Toby被指小三 撬人男友? 陳庭欣新歡 晒合照派定心丸
2018年09月06日18:25

TVB姐仔陳庭欣早前承認與擁過億身家的彩豐行老闆楊振源(Benny)拍拖,直認正互相了解中,相處得好開心。但呢頭公開戀情,嗰頭有傳新歡Benny本來亦有個𡃁模女友劉依靜,Toby本人同男友唐偉倫未分手就另結新歡。

Toby回應時強調自己冇一腳踏兩船,唔係「小三」,拒絕再食「死貓」,仲罕有地多次喺IG貼同男友合照,分明係要話畀全世界知佢係正印。面對女友狂發功,Benny近日終於喺IG貼上同Toby嘅合照,以正其女友嘅地位,Toby收到定心丸,開心晒啦!

撰文:東方新地|圖片:東方新地、Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

亞姐10位佳麗見傳媒 10個有4個選過港姐?

陳庭欣新歡 晒合照派定心丸

對戀情向來低調嘅陳庭欣,早前罕有地喺社交網公開同富二代男友楊振源(Benny)行山合照。

Toby早前31歲生日,佢再晒出同朋友、男友慶生照片!佢仲留言話:「多謝咁多位兄弟姊妹陪我預祝生日,特別係我的honey 🍯♥。。。愛死你哋😘😘😘」呢個「我的honey」真係好閃囉⋯

親證女友地位

面對女友強勁攻勢,Benny終於有番啲表示,佢喺Instagram上載當日二人合照,見到Benny攬實Toby仲頭貼頭,又留言話「Happy birthday Honey❤」好Sweet,睇真啲!背景就有氣球砌成「HAPPY BIRTHDAY HONEY」睇嚟「honey」係二人嘅稱呼!

Benny貼相仲在相上加咗「Forever Love」同心心圖案,Toby應該好冧啦!

陳庭欣被指做「小三」

2010年港姐冠軍陳庭欣,早前承認與擁過億身家的彩豐行老闆楊振源(Benny)拍拖,直認正互相了解中,相處得好開心。不過有傳陳庭欣未同律師男友唐偉倫分手就另結新歡,而新歡Benny本來亦有個𡃁模女友劉依靜!

陳庭欣
陳庭欣
陳庭欣前律師男友唐偉倫

陳庭欣一度認為疑似一腳踏船兩船。

陳庭欣
陳庭欣
Benny Facebook圖片

記唔記得劉依靜?

近日報道稱Benny本來有位正印女友劉依靜(Ruby),但現時男方和陳庭欣發展中,令陳庭欣有當小三之嫌。劉依靜係邊個?咪就係當年曾介入過周永恆同趙頌茹婚姻𠴱位囉!所以唔少網民都話,「剃人頭者,人亦剃之」……

劉依靜回覆傳媒時,表示事情已經告一段落,大方讚陳庭欣又靚又叻,表示陳庭欣只想遇到簡單的愛情,但言詞間寸爆陳庭欣耍手段有機心。

陳庭欣拒再食「死貓」

陳庭欣出席《宮心計2深宮計》宣傳活動時,似係有備而來,罕有地公開回應感情事。首先陳庭欣直指雜誌報道不實,已經超越晒其底線,佢明白報道係需要吸引眼球,但咁樣食「死貓」就絕對唔得,食得太多對身體唔好!

陳庭欣又指,過去的感情事有好好畫上句號,而知道佢感情事的人就只有三位圈外好友,知道晒來龍去脈,所以唔明白點解報道所指的知情者會咁清楚。

暗示與前度分手原因

之後提到前男友唐偉倫,陳庭欣指兩人關係維持了約兩年,因為對方係圈外人,所以希望保護佢。陳庭欣續說,相愛同相處係好難解釋,佢自己一定唔會「揸頸就命」,佢唔可以小鳥依人、24小時陪住對方,而且個性又太倔。似乎暗示與唐偉倫分手原因?

相處得好開心的階段

最後陳庭欣再次被問到係咪同Benny拍拖中,佢直認兩人係相處得好開心的階段,但對方唔想公開。至於Benny被指有個女友劉依靜?陳庭欣就表示唔識佢,每個人都有過去,總之大家都係單身開始發展,而且兩個人好應該互相信任。

介意被封「公屋港姐」

最後,被封為「公屋港姐」,更被指因拜金而搭上有錢人,陳庭欣對此似乎幾介意,佢就話其實香港地有好多人都唔係住緊私樓,甚至係住劏房等,唔覺得需要用呢一點大做文章。陳庭欣明言目標係買樓,希望呢一兩年內成事。

【深宮計】何止死6個?起碼死多5個|《深宮計》死亡名單仲有佢哋⋯

8對娛樂圈索爆姊妹花 鍾意家姐定妹妹?

延伸閱讀:

傳方媛陀第二胎 郭富城認雙喜臨門

關注我們Facebook專頁
    相關新聞
      更多瀏覽