契媽們親自教 胡杏兒10個月大兒子學4種語言
2018年08月30日16:55

胡杏兒於2015年下嫁男友李乘德(Philip),並於去年10月誕下兒子李奕霆(Brendan),轉眼間Brendan已經10個月大,眼仔碌碌似足爸爸媽媽,除了俘虜一班粉絲外,一眾胡說八道會的「契媽sss」對他亦疼愛有加。

撰文:CMY|來源:Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【室內遊樂場】 銅鑼灣親子樂園 激玩6大遊戲區 $120起玩足一整日

日前一班「契媽sss」一起去探望Brendan,包括「胡說八道會」的李施嬅、胡定欣、黃智雯、胡蓓蔚及姚子羚,正所謂「三個女人一個墟」,「胡說八道會」的六位美人你一言我一語,把只有10個月大的Brendan「頭都痕埋」。

圖片來源:Instagram
圖片來源:Instagram

事緣三位契媽為小Brendan講故事時,竟然用了三種不同的語言,姚子羚說普通話、胡蓓蔚教上海話,還有李施嬅講英文,加上媽媽胡杏兒說的廣東話,是名符其實的兩文四語,聽得小Brendan一頭霧水,非常可愛。

Myolie Wu 胡杏兒(@myoliemyolie)分享的貼文 於 PDT 2018 年 8月 月 28 日 上午 5:22 張貼

胡說八道聚會 胡杏兒可愛囝囝Brendan俾女圍

自從誕下Baby Lee之後,胡杏兒湊仔大過天,去到邊都同Brendan仔形影相隨。日前,杏兒就帶著囝囝參加胡說八道聚會,四個靚靚契媽見到杏兒仔仔都母愛大發,個個爭相圍著圍著Brendan。而Brendan就一臉呆萌,似乎完全唔知一班契媽點解咁興奮。

契媽1號胡定欣急不及待咁同Brendan仔合照,並留言「Our first selfie with Baby Lee,你真係太太太可愛了,契媽ssss都俾你冧爆左!」定欣仲笑言「6個排住隊Tum你瞓 #每隔兩份鐘轉人 」,相中Brendan未識望鏡頭,又眼神迷離,樣子相當可愛!

契媽2號黃智雯亦上載咗同Brendan仔的合照,留言「Babe Lee…你真係cute到無法無天」又笑指Brendan肥嘟嘟似「節瓜BB」 魅力沒法擋!

契媽3號姚子羚都唔執輸,隨即晒出合照,並留言「Baby Lee 你做咩搶契媽啲嘢食呀?為食豬」

緊隨其後,契媽4號李施嬅(Selena)又在instagram寫道:「今晚開咗一場胡說八道演唱會逐個唱歌給B.B. Lee 聽,其實baby Lee 喺度諗乜呢? 係唔係諗緊成班傻婆點解見到我咁興奮呢?太可愛喇,我哋個個都俾你電暈啦。」

杏兒仔仔
杏兒仔仔
圖片來源:Instagram

Selena更是母愛大發在ig storypost出 和杏兒仔仔大唱英文歌影片,不過Brendan卻只顧咬牙膠,沒有理會她,場面十分有趣。

A post shared by UHAUHA (@uhauha121212) on May 14, 2018 at 9:43pm PDT

胡杏兒:係Baby Gym?定我做緊Gym?

日前胡杏兒同老公陪10個月大嘅囝囝返Playgroup,睇相杏兒好似捉唔住精力充沛嘅Baby Lee咁,難怪佢話:明明話係Baby Gym class,點解好似我做緊Gym咁?

杏兒老公李乘德都有一齊去,睇佢抱住個仔倒豎蔥,又唔似係好吃力喎!不過佢同杏兒嘅感想都係咁上下!「BB健身班,係希望培育小朋友嘅空間意識,身體協調同力量。不過就冇人話畀我哋知,實質上係鍛鍊父母多過鍛鍊BB!」

睇吓杏兒平時PO囝囝嘅相,都應該知呢個仔係好動㗎啦!

一字馬!難我唔到啦!我練緊擺隻腳上頭喇!(設計對白)

放晒啲電,攰喇!

勤做瑜伽修身

杏兒十二年前為演活《肥田囍事》中的肥田不惜增肥,雖然事後很快減肥成功,但她表示身體再不能像以前那麼容易瘦回來,因為脂肪細胞已經膨脹了,現在keep fit不像以前那麼輕鬆。不過,拍攝當日在場不少曾與杏兒合作過的人,都表示她比懷孕前更苗條。「生完之後怕影響奶量,所以冇做咩地獄式減肥,冇節食同做太劇烈的運動。我陀B嗰陣重咗三十磅,生完已經冇咗十磅,我覺得係水腫比較多。」其實她最近一個月才開始做運動,更跟圈內的瑜伽導師林芊妤(Coffee)學瑜伽,在這位魔鬼教練的訓練下,杏兒上第三堂瑜伽已經做到倒立。除了做瑜伽,她得閒也會做帶氧運動,務求保持定期運動量。

胡杏兒
胡杏兒
產後五個月,杏兒已極速修身,她亦有跟林芊妤(Coffee)學瑜伽,更說對方是「魔鬼教練」。
胡杏兒
胡杏兒
杏兒是愛貓之人,自幾歲開始養貓,婚後愛貓就留在娘家。她認為「有養寵物嘅小朋友係好幸福嘅」,會待囝囝長大一點後,再決定是否養寵物。

杏兒表明︰「嚟緊準備生第二個,唔會等太耐,唔想減完肥又再嚟過。」不久的將來應該會收到杏兒的好消息。

胡杏兒

成家人都好似樣呀!

唔少網民都話兩父子好似樣,但其實一家三口都好似樣㗎!兩個人對得耐,個樣就會越來越似,見到杏兒同Phil呢張相,真似真係喎!

圖片來源:Instagram
圖片來源:Instagram
圖片來源:Instagram

延伸閱讀:

【小創夢家】 芬蘭教育10個成功的理由

關注我們Facebook專頁
    相關新聞
      更多瀏覽