黃依汶兩歲半大囝囝初學功夫 網友紛紛激讚型過爸爸!
2018年09月06日15:00

今年37歲的黃依汶2014年與武打男星陳國珅結婚,兩年後更誕下囝囝陳真。依家兩歲半大的陳真最近就去學功夫,初試截拳道!個個網友睇到陳真學功夫時一面認真同銳利的目光,都忍唔住大讚好型仔呀!大個咗仲得了嘅!

撰文:東方新地|圖片:Instagram、微博

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

傳方媛陀第二胎 郭富城認雙喜臨門

黃依汶兩歲半大囝囝初學功夫

日前,藝人黃依汶於個人社交網上載一段囝囝陳真學功夫的短片,留言指:「係你話要學功夫㗎 #冇逼你架(㗎)」見到陳真雙手掩住耳仔,睇落雖然似被罰扭耳仔咁,但實質同師傅練腿功!聽到佢不斷咁嗌:「呀…呀…」呢位小朋友又幾落力咁喎!

有片睇!

陳國坤嫌囝囝太斯文

除咗上載短片,黃依汶亦有上載呀囝拉筋同學功夫嘅型仔相同大家分享,仲留言:「動作演員兒子的命運…兩歲半就要學功夫#有姿勢無實際#人人有功練#截拳道體育館#老竇要你Mand#你要收肚腩#2.5years」原來係有老竇嫌個仔唔夠Man!

望落兩歲半嘅陳真個肚腩仔都唔算好勁,應該還好啦!

不過,最吸睛嘅係陳真嘅個人獨照相,見佢帶住頭套同拳套,一面認真再加個充滿殺氣嘅專注眼神,堅係好型仔呀!

網友紛紛激讚

個個網友睇到啲相都大讚陳真人仔細細就咁有型,未知人哋老竇陳國坤又唔知收唔收貨呢?

黃伊汶 陳國坤巴厘島結婚

2014年10月25日,黃伊汶與外貌神似李小龍的男演員陳國坤於巴厘島結婚!

兩年後,黃伊汶在香港養和醫院誕下7.6磅兒子,取名陳真。

陳國坤晒愛的宣言

二人結婚兩周年時,陳國坤在微博發表「愛的宣言」,留言話︰「結婚2週年美麗的地方、完美的老婆、快樂的時光 感謝寶貝老婆帶給我『陳真』這可愛的超級寶貝 祝願你們健康快樂!」之後見到佢哋兩公婆去旅行的相片,人靚、景靚!

之後仲有一連串黃伊汶的單人寫真,張張都影得咁靚,唔知係咪陳國坤親自操刀?

睇完旅行照同寫真,仲有結婚周年紀念蛋糕、禮物,以及囝囝陳真的可愛萌照!難怪網友紛紛留言大讚陳國坤一家幸福美滿!

延伸閱讀:

鍾嘉欣宣布誕下B仔 網民大讚勁似嗲哋!

關注我們Facebook專頁
    相關新聞
      更多瀏覽