母愛偉大!兒子患蠶豆症 李蘊甘願為子戒口
2018年08月14日16:58

李蘊於上星期8月8日誕下次子,湊成一對「好」字,不過近日她在社交網站上留言,指兒子患有蠶豆症,因此自己會與兒子一同戒口,令他不會覺得孤獨。

撰文:CMY|來源:李蘊instagram

延伸閱讀:

【室內遊樂場】大埔遊戲館寓學習於娛樂 空中繩網、枕頭大戰、職業體驗…

【小創夢家】 芬蘭教育10個成功的理由

李蘊在instagram上發佈了一段與女兒和兒子的影片,影片剛好拍攝到兒子嘔奶的一刻,李蘊留言指兒子是「蠶豆仔」,所以黃疸指數偏高,要入院照燈:「細佬係蠶豆仔(蠶豆症)所以黃疸偏高 今日要照燈啦 不過唔使驚 好快就可以返屋企😘😘」她又留言希望蠶豆症BB的媽媽可以跟她分享一下照顧蠶豆症BB的方法。

Renee Lee 李蘊(@renee0727)分享的貼文 於 PDT 2018 年 8月 月 13 日 上午 12:26 張貼

其後李蘊又在instagram照出一張母乳的相片,指「人奶媽唔懶得」,因此會與兒子一起戒口,希望他可以健康長大:「人奶媽唔懶得,就算BB照緊燈唔係身邊,一樣要定時揸/泵出嚟拎去醫院比BB食,大半天的成果,對於未上曬奶嘅我嚟講,都ok滿意啦。」

Renee Lee 李蘊(@renee0727)分享的貼文 於 PDT 2018 年 8月 月 13 日 上午 11:50 張貼

兒子是「3條8」BB

BB仔喺2018年8月8號順產出世,是有「3條8」的BB,有成7磅重,不過就辛苦媽咪,痛咗3個鐘頭先到,好彩有嗲地一路陪住,一齊迎接一家四口嘅新生活!

Renee Lee 李蘊(@renee0727)分享的貼文 於 PDT 2018 年 8月 月 12 日 上午 7:02 張貼

未生之前挺巨肚

李蘊早前同懷孕中嘅Coffee見面,有咗7個月嘅Coffee,同就生得嘅李蘊相比,顯得李蘊個肚十分巨大!

BB仔8月8號喺法國醫院出世!同家姐一樣都係順產,不過就痛好多啦!好彩過程唔算太耐!李蘊都讚細佬錫住自己!

報喜啦🎊我哋嘅小寶貝係8月8號38週當日已經出咗世啦🐣同家姐一樣順產 同樣重3.2kg⚖️不過今次只係痛咗3個幾鐘就生咗😆雖然覺得痛過第一胎😖但時間短好多😎細佬真係錫住媽咪😘😘多謝老公陪產期間一直幫我加油同鼓勵我💞仲幫我按摩舒緩痛楚💆🏻‍♀️多謝劉珮琪醫生一直同我做產檢同埋接生👩‍⚕️佢係一個又細心又有耐性又有經驗嘅超nice婦產科醫生 生完第二日個傷口已經唔痛 因為幾乎無傷口😛(極力推薦比各位孕媽媽👍🏻)同埋多謝🏥法國醫院所有3樓嘅姑娘同姨姨 兩次生B都有好好嘅體驗🤩我哋已經返咗屋企休息啦!再次開啟母乳媽媽模式🤱🏻💪🏻多謝大家關心💕

A post shared by Renee Lee 李蘊 (@renee0727) on Aug 10, 2018 at 9:07pm PDT

兩公婆一齊迎接BB出世!!李蘊都好感激有丈夫嘅陪伴!

「多謝老公陪產期間一直幫我加油同鼓勵我💞仲幫我按摩舒緩痛楚!」

李蘊
李蘊
截圖自李蘊IG。

家姐見到細佬好似好好奇咁喎!

截圖自李蘊IG。

李蘊而家已經同囝囝出咗院休息喇!仲話會啟動母乳餵哺模式!希望囝囝可以健康愉快咁成長啦!

細佬一出世就咁多頭髮!

截圖自李蘊IG。

李蘊2015年和與拍拖三年多的圈外男友羅章冠結婚,翌年誕下囡囡羅紫晞,今年更迎來第二胎,可喜可賀呀!

今個月更剪短頭髮迎接細B。

自誕下晞晞以來,李蘊一直堅持餵母乳,早前更受乳腺炎影響。

截圖自李蘊IG。
截圖自李蘊IG。

去年,李蘊在Facebook表示自己受 乳腺炎 影響而發燒,更指出自己自從生完小朋友後接近每一個月都有 乳腺炎 的情況出現。每個月兩次要去找通乳師通乳才比較不會痛。

截圖自李蘊fb。
截圖自李蘊IG。
截圖自李蘊IG。

乳腺炎最常見於哺乳婦女,尤其是初產婦。哺乳期的任何時間均可發生,而哺乳的開始最為常見。有些媽媽感染 乳腺炎 後會暫停餵母乳,政府衛生署表示患有 乳腺炎 的媽媽應該繼續餵哺母乳。由於 乳腺炎 是因為乳管阻塞引起,初期是沒有細菌感染的,因此繼續餵哺母乳讓乳汁流通,是治療 乳腺炎 的方法之一。相反,如果停止餵哺母乳的話,乳管會繼續阻塞,便有機會讓細菌感染,甚至形成膿瘡。

乳腺炎 的處理方法:

  • 紓緩媽媽乳房疼痛
  • 在餵哺或泵奶前四十五分鐘服用止痛藥:常用的撲熱息痛是適用於授乳媽媽
  • 不要穿上太緊或有鐵線的胸圍,因會阻礙乳汁流出
  • 餵哺後和下一餐之間,可以冷敷乳房來幫助消腫。你亦可使用室溫或冰過的綠色生椰菜 (高麗菜),敷在乳房上,但不要碰到乳暈。每次敷約二十分鐘或是直至葉子變軟了便棄掉。使用前,先用瓶子把椰菜壓平。紓緩腫脹引起的疼痛。
  • 幫助乳汁流通
  • 用以上方法紓緩乳房疼痛亦有助乳汁流通
  • 繼續讓寶寶吸吮乳房
  • 確保寶寶正確吸吮乳房
  • 嘗試不同的餵哺姿勢,如欖球式或側卧式,但以媽媽和寶寶感到舒服的姿勢為原則
  • 減少奶瓶餵哺的次數和分量,以增加寶寶吮吸的意欲並增加直接餵哺的次數
  • 若寶寶是全以奶瓶餵哺,或寶寶不願意吃發炎那一邊的乳房,那麼媽媽便需要定時將奶擠或泵出來,每次泵奶的時間,相隔不要超過四小時。以保持乳汁分泌和流通。
  • 餵哺或泵奶前,你可用以下的方法來刺激噴奶反射,幫助乳汁流動:
  • 與寶寶作肌膚接觸;把寶寶伏在媽媽胸前,中間沒有任何衣物阻隔。若寶寶不願意吃發炎那一邊的乳房,先讓寶寶吃沒有發炎那邊的乳房,當乳汁開始流通時,便讓寶寶改吃有乳腺炎那邊的乳房
  • 輕柔按摩乳房,但千萬不要太大力,否則會增加腫脹
  • 暖敷乳房,緊記要少於三分鐘,太久和太熱反會增加腫脹

如有任何疑問可向母嬰健康院或其他醫護人員查詢。

來源:衛生署

除了乳腺炎之外,李蘊也曾因為抱B患上媽媽手而需要針灸治療。新手爸媽可能未必知咩係 媽媽手 ,或者會以為係主婦手,其實 媽媽手 正式學名叫「迪魁文氏症」,即狹窄性肌腱滑膜炎,是常見於中年婦女或生產過後女性的慢性勞損性疾病。

不一定是媽媽才會患上 媽媽手 ,爸爸也有機會。
不一定是媽媽才會患上 媽媽手 ,爸爸也有機會。
不一定是媽媽才會患上 媽媽手 ,爸爸也有機會。

新手父母照顧BB的經驗不足,長時間以錯誤姿勢抱B,即用手部虎口位承托BB腋下或頭部,拉傷拇指肌肉,令到近手部肌腱發炎,患者通常在BB半歲內發病,李蘊亦是因此而患上 媽媽手 。

就算契媽G.E.M.同超蓮嚟探BB,李蘊也抱著囡囡。
就算契媽G.E.M.同超蓮嚟探BB,李蘊也抱著囡囡。
就算契媽G.E.M.同超蓮嚟探BB,李蘊也抱著囡囡。

想知道自己有冇患上 媽媽手 ,方法好簡單。先伸直手臂,將四隻手指包覆拇指呈現握拳的姿勢,再做出拳頭下壓的動作,此時拇指側邊會和手臂會呈一直線,若感到拇指根部與手腕連接位置疼痛,有超過八成的機率已經患上 媽媽手 。而此方法亦屬拇指肌肉伸展運動,平日父母也可多做,幫助舒緩肌肉。

截圖自李蘊IG。
截圖自李蘊IG。

患上 媽媽手 ,除了可多做肌肉筋腱伸展運動,也可以像李蘊一樣,採用針灸治療,緩解局部腫脹疼痛。

截圖自李蘊IG。

即使 媽媽手 康復,也要小心預防,無論單手或雙手抱BB時,應手掌、手腕成水平狀,平均分攤BB重量,避免只由虎口及大拇指承受重量,而媽媽在餵母乳時,亦要注意不要過度使用拇指,或是持續太久。

延伸閱讀:

【親子好去處】限時活動 LEGO滑梯 火車 小鴨池 免費任玩

關注我們Facebook專頁
    相關新聞
      更多瀏覽