【森美旅行團2】第2集現穿崩位 森美澡堂露底!
2018年08月15日15:04

《森美旅行團2》第二集昨晚出街,四位主持人終於合體,同遊京都!森美作為節目中的大阿哥,率先帶住今輯新加入的小鮮肉丁子朗去浸當地風呂,點知明明應該全裸上陣的森美竟然老貓燒鬚,被發現原來有打底!

撰文:東方新地|圖片:TVB《森美旅行團2》截圖、新傳媒圖片庫

延伸閱讀:

「龔燁」原來可以好仙氣?張景淳 雌雄難辨

【港姐2018】港姐佳麗上《後生仔傾吓偈》兩人自爆從未拍過拖……

《森美旅行團2》叮走 黃心穎 高海寧

上年播出的《森美旅行團》大受歡迎,大台食髓知味即開拍一連十集嘅《森美旅行團2》,今次繼續由森美帶隊,但就叮走黃心穎同高海寧,舊團友麥美恩(Mayanne)有得留低,換上吳若希、丁子朗,齊齊帶大家去日本京都、和歌山及岡山食玩買。

森美旅行團2
森美旅行團2

森美旅行團2
森美旅行團2

杜如風 驚喜現身《森美旅行團2》

《森美旅行團2》第一集先由森美一個人主持節目,節目一開始,森美喺小巴上做領隊,佢話個個掛住購物,忽略日本最靚嘅風景!此時,杜如風驚喜現身,話「shopping點可以唔找我杜如風」,然後有男團友話:「森美大哥,我撐你」,各有捧場客咁話!

森美旅行團2
森美旅行團2

森美旅行團2
森美旅行團2

森美、丁子朗打頭陣出場

昨晚《森美旅行團2》播出第二集,期待以久嘅四位主持終於埋位出場!不過,一開始就先由森美同今輯新加入嘅小鮮肉丁子朗打頭陣,介紹錢湯,即公共澡堂。未到澡堂,丁子朗就已經喺街邊操胸肌,仲搞笑咁同森美講:「夾梗啲事業出嚟!」森美就乘機隔住衫摸摸對方胸肌有幾勁!

森美旅行團2
森美旅行團2

森美旅行團2
森美旅行團2

摸完就梗係拿拿臨行去澡堂,森美見丁子朗挺起胸肌準備好就話帶佢去創高峰,點知丁子朗表示自己仲未有高峰,聽完呢句大家可能會有不解,皆因唔係冇先要創嘅咩?

森美旅行團2
森美旅行團2
森美旅行團2
森美旅行團2

之後,森美就自己一個搞下氣氛,話丁子朗咁大隻,可能自己要創事業低潮。

森美同丁子朗今次介紹京都電氣風呂「衣笠溫泉電氣風呂去到澡堂,二人除咗介紹一下個澡堂有咩賣外,森美就問對方有冇著內褲,丁子朗就答話冇,結果被森美笑指要注重一下個人健康。

丁子朗騷肌

入到澡堂,就係二人騷肌嘅大好時機!丁子朗只用毛巾包住下身,露出健碩上身及被摸過嘅胸肌,發揮小鮮肉吸睛之處!相反,森美今次就比較錫身,將毛巾包到上心口,連兩點都唔露,大方畀對方搶鏡!

森美澡堂露餡

由於全裸進浴場是禮儀,所以二人都入鄉隨俗,全裸入浴,並將重要部分「打格仔」處理。入浴時,丁子朗自爆因為受到電流影響,搞到全身硬晒,肌肉繃緊!隨後,森美亦落池試試,二人同樣表現痛苦!

森美最終都頂唔順決定上水,但就喺上水一刻馬上穿崩!明明二人「打哂格仔」全裸落水,但原來森美卻穿肉色打底褲,今次露底認真唔小心!

雖然未見丁子朗與森美一樣打底先落水,不過就肯定佢比森美更小心!

地址:京都市北区大将軍一条町50

電話:+81(0)75-462-1225

齊集四人品嚐甜品

試完電氣風呂,四位主持人齊集由錢湯改建嘅咖啡廳,品嚐甜品。正當森美歡迎兩位新主持吳若希及丁子朗時,麥美恩(Mayanne)就指對方唔記得咗佢。

由於該咖啡廳不時會有現場樂隊音樂會表演,Mayanne就邀吳若希同森美即席演唱一曲,仲笠高帽稱吳若希為影視紅星,笑指森美係2018年新晉男歌星。

其後,麥美恩就指自己冇得食蛋糕,但丁子朗就好識做,馬上將自己件蛋糕俾對方。口痕嘅Mayanne就大讚丁子朗好過啲「老嘢」暗寸森美,認真爆笑!

地址:京都市北区紫野東藤ノ森町11-1

電話:+81(0)75-432-5075

與藝伎玩遊戲

一行四人食完甜品就到衹園睇著名嘅藝伎,一向藝伎皆化白臉示人,而森美就同吳若希講:「一白遮三醜,你知啦係咪?」森美隨即被吳若希打一下,並話對方話佢醜樣。

四位主持難得與歌舞藝伎一聚,就把握機會一齊玩下遊戲,玩法就係一個碗放於桌上,各人輪流將手平放於碗上,若碗被對方拎走,另一方就要將手握成拳頭放於桌上,並伴隨音藥節奏以加快遊戲速度。

第一個玩嘅丁子朗贏唔到藝伎,森美就話要換個較年輕啲嘅,點知佢自己望下吳若希又望下麥美恩,分唔到邊個後生啲,場面搞笑。

個個玩完都輸,最後終於俾森美贏到一次,四位主持興奮到大嗌,唔講以為佢哋中咗六合彩頭獎!

地址:京都市東山區八坂鳥居前東入圓山町

官有地

電話:+81(0)75-525-0124

品嚐日本傳統壽司

玩完一輪,四位主持就去咗品嚐一種日本傳統壽司,叫手和壽司,又名花壽司或散壽司。

一人一碗綠茶蛋絲。

唔知係咪玩得有啲赲,丁子朗喺落配料時,就話:「萬中紅中一點綠」聽到其餘三位主持人笑爆嘴外,丁子朗自己聽番都差啲噴口中啖飯出嚟!

麥美恩「un」住坐唔到

其後,森美問Mayanne做咩塊臉咁紅,原來係因為Mayanne坐唔慣,點知就俾森美笑佢係個血氣方剛嘅少女,平時少坐喺「突出嚟嘅物件」上面,結果令大家都笑唔停!

地址:京都市東山区下河原町463-8

電話:+81(0)75-204-3564

延伸閱讀:

甄子丹天價人民幣片酬曝光 回應內地藝人逃稅風波

關注我們Facebook專頁
    相關新聞
      更多瀏覽