麥美恩竹昇妹打拼八年之路
2018年09月04日17:14

傻大姐形象深入民心的麥美恩(Mayanne)早年選港姐後加入無綫,一步步踏上主持及司儀之路,近年人氣急升,打拼八年,更曾勇奪「飛躍進步女藝員」,Mayanne亦係第一位以擔任司儀及主持而贏得呢個獎的女藝員!

撰文:東方新地 | 圖片:Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【延禧攻略】原班人馬開新劇!《皓鑭傳》邊個冇得留低?

麥美恩 傻大姐形象入屋

出生於加拿大的麥美恩現年31歲,佢在卑詩省華人重鎮列治文(Richmond)成長,並於名校英屬哥倫比亞大學主修化學。早年選港姐後加入無綫,一步步踏上綜藝主持及司儀之路,近年人氣急升,難怪喺《森美旅行團2》有得留低!

《森美旅行團2》叮走高Ling、心穎BB!麥美恩留低!

唔計森美,上一輯《森美旅行團》以東京作目的地,主持人還有麥美恩、高Ling及心穎BB,新一輯直飛關西,主打介紹京都以及近郊景點,主持班底就只有麥美恩可以留低,拍檔換了吳若希及丁子朗。

0
0
第一輯《森美旅行團》舊主持只得麥美恩可以留低!
第二輯集中介紹關西以及和歌山等地,飲飲食食之餘又有和服體驗,新主持換上吳若希及丁子朗。

丁子朗 嫌麥美恩年紀大

丁子朗﹑麥美恩﹑吳若希和森美出席《森美旅行團》記者會時,丁子朗被問到有沒有被兩位姐姐欺負?他說:「冇,個個都好錫我,好開心,冇諗過NG片剪出來做花絮。」

席間還播出絕密片段,見到森美跟丁子朗圍 小毛巾於溫泉中深情對話。森美即場推薦麥美恩做女友,丁子朗則回敬一句:「年紀以外樣樣都好!」惹來全場爆笑。

笑問是否嫌Mayanne年紀大?丁子朗則說:「她幾好的,不過年紀方面,(相差)十年又好似有啲大。」Mayanne聞言笑稱:「做乜啫?我緋聞男友(指許文軒)在那邊呀﹗」

「飛躍進步女藝員」麥美恩

去年《萬千星輝頒獎禮2017》中,唔少獎項賽果都被網民炮轟,唯獨有一位得獎者係公認的實至名歸,就係「飛躍進步女藝員」麥美恩 (Mayanne)!Mayanne在台下得知獲獎後喜極而泣,上到台都繼續喊,佢感慨表示:「我知我有好多缺點,但係上帝俾咗個好好嘅恩賜我,可以令觀眾笑!」

麥美恩

中文好全賴公公

另外麥美恩提到好多人問佢呢個竹昇妹點解中文咁好,原來係Mayanne公公以前日日陪佢做中文功課、幫佢默書,而Mayanne今日亦可以自豪咁對公公講,佢有做功課,喺香港發展得好好!

麥美恩
麥美恩

麥美恩 傻大姐形象入屋

出生於加拿大的麥美恩現年31歲,佢在卑詩省華人重鎮列治文(Richmond)成長,並於名校英屬哥倫比亞大學主修化學。Mayanne參選港姐後加入無綫,不時展露其麻甩又開朗的個性,開創了自己獨特的定位,深得觀眾喜愛!

其實都係個靚女吖!

麥美恩雖然唔算係好典型嗰種美女臉孔,身材又唔係咩「咪神」級數,但相信無人會否定佢其實都係個靚女,眼大大、笑容親切又甜美,酒窩又迷人!平時Mayanne多數係簡約打扮,唔走淑女路線,不過每逢出席大型活動都會盛裝打扮一番,又係另一種魅力!

2011年港姐第四名

回到那些年,麥美恩回流香港後參加2011年的香港小姐競選,最終奪得第四名。當年冠軍係出爐最「最佳女配角」朱晨麗,亞軍朱希敏、季軍許亦妮。

那些年「龍躉村姑」…

想當年麥美恩因為較豐滿的身材,被傳媒封為「龍躉村姑」!依家都幾唔可能見到Mayanne再加著三點式泳衣……

主持《學是學非》上位

至2013年,麥美恩成為綜藝節目《學是學非》的主持之一,雖然知名度不及其他幾位,不過佢在節目中願意放下身段,經常有爆笑演出,真摯不造作的感覺相當親民,「傻大姐」形象深入民心!

新一代綜藝女王

雖然甚少演劇集,不過麥美恩可算係新一代的綜藝女王,參與大量綜藝節目及資訊性節目,頻頻做主持做司儀,曝光率高過唔少花旦小生!

麥美恩在《萬千星輝頒獎典禮2016》中連奪三獎,其有份參與的《我愛香港》、《學是學非》和《天與地》,分別獲得「最佳綜藝節目」、「最佳資訊節目」及「最佳特備節目」,厲害!

廣告界寵兒

形象貼地又入屋,自然成為廣告界寵兒,原來佢喺2017年就已經拍了八個廣告,由牙膏到化妝產品都有份,去到邊都見到佢!

竹昇妹打拼八年之路

麥美恩在加拿大土生土長,隻身來到香港發展,與家人分隔兩地當然好唔捨得。來港八年,Mayanne奪得演藝生涯嘅重要獎項,相信佢爸爸媽媽都一定為佢感自豪!

延伸閱讀:

《反黑》FB專頁又有暗示 續集會有呢位巨星現身?

關注我們Facebook專頁
    相關新聞
      更多瀏覽