34歲鍾嘉欣宣布誕下B仔 網民大讚勁似嗲哋!
2018年09月06日13:15

恭喜哂!鍾嘉欣今年三月宣布再度有喜,今日她終於在個人社交網正式向大家宣布已平安誕下B仔啦!嘉欣剛上載了兩張囝囝的可愛照片,見到B仔頭髮多多、五官似足爸爸;嘉欣同時為囝囝改了英文名Jared Anthony,正式湊成一個「好」字啦!

撰文:東方新地|圖片:Instagram、新傳媒

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

傳方媛陀第二胎 郭富城認雙喜臨門

鍾嘉欣宣布誕下B仔

今年34歲的鍾嘉欣於今日終於都喺個人社交網公布喜訊,同大家宣布已誕下第二胎囝囝!據嘉欣留言透露,今次係喺屋企自然分娩,更指B仔重逾7磅14安士,從相中可見,B仔勁多頭髮之餘,仲個樣肥嘟嘟咁,超級可愛!

而且,嘉欣亦已幫呀仔改好英文名,叫Jared Anthony Leung。由一家三口正式成為一家四口,相信嘉欣一家對於囝囝出世亦非常開心!

鍾嘉欣
鍾嘉欣
見到B仔隻手仔輕輕放喺面旁,好似閉目養神咁,甜睡樣真係勁得意呀!

網民大讚勁似嗲哋

當網友得知嘉欣已誕下B仔Jared 後,大家都留言恭喜佢,亦有網民指B仔好似嗲哋!唔個大家又覺得似媽咪定嗲哋多啲呢?

鍾嘉欣
鍾嘉欣

鍾嘉欣叫網友估BB性別

昨日鍾嘉欣於個人社交網上載一張摸住巨肚的相片,見到嘉欣於肚上畫上代表男嬰的粉藍色心心,及代表女嬰的粉紅色心心,並留言指老公唔想公開BB性別以作驚喜,但係佢等唔切,及想找出真相!仲問網友,BB係男仔定女仔?

鍾嘉欣晒床照宣布BB性別

鍾嘉欣昨日叫大家估佢今呢胎係仔定女,今日就終於開估,見到佢肚上同樣有藍色心心,不過就少了一邊粉紅色心心,原來係想同大家宣布今胎係B仔!嘉欣留言:「JKL are happy to announce that we are expecting a baby boy!!!」「JKL」即係老公Jeremy、女兒Kelly同嘉欣Linda呀!

鍾嘉欣
鍾嘉欣

湊成一個「好」字

嘉欣喺社交網站上載幾張床上照,見到佢身穿短身上衣展示肚皮,擺出不同甫士,懷孕逾七個月依然肥胎不肥人。大量網民都留言恭喜嘉欣與老公湊成一個「好」字!

鍾嘉欣
鍾嘉欣

鍾嘉欣
鍾嘉欣

鍾嘉欣
鍾嘉欣

鍾嘉欣頻發福利照

鍾嘉欣早前宣布懷上第二胎,同時宣布會離開加盟了13年的TVB,雖然已經甚少會出席公開活動,但嘉欣耐唔耐就會派福利。有次佢就上載三張靚相,身穿華麗露肩短裙,依然美豔動人,其中兩張相仲擺埋誘人甫士,大騷白滑肌膚及修長美腿。

鍾嘉欣
鍾嘉欣
鍾嘉欣完全無走樣!
鍾嘉欣
鍾嘉欣
呢個算唔算係「老公」視角?
鍾嘉欣
鍾嘉欣
雙長腿真係不得了!

鍾嘉欣生埋今胎夠晒數

之前佢由加拿大返港出席活動,被問到肚中BB性別,嘉欣就話雖然已經照咗,不過兩公婆叫醫生唔好講,希望保持驚喜!嘉欣同時透露,無論今胎係仔係女都好,都會係最後一胎,兩個夠晒數!

離捨女兒眼紅紅

當時嘉欣獨自返港兩星期,被問到會否掛住女兒Kelly,嘉欣隨即眼濕濕流露不捨之情,表示自己以為接受到,但一聽到老爺奶奶話個女喺屋企搵媽咪,佢實在係忍唔住!嘉欣又稱已經一路灌輸緊「家姐」呢個俾Kelly知,所以女兒近日愈來愈黐身,似乎係感受到威脅!

延伸閱讀:

爸爸陪開學 黎諾懿玩自拍 小春雞萌爆伸脷

關注我們Facebook專頁
    相關新聞
      更多瀏覽