【好爸爸!】細女木村光希強勢出道 木村拓哉幾擔心都要撐!
2018年08月22日21:25

【好爸爸!】木村拓哉與工藤靜香結婚18年,生咗兩個女,今年15歲嘅細女木村光希,今年以「Koki」為藝名,登上時尚雜誌「ELLE JAPON」封面正式出道,轟動日本藝能界!光希深得父母遺傳,有父親嘅高顏值,有母親嘅高佻身材,因此被譽為「彗星」級星二代!罕有提及家人嘅木村,近日就首次喺訪問當中提及對光希出道嘅睇法!處處流露出父親嘅矛盾,既係擔心,又要支持⋯⋯

撰文:Sunday Kiss | 圖片來源:木村光希IG、週刊女性Prime、網上圖片

延伸閱讀:

【室內遊樂場】大埔遊戲館寓學習於娛樂 空中繩網、枕頭大戰、職業體驗…

【親子好去處】15個攤位免費任玩 換禮物、故事書 | 玩具反斗城3分店限定

「我也只能在背後支持她」

45歲嘅木村拓哉稱,出道廿幾年,到而家仲係日劇迷心中嘅永恆經典,就算已經結婚生女,都動搖唔到木村喺藝能界嘅地位。木村拓哉一直以嚟都好保護,同好錫兩個女!為咗栽培女兩個女學好外語同音樂,仲送兩個女去國際學校讀書。所以一直都唔想光希入行。

木村光希
木村光希
廿幾年都仲萬人迷

不過光希魅力真係強都擋唔住,個人IG開咗兩個女,已經突破100萬人Follow!近日木村喺訪問之中,亦都鬆口講到光希出道嘅事!佢話:「她想做的事,我也只能在背後支持她。我絕對不能『這樣做那樣做』地教育,但在她持續努力的這段時間,我會一直關注她。」處處流露出父愛!

個女想獨立,做爸爸就唯有撐

節目主持人就話光希好適合呢一行,不過木村說話:「也不是適不適合的問題;只不過身為父母的我們,好像不需要太擔心了。就算是親子的關係,她如果想獨立,我們也只好支持了。」

#BvlgariBags #Bzero1

A post shared by Kōki, (@kokiofficial_0205) on Aug 21, 2018 at 10:12pm PDT

雖然木村冇將「反對」兩個字講出口,但係睇得出佢作為父親嘅擔憂。

木村光希不以本名出道,反而以 Kōki 做為模特兒藝名。就係唔想靠父親母親嘅光環。

#BvlgariAmbassador #BvlgariFamily @bulgariofficial

A post shared by Kōki, (@kokiofficial_0205) on Aug 15, 2018 at 3:11am PDT

光希雖然得15歲,但係喺父母嘅培育下,音樂天份已經盡顯,彈琴作曲樣樣皆精,就讀東京嘅國際學校,識吹長笛、彈鋼琴,又識作曲,曾為媽媽工藤靜香及中島美嘉等歌手作曲。而家更精通日文、英文及法文,最近仲開始學西班牙文!

#bvlgarisunglasses

A post shared by Kōki, (@kokiofficial_0205) on Aug 19, 2018 at 5:42am PDT

自從5月底登上《Elle Japan》封面、繼而開埋個人IG之後,木村個細女Koki曝光率仲高過佢老竇!為咗keep住萬人迷的形象,木村好少在公眾場合提及家人,亦甚少被人影到合照!不過,早前日本八卦雜誌《週刊女性Prime》就影到木村開車接個女放學嘅相!

激罕!國際學校接放學

木村兩個女由細到大都係入讀國際學校,一直以來,多數都係由媽咪工藤靜香接放學,6月底,雜誌影到木村開車接細女Koki放學。

木村
木村
Koki的校服是白裇衫加深藍色短裙。
發現咗有人影相!

老竇買定嘢飲

Koji踏出校門,上咗老竇車,記者話佢見到老竇接放學好開心,一上車就拎起老竇買定嘅飲品飲!

校服裙好短,可以show長腿!
一上車就拎起老豆買的飲品!
咁遠都見到,遺傳咗老竇的大眼袋!

5年前萌樣終可見光!

在日本,雜誌刊登「一般人」的照片,一定要打格,2013年《週刊女性Prime》曾經影到工藤靜香帶住兩個女去聽小提琴演奏會,但當年唔可以公開佢哋個樣,依家細妹出咗道,舊相終於可以見光!

5年前的Koki,非常可愛。
10歲時的長腿!

法國出席Chanel秋冬show

Koki昨晚post了新相上IG,原來同阿媽飛咗去法國,齊齊出席Chanel Fall Winter Haute Couture Show,好厲害(我當然指Koki)!

同老竇一樣有型!
sorry,唔識寫caption,唔知點形容!

於其他IG發現到Koki的巴黎相,可愛到暈呀!

延伸閱讀:

【小創夢家】 芬蘭教育10個成功的理由

關注我們Facebook專頁
    相關新聞
      更多瀏覽