【專訪】 校園女神王梓穎
2018年08月24日18:04

王梓穎今年21歲,係一位美容師同埋part-time model。由細到大梓穎媽媽都會同佢影好多相,雖然不是專業攝影師但也會特意買相機幫梓穎影相,所以梓穎由細個開始就受媽媽影響,好鍾意影相。畢業過後做過美容師一段時間,梓穎亦開始接Model工作,由一位full-time美容師改為part-time美容師,好讓可以有多啲時間做接model工作。梓穎以影硬照為主, 但都好想拍下廣告,微電影等等,希望盡量可以搵多啲關於呢方面嘅工作。

記者:Kade Chan

由高中開始,梓穎就已經有目標知道將來要入咩行業,所以老師佢哋都會攞梓穎做例子,話比師弟師妹知做人要有目標,要知道自己嘅興趣,從而可以將興趣成為自己嘅工作。如果冇興趣嘅工作會好難做得長,做得開心。

啱啱考完DSE,成績都未派,梓穎就去咗報名vtc既見習學員計劃,透過呢個計劃,梓穎一邊做美容學徒一邊讀有關美容嘅課程,完咗計劃之後就會考試,合格就可以得到美容國際證書。

呢個計劃修讀左大約一年, 梓穎就由美容學徒,升級做見習美容師,再升級為初級美容師, 一步一步咁晉升成為宜家嘅正式美容師。 除咗model工作之外,令梓穎轉part-time美容師嘅原因係梓穎好鍾意去旅行,去過日本,泰國,台灣,嚟緊好希望可以有機會去下歐洲旅行,拍下一啲關於旅遊嘅節目。

另外其實梓穎係一個吃貨,好鍾意去搵唔同嘅好嘢食或者自己煮去研究一啲健康嘅食譜。但係同時係一個好容易肥嘅女仔, 所以基本上每個星期都要做五至六次運動, 例如跑步,boxing ,同埋係屋企做一啲fitness ,希望可以keep住個身型。 梓穎好鍾意着唔同style嘅服裝去影相,所以成日睇唔同嘅時裝page參考。 而家梓穎喺美容工作上已經穩定, 所以好希望可以接多啲有關於Model、廣告、KoL、旅遊節目等等既工作。

原文連結:

【專訪】 校園女神王梓穎

相關文章:

張羽希出席頤妍堂商演活動 與粉絲歡度七夕

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽