《反黑》FB專頁又有暗示 續集會有呢位巨星現身?
2018年09月04日16:40

由宋本中導演,陳國坤、陳小春及張建聲等主演的網劇《反黑》,去年播出後大受歡迎,在YouTube播放期間引起熱潮,甚至連Netflix都即時入手上架,為港產劇集增光!一直有消息指《反黑》未來幾季會有重量級演員演出,日前《反黑》FB專頁上載一張照片,似係暗示有位巨星即將加盟,如果係真的話真係好誇張!

撰文:東方新地|圖片:新傳媒圖片、《反黑》劇照、Facebook

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【延禧攻略】原班人馬開新劇!《皓鑭傳》邊個冇得留低?

|《反黑》FB專頁又有暗示 續集會有呢位巨星現身?

由陳小春﹑陳國坤、李璨琛﹑張建聲以及一班老戲骨主演的4K網劇《反黑》,去年開播後反應相當不錯,劇迷愈來愈多,在內地點擊超過13.8億,香港亦有逾2,800萬點擊。成績咁好又咁受歡迎,當然要繼續拍啦!

傳世紀級反派演出

有指Netflix方面見到《反黑》有如此佳績,決定大力支持《反黑》未來的製作,導演宋本中早前更透露,喺第三季有機會請來一位世紀級最強反派演出,形容呢位「衝出宇宙、無人不曉」,有指宋導口中呢位世紀級反派會係安東尼鶴健士(Anthony Hopkins)!

安東尼鶴健士在《沉默的羔羊》中飾演食人醫生成為經典,如果可以同飾演招積的張建聲合作,兩大食人魔同場會有咩火花呢?

安東尼鶴健士(《西部世界》劇照)

會有《教父》演員加盟?!

雖然劇集未有得睇,不過日前又有驚喜俾大家!《反黑》FB專頁上載一張經典黑幫電影《教父》的照片,照片上有齊三大巨星期馬龍白蘭度、阿爾柏仙奴以及羅拔迪尼路。除寫上「3 in the one 」,更以「覺得難以置信」(feeling fabulous) 去形容心情,唔通真係邀請到教父降臨《反黑》?!

1972年電影《教父》乃荷里活經典黑幫片,在歷史上佔重要一佔位,如果《反黑》真係能夠邀得阿爾柏仙奴或羅拔迪尼路任何一位加盟,都將會係港產劇的一大突破!

羅拔迪尼路 (《見習無限耆》劇照)
阿爾柏仙奴(《巨星的回信》劇照)
馬龍白蘭度早於2004年離世,有網民笑說要搵龍婆先請到佢演出!

導演宋本中咁講…

《反黑》導演宋本中早前曾經提過,因為Netflix方面願意幫忙搵演員演出,所以邀請到荷李活演員絕不是夢!宋本中回覆傳媒時就先賣關子,表示FB專頁張圖係好有意境、有所暗示,現階段未能透露細節,但保證續集出到嚟一定會好震撼!

反黑
反黑
《反黑》導演宋本中現階段當然係繼續賣關子。

延伸閱讀:

麥美恩竹昇妹打拼八年之路

關注我們Facebook專頁
    相關新聞
      更多瀏覽