《特技人》朱晨麗 16歲選美娘樣再曝光
2018年08月14日18:04

無綫劇《特技人》播出一個星期多啲,口碑算是不過不失,反而一對男女主角譚俊彥及朱晨麗都備受觀眾讚揚!2011年港姐冠軍朱晨麗外表亮麗,一直被封為「翻版陳法拉」,而原來佢早在16歲時已經參加一個「第三屆水鄉儷人比賽」,個樣同依家……

撰文:東方新地|圖片:劇照

延伸閱讀:

《森美旅行團2》孖森美全裸浸溫泉 丁子朗 自爆全身硬晒

陳冠希:感謝上帝讓我擁有你 女友生日甜蜜留言!

《特技人》朱晨麗首擔正女一

《特技人》係朱晨麗第一套擔正女一的劇集,都聽得出佢廣東話明顯有進步,演技亦比從前更成熟,「May豬」角色設定討好,加上朱晨麗本身就係個索女,觀眾們都幾受落!

朱晨麗
朱晨麗
《特技人》係朱晨麗第一套擔正女一的劇集!

譚俊彥 豪邁型佬

譚俊彥之前在《天命》中飾演沉穩的嘉慶皇帝,感覺上成套劇大部分時間都係目無表情咁,不過來到《特技人》就變成一個豪邁型佬,除了同飾演其兒子的楊凱博「二百年後再一起」,譚俊彥同朱晨麗呢個組合亦相當討好!

譚俊彥及楊凱博早前於《天命》中都係做兩仔爺,分別飾演嘉慶皇帝和太子綿寧。

激罕晒水着

講番朱晨麗先,早前一集中,講到朱晨麗為傅嘉莉做替身拍廣告,要著上運動型泳衣打沙灘排球,朱晨麗話佢選完港姐之後已經好少着泳裝,所以好擔心觀眾嘅反應:「呢場戲講我做替身,着住沙灘排球衫拍飲品廣告,係戲中戲,同時我要做高難度動作,喺彈床度跳來跳去,拍嘅時候係夏天,好曬,拍完真係成身散晒!」

朱晨麗
朱晨麗
朱晨麗做傅嘉莉(左)替身,一齊大晒身材!

好驚走光

朱晨麗又話自己為咗呢場戲花咗幾個月時間狂keep fit:「做健身,瑜珈同舉啞鈴,全部都做,希望出嚟線條靚啲,因為套衫真係好少布,上下身都唔可以打底,比起港姐時更性感,好尷尬,跳時真係好驚走光,又要做前空翻,當時又多臨時演員,埋位時冇得遮,只可以頂硬上!」

朱晨麗
朱晨麗
著咁少布跳嚟跳去,真係好易走光!
朱晨麗
朱晨麗
朱晨麗話自己一路跳一路驚!
朱晨麗
朱晨麗
再嚟跳多吓!下面班男工作人員𥄫邊呢?
朱晨麗
朱晨麗
辛苦操咗幾個月,出到嚟線條係靚嘅!
當然傅嘉莉都唔差!

朱晨麗派福利 去峇里晒泳衣照

朱晨麗早前去峇里島旅遊,激罕晒泳裝照益網民!並留言:「用微笑面對每一天!來,深呼吸放鬆一下吧」相中朱晨麗一襲黑色泳衣,微微地側身,單手撥髮甫士,豐滿上圍和纖腰表露無遺…

朱晨麗
朱晨麗

見網民們反應好,朱晨麗再貼多幾張不同甫士的泳照,再留言話:「送多張畀努力奮鬥的你」真係識做!

朱晨麗
朱晨麗

貼到第四張,佢留言:「霸住你地嘅屏幕唔好意思,保證係最後一張了」其實大家唔怕多相喎…

「翻版陳法拉」港姐冠軍

現年30歲的朱晨麗,出生於江蘇蘇州,16歲時獲香港演藝學院邀請赴港就讀舞蹈藝術系,主修芭蕾舞。至2011年朱晨麗參選港姐,比賽前獲封為「翻版陳法拉」而成為大熱,比賽期間奪得「最受歡迎大獎」、「歡樂大使獎」及「時尚目光大獎」等多個獎項,最後成功奪冠。

朱晨麗
朱晨麗
係咪有幾分似陳法拉?

朱晨麗
朱晨麗

朱晨麗
朱晨麗
一個字:索!
朱晨麗
朱晨麗
2011年時大熱奪冠。

朱晨麗 16歲選美娘樣再曝光

當年港姐奪冠後,朱晨麗被爆曾報名參加「2006亞洲小姐網絡賽」,以及03年在蘇州舉行的「第三屆水鄉儷人比賽」,當時朱晨麗仲因為未有向TVB申報,事後在慶功活動上連番道歉。網上更流傳出疑是朱晨麗當年參加「水鄉儷人」的照片,大家睇睇……

朱晨麗
朱晨麗
2003年時朱晨麗得16歲,外貌比依家「娘」得多,而且仲有啲baby fat,好青澀!
朱晨麗
朱晨麗
不過起碼一眼都認得出!

【延禧攻略】吳謹言擔正三大原因 因太靚被監製剃眉!

【港姐2018】20強候選佳麗泳裝照逐個睇!

延伸閱讀:

【Ellen,一路好走!】盧凱彤出殯 遺孀余靜萍 含淚送別

關注我們Facebook專頁
    相關新聞
      更多瀏覽