停工5年後復出 陳錦鴻:阿仔升小六唔使我陪!
2018年08月31日16:28

陳錦鴻早年為咗照顧被評估為自閉症及中智智障的囝囝陳駕樺,而宣布全面停工。最近復出接拍ViuTV新劇與鄧萃雯再鬥演技。今次復出,除咗係因為有好對手同好劇本之外,最大嘅原來係因為個仔大喇!對呢位絕世好爸嚟講,呢個復出原因真係又安慰,又唏噓呀~

撰文:Sunday Kiss 圖片來源:新傳媒圖片庫,杜雯惠ADA微博

延伸閱讀:

【小創夢家】 芬蘭教育10個成功的理由

【親子好去處】限時活動 LEGO滑梯 火車 小鴨池 免費任玩

好男人典範

陳錦鴻、鄧萃雯將會合作參演ViuTV劇集《婚內情》,劇中陳錦鴻會飾演一名出軌畫家,佢話自己結婚14年,一直盡量唔拍親熱戲,為唔想令太太杜雯惠唔開心,仲話親熱鏡頭可免則免,令到屋企人唔開心就唔好。今次復出,都係喺太太支持下「攞正牌出軌」!

囝囝今年升小六

陳錦鴻已經冇拍劇4、5年,今年9月開學駕樺就讀六年級,唔使爸爸陪,時間多咗。加上囝囝而家11歲,正藉青春期,開始對異性好奇,而家可以揸住個劇本,同佢解釋男女間嘅關係,個劇題才貼地,啱晒佢做教仔嘅教材,所以就決定出山喇!

阿仔已經諗定生仔叫咩名

雖然駕樺只係得11歲,但係而家已經諗住要結婚生子,仲為將來嘅囝囝改好名,叫做「陳小虎」。早前父親節,個仔冇表示,於是陳錦鴻就扮成孫仔『陳小虎』打電話畀駕樺,同佢講:「父親節快樂!」。收咗線之後,駕樺就立即打電話畀銷鴻講:「父親節快樂!」所以陳錦鴻覺得,而家教導年青人係唔需要打同鬧,反而要諗有咩辦法,可以誘導到佢哋自動自覺!!

延伸閱讀:

【室內遊樂場】大埔遊戲館寓學習於娛樂 空中繩網、枕頭大戰、職業體驗…

關注我們Facebook專頁
    相關新聞
      更多瀏覽