《中國新說唱》Rappers紋身全消失 網民:原來有紋身型咁多!
2018年08月31日17:47

就係因為上一屆冠軍PG One搞出嚟嘅風風雨雨,今屆嘅《中國新說唱》被和蟹得超嚴重。除咗新一集由「大魔王踢館賽」變咗打邊爐同打籃球外,Rappers嘅紋身都要遮住。遮到嘅就用長袖衫高領衫遮,遮唔到嘅就一大枝遮暇膏打落去!但私底下rappers有紋身真係型好鬼多囉!

撰文:白仔丨圖片來源:微博、影視截圖

延伸閱讀:

【港姐2018】胸猛、長腿晒腹肌!20強候選佳麗首次換上性感泳裝見傳媒

你唔會走得出我手指罅!佔有慾最強星座Top4 冇人可以同我爭

《中國新說唱》Rappers紋身全消失 網民:原來有紋身型咁多!

上一集嘅「Peace&Love」火鍋打波大作戰完美成功,唔少網民都覺得非常可惜,更加有唔少網民怒_節目組點解要咁做。但其實萬事都要歸返去PG One嘅頭上,就係因為佢畀人封殺而導致呢一類嘅娛樂節目多咗水蛇春咁長嘅禁令。唉!不如一齊睇吓個日被剪走嘅「大魔王踢館賽」嘅內容啦!

對陣劉柏辛嘅係VAVA,呢首歌真係完美取勝!

哈怪得周湯豪有咁多票啦,因為對陣嘅Bridge根本冇當係一個比賽,更似係一個個人演唱會!

王以太得21票嘅原因都好明顯啦,因為艾福杰尼實在太勁,一首《SORRY》真係同王以太首《目不轉睛》不相上下。

言歸正傳,都係時候去睇吓個啲畀人Blur咗紋身嘅選手盧山真面目啦!

1.王以太

唔好睇王以太個樣清清純純可可愛愛,其實佢右手係有紋身的!而且紋身更加係屬於個種Old School嘅西岸風格,超級有型!而喺節目度佢就簡單啦,用一隻「王以太專屬袖套」去遮住個紋身,有才有才!

中國新說唱
中國新說唱
「王以太專屬袖套」登場!
中國新說唱
中國新說唱
有紋身嘅王以太增加咗一陣又一陣嘅殺氣

真係Charm死小編
Old School風格嘅西岸紋身,急不及待想紋紋了!

再睇埋佢喺節目中,一係用袖套遮,一係用Hoodies去遮,再唔係就用長袖遮,見到都辛苦!

喺其他節目都要帶隻袖套去遮,真係麻鬼煩!但係好歌不妨再聽,好好聽呀!!

2.派克特

OG級rapper派克特其實同樣有紋身,係咪睇唔出呢?而佢嘅紋身係喺頸同手上面,但係喺《中國新說唱》嘅節目時候就完全見唔到!點解呢?因為《中國新說唱》偉大嘅化妝師用咗「河蟹專用牌」遮暇膏去遮住啲紋身,實在太勁了!

派克特嘅頸部空無一物

派克特嘅右手更加有新紋嘅火焰,有傳係為咗紀念Linkin Park主唱 Chester
頸上面個魔法陣(可能係)幾鬼死型
唔通佢就係冠軍!?

3.ICE

ICE真係好靚仔,絕對係著乜衫都咁型呀!但係原來佢都係有紋身嘅一員,你以為佢好凍所以先成日著褸?你錯啦,佢係為咗遮手臂同手背嘅紋身。個紋身真係非常型,但係遮得住都十分之勁啦!

無論幾熱,我都要著長袖!
又著長袖遮一遮先!
ICE左手成隻手都有紋身
ICE絕對係今屆嘅美男子
做占都要Show一Show!

成個胡cfu咁嘅左邊

4.AL Rocco

雖然AI Rocco用「中國」、「李小龍」去重組歌曲而被淘汰,但佢把充滿男人味嘅聲音一定會喺大家心中不斷loop!睇佢個樣都似有紋身啦,冇錯!佢嘅右手手臂上的確有住充滿中國風味嘅紋身,唔怪得佢成日「中國」前「中國」後啦!當然啦,節目中佢就用長袖去遮住個紋身是必需的。

著件長袖遮一遮先!
我是中國長袖,李小龍著長袖!

Flex Up 📸 @naomikyxx

A post shared by AL ROCCO (@alrocco) on Jul 7, 2018 at 9:27am PDT

自己的对手

A post shared by AL ROCCO (@alrocco) on Jun 14, 2018 at 9:18pm PDT

5.功夫胖

人人都覺得功夫胖好有攻擊性,好強勁嘅氣場,但小編覺得佢好可愛(心心眼)。原來功夫胖都十分有來頭,頸側有一個紋身同雙手都有紋身,絕對係為佢攻擊力+10000呀!當然又要喺呢度為「河蟹專用」遮暇膏致最大嘅resepect啦!

搽啲遮暇膏同著長袖先!
紋身:你睇我唔到,睇我唔到
有紋身嘅功夫胖型好鬼多
你睇吓佢幾咁鬼馬!

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

關注我們Facebook專頁
    相關新聞
      更多瀏覽