【2018港姐決賽】嘉賓司儀齊搶鏡 台上台下爭妍鬥麗!
2018年08月27日19:45

2018香港小姐競選完滿落幕,昨晚除咗台上一眾佳麗爭妍鬥麗外,台下一眾司儀及嘉賓們嘅衣著都同樣成為焦點,個個盛裝打扮出席一年一度嘅TVB重點選美節目!依家就一齊睇睇有邊幾位打扮最吸睛啦!大家唔知最鐘意邊個嘅晚裝多啲呢?

撰文:東方新地|圖片:東方新地

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

鄭秀文新碟大騷Fit爆身材!即學Sammi 6大減肥排毒秘訣

港姐決賽嘉賓司儀齊搶鏡

今年嘅港姐決賽嘅司儀組合與往年有啲變化,今屆就以Do姐領軍,帶住農夫二人、陸浩明、麥明詩等人做司儀,夠哂人強馬壯!一眾司儀當然就悉心裝扮,華麗出席當晚盛事,Do姐以黑色蕾絲邊deep V 嘅晚裝示人,令企喺正中間嘅Do姐更加亮眼!

港姐決賽
港姐決賽

港姐決賽
港姐決賽

至於評判之一嘅李施嬅,就以全黑晚裝到場,穩打穩扎嘅造型,低調之餘亦不失優雅氣質。

中空搶鏡系列

貴為星級評判之一、前港姐冠軍陳凱琳同樣以黑色晚裝出席,不過就大開中門露出下半球,成功比李施嬅更搶眼及有睇頭!

當問到有冇俾老公鄭嘉穎過目,鄭太就笑言:「冇啊,佢一向都支持我嘅選擇!」

開中門嘅又點止鄭太一位呢?出名好身材嘅陳煒同田蕊妮都一樣以Deep V 晚裝示人!

至於嘉賓方面,蔡思貝就以一身雪紡低胸長裙谷胸上陣,散發住青春氣息!

同做「影後」系列

李佳芯則以白色入膊長裙到場,裙外再加有一件薄薄嘅紗,盡顯女神仙氣!

單拖到場嘅黃心穎同樣著起入膊款式嘅貼身長裙,裙款上嘅流蘇設計,令其體態份外誘人!

不過,大家咪睇Ali同心穎兩個好似密密實實咁,其實佢哋晚裝嘅大露背設計先係最吸睛嘅地方!美人騷玉背,正呀!

露背嘅又唔止以上兩位嘅,邵珮詩一樣以大露背成功令鎂光燈閃個唔停,唔知大家鐘邊位嘅背多啲呢?

上屆港姐就當然有份成為今屆港姐選舉嘅坐上客啦!不過,除咗上屆冠軍雷莊𠒇著低胸裝外,其餘都係Tube款到場。

朱千雪則與靚湯一齊到場,二人晚裝顏色非常鮮艷兼露出靚靚鎖骨!

張寶兒上圍逼爆搶鏡

雖然當晚張寶兒冇男友袁偉豪喺身邊出席港姐競選,不過依然著上性感晚裝到場,露出事業線。

著住Tube款晚裝嘅張寶兒喺席上彎身拎嘢,逼爆嘅上圍睇到人差啲塞息!

做咗人妻兼媽咪嘅吳若希反而著上大紅色西裝款式出席港姐選舉,顯出另類中性美。

延伸閱讀:

【港姐2018】賽前大熱 屈居第3 丁子田 姑媽係甘草女星丁主惠

關注我們Facebook專頁
    相關新聞
      更多瀏覽