【延禧攻略】製作人爆演員片酬 全劇演員加埋先得…
2018年08月17日11:15

《延禧攻略》最近熱播,不論在內地和香港都成為熱話,除了本地代表佘詩曼的演技夠吸引外,劇集的精緻製作同樣是必看點之一!近日,製作人于正向傳媒大爆《延禧攻略》演員的片酬!

撰文:東方新地|圖片:微博、新傳媒圖片庫、電視劇照及截圖

延伸閱讀:

45歲陳慧琳似少女零皺紋!天后公開夏日美顏秘訣!

【森美旅行團2】重提吳若希似日本女星 Mayanne係森美嘅寵物…

《延禧攻略》三億豪華製作

最近,內地清裝宮廷劇《延禧攻略》熱播中,劇中一人一物皆要用錢,才能成功打造一套劇集。日前,該劇製作人于正接受傳媒訪問,提及拍攝劇集初期預算高達3億人民幣,本應好夠用。不過,于正就爆演員的片酬加埋,原來只佔總預算的8%!

延禧攻略
延禧攻略

全劇演員片酬

于正指因為製作頭飾、衣服等的花費太多,最後唯有於演員薪酬上開刀,故最後所有演員的片酬加起才只得2,400萬人民幣!相比近年內地劇集演員的片酬,絕對是低到嚇人!

延禧攻略
延禧攻略

縱然如此,由於劇中沒有大紅大紫的一線巨星坐陣,加上劇中的演員大多是于正的好朋友,所以酬勞以友情價支付,才能為劇集省下不少錢。

雖然沒有巨星,不過就有多位演藝界的老戲骨一齊演戲,包括佘詩曼、聶遠(即乾隆)、譚卓(即高貴人)等人,于正透露他們每日都會去到皇后秦嵐房裡討論劇本,甚至還笑稱該房為「蘭桂坊」。

佘詩曼拍《延》片酬

據了解,佘詩曼於《延》的片酬,每集並不多於20萬,即整部劇集大約有200萬人民幣作為片酬。有網友更形容,這個價錢正常比主角的替身加起來還要少!

據指,因《後宮甄嬛傳》爆紅的孫儷及拍《如懿傳》的三金影后周迅,二人片酬分別為6,048萬及5,350萬。若《延》全劇演員的片酬加起只得2,400萬元,即全劇演員加埋片酬都不及以上其中一位女主角的一半!

《延禧攻略》妃嬪化妝三大特點

細心睇就會留意到,《延禧攻略》中一眾妃嬪嘅妝容都有三大特點,就係每隻耳上都有三隻耳環、柳葉眉,同疑似「咬唇妝」嘅唇妝。

延禧攻略
延禧攻略

延禧攻略
延禧攻略

一耳三鉗

原來根據滿族嘅習俗,女兒自出生後就要喺每邊耳朵要穿三個耳孔,並戴上三隻耳環,為「一耳三鉗」,即兩隻耳合共有六個耳洞。

延禧攻略
延禧攻略

出身富貴嘅女子會用金、銀、翠、玉為耳環,或在每個耳環串兩顆珍珠,而窮家女則只會用銅圈替代。

延禧攻略
延禧攻略

幼細柳葉眉

一眾妃嬪清一色嘅幼細柳葉眉,則是清代女性嘅傳統妝容,凸顯出女性嘅優雅美態。

延禧攻略
延禧攻略

而佢哋嘅唇妝雖然望落好似韓國幾年前流行嘅「咬唇妝」,但清朝時原來係叫「絳唇妝」!

延禧攻略
延禧攻略

製造「櫻桃小嘴」

「絳唇妝」喺清朝非常流行,重點係上唇幾乎唔上色,或只塗內側唇色,下唇亦只畫上一半色調,令雙唇睇落更加小巧,似足「櫻桃小嘴」。

延禧攻略
延禧攻略

而韓國數年前流行嘅「咬唇妝」,則是由中間漸次暈開,上色面積較大。

延禧攻略
延禧攻略
韓式「咬唇妝」需要將唇膏塗於唇部中央,再以海綿掃頭將顏色向外印,造出漸變效果,

參考清朝宮廷畫

連劇集嘅金牌監製于正都特別聲明:「這不是咬唇妝,是歷史啊~」並指佢哋嘅妝容都係考究咗清朝宮廷畫師繪畫嘅《玫貴妃春貴人行樂圖》後所定。

延禧攻略
延禧攻略

延禧攻略
延禧攻略
《玫貴妃春貴人行樂圖》

不過女主角魏瓔珞 (吳謹言飾) 初出場時唇妝塗滿唇,並非「絳唇妝」,原來係因為佢當時只係入宮做宮女,冇必要化當時嘅流行妝爭寵!

延禧攻略
延禧攻略

及後升為「令妃」,身份高貴咗,妝容亦有所升級。

延禧攻略
延禧攻略

另外一般清朝宮廷劇有嘅「大拉翅」髮型,原來係到咗慈禧年代先會出現,所以喺《延禧攻略》中,各妃嬪都只係梳盤髻。

延禧攻略
延禧攻略
一般清朝宮廷劇嘅「大拉翅」髮型。
延禧攻略
延禧攻略
《延禧攻略》

而服裝方面,于正亦考究過歷史資料,並採用咗大量非物質文化遺產,包括絨花、緙絲、點翠等各種傳統工藝面料,都係劇組前往蘇州、揚州等各地採購,使用喺妃嬪嘅服裝同扇面上。

延禧攻略
延禧攻略

延禧攻略
延禧攻略

佘詩曼成為皇后後嘅服飾同妝容,更加係神還原!

延禧攻略
延禧攻略

延禧攻略
延禧攻略

延禧攻略
延禧攻略

延禧攻略
延禧攻略

《延禧攻略》眾妃爭寵 邊個先係皇上最愛?

佘詩曼劇中飾演嫻妃,同富察皇后 (秦嵐飾)、高貴妃 (譚卓飾) 及女主角魏瓔珞 (吳謹言飾) 等在後宮鬥個你死我活,但原來佢哋通通都唔係皇上嘅最愛!

延禧攻略
延禧攻略

延禧攻略
延禧攻略

原來乾隆皇帝最寵愛嘅妃子係以歷史上嘅「容妃」為原形嘅順妃 (張嘉倪飾),在野史上佢被稱為「香妃」,亦即金庸筆下《書劍恩仇錄》中嘅「香香公主」!

延禧攻略
延禧攻略

容妃和卓氏出身回族,係新疆維吾爾貴族和卓木家,為宮中唯一回族妃子,初入宮約25歲即被封為貴人,三年後奉皇太后旨被封為容嬪,六年後再被封為容妃。

延禧攻略
延禧攻略

據指容妃身上所散發嘅香氣並非小說所指嘅花香,而是由於香妃自幼飲羊奶,所以身上帶有奶羶味。

延禧攻略
延禧攻略

容妃深得乾隆寵愛,多次跟隨乾隆南巡,由於容妃信奉「伊斯蘭教」,當其它隨駕妃嬪獲賜食野豬肉時,容妃則獲另賜一盤「狍肉」(鹿肉)。平日佢喺宮中嘅飲食,亦由專門嘅回族廚師烹煮。

延禧攻略
延禧攻略

容妃一生未有介入后妃之爭,在55歲時病逝,被葬於清東陵,1979年墓穴被發掘,發現容妃疑因宗教信仰,棺木有槨無棺,上書有「以真主名義」等阿拉伯文字,表明墓主信奉伊斯蘭教。

延禧攻略
延禧攻略

《延禧攻略》以「容妃」為原形所作嘅「順妃」由內地女星張嘉倪飾演,劇中佢先為「順嬪」,後獲封為「順妃」,受家族指使與眾妃相鬥,心腸狠毒。

延禧攻略
延禧攻略

現實中31歲嘅張嘉倪出身四川,畢業自北京電影學院表演系,07年透過選角贏得由瓊瑤小說改編嘅電視劇《又見一簾幽夢》女主角出道,當時劇中男主角為方中信,女二正是今次飾演皇后嘅秦嵐。

延禧攻略
延禧攻略

《延禧攻略》講咩?

《延禧攻略》進入主題前的劇情,與無綫劇《宮心計》大致相約,女主角魏瓔珞為自己姐姐之死困惑不已,為了尋求真相而決定入宮成為宮女。

延禧攻略
延禧攻略

其後於宮中靠著自己的勇敢態度和聰明,最終成為乾隆皇帝的皇后。

網友評造型 好壞摻半

早前,佘詩曼於劇中的正面照首度曝光,一身淡雅素服被網友指她不似一位妃子,反而更似一位姑姑,而且顯老不少,對她的一身造型頗有不滿。

延禧攻略
延禧攻略

但另一邊廂,亦有網友認為冇所謂,皆因她一直是以演技取勝,而非造型,未知大家又點睇呢?

延禧攻略
延禧攻略

延伸閱讀:

電視城明星撞鬼實錄 張家輝 鄭伊健 林峯 都有份!

關注我們Facebook專頁
    相關新聞
      更多瀏覽