她開心,大讚她勇敢!王君馨表示:「Very very happy for her!覺得佢好勇敢同埋好偉大,可以喺屋企順產生。嚟緊都好忙,希望下年可以抽時間去探佢。」

岑麗香回應:「好開心佢同大家分享咗,佢好叻呀!因為佢喺屋企生,當然有專業人士啦,我覺得佢好勇敢、好叻!呢段時間我相信佢一定好攰,所以我唔騷擾佢咁多,到時希望可以見識呢個好得意、好得意嘅BB,其實我覺得BB好似佢家姐,好Cute!好替佢哋開心而家有個好字,祝佢哋日日都好好,開開心心!」

苟芸慧則謂:「恭喜!戥好姊妹開心!BB同家姐好似樣,相信大個一定靚仔。Linda好勇敢,唔驚訝佢會咁做。不過唔同人都要考慮年齡,最安全喺醫院生。」

關注我們Facebook專頁
    相關新聞
      更多瀏覽