胡諾言裸跑驚為天人
2018年08月17日03:00
胡諾言為《特技人》拍攝一場裸跑戲。

【星島日報報道】胡諾言為劇集《特技人》拍攝一幕裸跑戲,斯斯文文的他原來暗藏一身肌肉,驚為天人。胡仔笑言:「拍完好多朋友都笑我,話睇完個Body,就知點解我可以生三個!」

無線劇集《特技人》播出以來口碑相當不錯,劇中胡諾言跟關楚耀為好兄弟,日前劇情講述阿關親耳聽到,原來是繼母楊玉梅背後一直支持,胡仔才找他做導演。胡仔激嬲好兄弟,就唯有拿着「對不起」的紙牌裸跑道歉,正好跟劇中阿關年輕時激嬲他的劇情相呼應。

胡諾言感激劇集監製王偉仁給他機會,並謂:「第一次有機會拍呢啲健康裸跑戲,但其實我唔係追求大隻,只係想練出鋼條身形。」雖然胡仔向來都有跑步習慣,但一身肌肉同樣是得來不易,為了此幕裸跑戲,他花了不少時間操Fit自己。他說:「其實呢一幕都成一年前拍的,當時都要一個禮拜操4至5次,都希望出嚟線條、效果都好啲,咁自己又有跑開步,收身係會比較容易一啲。去到臨拍前一、兩日就每日只係食一餐,拍之前再做掌上壓谷吓肌。」

關注我們Facebook專頁
    相關新聞
      更多瀏覽