工藤佑采 張敬軒 二人互換頭像 網民激動:你哋咩關係!
2018年08月28日17:15

近日,中日混血兒落選港姐工藤佑采因於選港姐期間黑面,而成為大眾話題!不過,最爆的都是昨日歌手張敬軒(軒仔)突然將個人社交網的頭像換成工藤佑采,隨即令不少網友猜想二人關係!

撰文:東方新地|圖片:Instagram、新傳媒圖片庫

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

范冰冰身在美國近照曝光!被昔日好友爆料已和李晨分手?!

工藤佑采 張敬軒 二人互換頭像

昨日,歌手張敬軒(軒仔)突然將個人社交網的頭像轉成中日混血兒落選港姐工藤佑采!剛巧,另一邊廂,工藤佑采亦隨即Cap低軒仔個人簡介的版面,並留言寫上韓國女團WonderGirls著名歌曲之一的其中幾句歌詞,仲寫「I want nobody but you」的歌詞!

張敬軒的個人社交網個人頭像換上了工藤佑采!

點知事隔唔夠一日,工藤就將行動再升級,她於今日將自己的個人頭像換做軒仔,同時留言指:「呢期潮流興玩交換頭像」令大家都非常關注二人究竟是處於什麼關係!

呢期潮流興玩交換頭像 ~

A post shared by 工藤佑采Yutori (@yutorikudo) on Aug 27, 2018 at 5:11pm PDT

引起網民強烈好奇

有網友留言問工藤是否喜歡軒仔,又好好奇二人的關係,但工藤都只是簡單地回應了一句「唱歌好聽香港唔多」明顯她好似幾欣賞軒仔歌藝!

至於軒仔個人社交網方面,亦有大量網友及粉絲不停追問,希望軒仔可以澄清事件,亦有網友留言:「皇上春風滿面#喜事近#聽說男生會將他心愛女生的相片放在第一位 」相信大家都好急想知實情是怎樣!

回應黑面神一事

另外,工藤佑采亦有於個人社交網回應選美當日黑面神上身一事,她留言表示:「其實女皇我都有笑下~不過我吾習慣笑吾停」有網民更力撐工藤指她黑面得嚟夠靚,仲笑稱她為黑面女神!

港姐決賽淘汰佳麗工藤佑采

《2018香港小姐競選決賽》三甲終於出爐,不過,今次就梗係唔係同大家講三甲嘅事啦!皆因落選港姐9號嘅工藤佑采實在太搶鏡,非常之值得一提!昨晚,20位佳麗分兩組進行才藝表演,而喺第二組嘅才藝表演中,工藤佑采嘅小提琴表演認真令各位觀眾非常眼前一亮!

工藤佑采所表演嘅小提琴確係神乎其技,拉到幾乎無一粒音準之餘,仲拉到好似劏雞咁,只係難得佢仲可以咁專注同認真睇譜,十分佩服!

港姐決賽
港姐決賽

睇得出佢真係好落力表演小提琴俾大家聽,只可惜水準就令人跌哂眼鏡。

港姐決賽
港姐決賽

當佢表演完畢,相信唔少觀眾都鬆一口氣!不過工藤佑采拉小提琴拉到劏雞咁都情有可原嘅,皆因佢自稱細細個學過幾年小提琴,最近先重拾琴弓,為咗顯技,都可算勇氣可加。

表演完劏雞嘅琴技後,工藤佑采都可能自知不妙,眉頭一皺。

落選佳麗要再出場跳舞

其後,港姐12強誕生,大熱幾乎全部晉級,而工藤佑彩就無緣晉身。大會之後安排一眾佳麗以泳裝現身問答環節,而八位落選佳麗則要再出場跳舞,淪為dancers。

不過,唔知係咪同已出局同心情有所影響有關,未能晉身嘅八位佳麗皆表現牽強,跳到甩哂Beat!

工藤佑彩出局後跳舞黑面神上身

相信心情最大影響嘅就係工藤佑彩,未知係咪因才藝表演失準,未能順利晉級而心情勁唔靚,出場跳舞時佢一直黑面兼零笑容,個樣望落嬲爆爆咁。

出局後,工藤真係面對住鏡頭都唔識笑, 全程跳舞個樣都幾乎係嬲嬲豬咁!

首次公開囡囡正面照!黎明B女 激似天王童年

【港姐2018】賽前大熱 屈居第3 丁子田 姑媽係甘草女星丁主惠

【港姐2018】14號何泳芍大熱倒灶三甲不入 發文自白落選後感

【港姐2018】港姐踏入45年!細數10項歷屆冠軍之最

延伸閱讀:

【港姐2018】盤點歷屆13位高學歷港姐

關注我們Facebook專頁
    相關新聞
      更多瀏覽