周永恆9月再做爸爸 驚兩個女會唔開心
2018年08月16日07:08

周永恆6月宣佈同細佢兩歲嘅內地女友陳𦾡奉子成婚,BB喺9月就會出世。周永恆日前接受訪問,話自己好緊張,有輕度嘅產前抑鬱,但係最驚嘅係兩個女唔開心!

撰文:Sunday Kiss 圖片:新傳媒資料室、周永恒FB、陳𦾡IG、趙頌茹IG

延伸閱讀:

【小創夢家】 芬蘭教育10個成功的理由

【台灣親子遊】好玩度爆表的親子酒店之蘭城晶英酒店

自稱人渣 17年與阿Yu正式離婚

Roy去年底同前妻趙頌茹(Yu)正式辦好離婚手續,半年後就入紙申請再婚,未婚妻陳薇在婚事曝光後,即上載與Roy嘅婚紗照,相中佢從後攬住Roy,甜蜜表示:「可能我揀咗一條最艱辛嘅路,但無論如何我都會喺你身邊支持你,陪住你行落去。」

如今陳薇已經大咗肚,預產期將會喺9月4號。

👋🏻event…

A post shared by Britni Chan (@britni_chan0429) on Aug 21, 2017 at 6:40pm PDT

驚兩個女唔開心

今次接受傳媒訪問,報導指,阿Roy承認自己好自私,話自己有個新家庭,不過呢個事實兩個女未必會接受,仲驚兩個女會唔開心,覺得自己對佢哋好大虧欠。但係同一時間又怕對未出世嘅囝囝,同埋現任太太唔公平。

嚮往大自然的都是神的孩子

A post shared by Britni Chan (@britni_chan0429) on Jan 1, 2018 at 9:06am PST

訪問中,阿Roy仲話覺得自己好差,唔明點會仲有女人信自己!因為佢不單止拆散自己頭家,又涉及偷食、家暴,仲惡嚇妻女,幾乎將自己趕上絕境,但係得到現任太太嘅接納,至令佢慢慢願意面對自己。

周永恆
周永恆
周永恒FB

曾經諗過自殺

據報導,阿Roy話最艱難嗰幾年,阿都諗過自殺,不過上到60幾樓又唔敢跳落嚟; 又經常失眠,完全瞓唔到覺,最後醫生開啲思覺失調嘅藥物畀佢食,食到個人冇哂情緒,開心唔開心都唔識。

經過咁多風風雨雨,阿Roy話而家自己已經成為一個可以重新面對自己責任嘅人。

三父女4年冇見面

報導指,阿Roy話好愛兩個女,成日都會好想見佢哋,但係好無力,唔知點做。仲話當初明明係自己錯,就變咗係感情問題,冇對錯嘅。唔接受自己錯,唔肯面對自己,所以覺得對兩個女好大虧欠。

而且佢亦都知道自己當年嘅行為好癲,好過份,所以明白兩個女點解唔想見佢。不過而家佢已經知錯,始終都係父女關係,如果兩個女而家肯見佢,佢唔會再逃避。仲喊哂口咁同阿Yu同兩個女講:「對唔住!」

遲了4年的道歉 阿Yu:咁得意!?

阿Yu趙頌茹4年嚟一直獨力撫養兩個囡囡,據報導,阿Yu對於前夫阿Roy嘅道歉,只係淡淡然講咗句:過咗4年先講呢番說話?咁得意?

而報導亦指,阿Yu兩個女都知道爸爸再婚,而家即將有個細佬,阿Yu仲話兩個女而家都大喇,好多嘢都識,都知道。對於前夫再做爸爸,阿Yu都有大方祝福對方。

阿Yu喺訪問中仲提到,同阿Roy喺舊年12月已辦妥離婚,不過到現時為止,只係畀咗兩個月兩個女嘅生活費,喺受訪之後,就突然畀番之前嗰三個月嘅生活費。

阿Yu話唔清楚阿Roy係咪有咩問題,就算佢有咩原因唔畀,阿Yu話都一樣會靠自己努力賺錢養兩個女。亦希望阿Roy將來,會盡作為父親嘅責任。

兩個女好生性

阿Yu曾在社交網站分享一件生活軼事,事緣大女信希要購買樂器,但由於只是初學的關係,所以阿Yu就問女兒希望買比較便宜還是比較貴的款式 —「平的因為希望家裡的錢會多一點」信希回答,阿Yu直言呢個答案令佢覺得女兒真的長大了,並非因為佢真係為屋企慳了錢,而是女兒的乖巧懂事才令佢最感動。

阿Yu更打了一個Hastag:「謝謝你做我女兒」,可見佢真係非常欣慰!

離婚後 三母女感情更好

阿Yu 2016年接受《Sunday Kiss》訪問時指,離婚的決定是經過長久以來的掙扎,因為害怕改變,害怕一個人搞不定,更擔心小朋友的成長有所缺陷,但想到若然婚姻繼續下去的話,反而對小朋友的成長有較壞影響。一切風波過後, 阿Yu有向女兒坦白一切,雖然女兒只有幾歲人仔,但也大概明白了家中發生甚麼事情,最難得是因此更增進了三母女的感情。「我每次都好坦白同佢哋講解,坦白嘅意思唔係將事情最差嘅一面話佢哋知, 而係有限度、佢哋認知範圍上面,去讓佢哋明白到父母雖然分開居住,佢哋仍然有爸爸。」

媽媽是全世界最偉大的

擔任單親媽媽是一件不容易的事, 阿Yu 覺得不論單親與否,所有媽咪都是辛苦的,偉大的。佢話:「係咪單親都係一樣咁照顧小朋友,本身我都係自己一手一腳去湊大小朋友,其實任何父母都有辛苦嘅一面,如果你要諗得好辛苦,咁好多嘢都可以好辛苦。只不過我經歷得更多,學識更多嘢,我都覺得自己有成長。」

放工回家 見到囡囡最滿足

阿Yu希望兩個囡囡喺一個開心嘅環境生活,並且希望佢哋每一刻都敢同佢傾訴,因為以往囡囡好驚同佢講心事,驚佢聽完會唔開心,但係其實佢哋唔同自己分享,反而更傷心。到依家,阿Yu表示自己對同小朋友嘅關係好有信心,因為依家睇到佢哋女兒好信任自己,每一日都充滿安全感。雖然兩個女啲吵鬧聲有時候真的令人好辛苦,但係每當阿Yu做完嘢返屋企聽到佢哋把聲,就覺得好滿足。

婚前天水圍同居

周永恆及現任太太陳薇,在5月底入紙「擬結婚通知書」中,所報地址為天水圍同一屋苑住所,Britni接受訪問時力撐Roy有才華,為人亦唔係咁壞:「其實係咪唔好將一個人曾經嘅錯誤繼續放大同標籤繼續打擊佢呢?畢竟佢真係有改變咗好多,成年人嘅問題有時真係兩個人先知,放過佢,畀多啲空間佢啦!」

曾偷食打老婆

自認係人渣嘅世紀賤男周永恒(Roy)與趙頌茹(Yu)結婚不過4年,育有2個女兒,但2014年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時二人情慾短片流出,Roy自此被封為世紀賤男。

周永恒FB

躁底周永恒更一度動粗,出手打阿Yu,令她下巴及面部受傷須送院縫針,更登阿Yu娘家家門,吐口水及用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成。

周永恒FB

嬲到爆粗

Roy偷食打老婆恐嚇咩都做齊,前年上ViuTV節目時疑不滿兩位女士不斷提及佢打老婆同有外遇等事,更嬲到爆粗起身走人!

渣男
渣男

苦等四日 嚇壞女兒

Roy仲自爆曾去過大女信希就讀的幼稚園門外苦等四日,見到女兒仲忍唔住撲過去!不過信希見到佢又好似唔係好熟咁,之後有保母將佢抱回學校,仲唔敢出嚟!轉個頭已分居的太太Yu就send message俾佢,話佢咁樣做學校會報警,但其實佢都唔知自己做錯啲咩。

周永恒FB

延伸閱讀:

【親子好去處】加利布尼市集+投影盛演同Pixar水花大街派對

關注我們Facebook專頁
    相關新聞
      更多瀏覽