鄺潔楹穿起婚紗自爆有人追 直言:十劃有一撇其餘九撇就…
2018年08月13日15:00

最近,有「仙氣女神」之稱的鄺潔楹(Judy)為婚紗展行catwalk,更示範幾款低胸款式的婚紗,大方露出事業線。完騷後,Judy仲大爆自己依家有人追!

撰文:東方新地|圖片:鄺潔楹Instagram

延伸閱讀:

囝囝譚俊彥連環做男一 爸爸狄龍亦霸氣不減當年!

同兩個仔攬頭攬頸好Friend!林曉峰 14歲大仔高過老竇

鄺潔楹穿起婚紗

有「仙氣女神」之稱的鄺潔楹(Judy)最近為婚紗展行catwalk,更示範低胸款式的婚紗,盡顯美態。完騷後,Judy隨即表示自己著住對7吋高踭鞋,一嚟到會場就好緊張,皆因好驚會跌。至於有冇為了刻意節食令著起婚紗時更靚,她則指自己冇特別節食減肥,只是前一個星期日日都會做運動及做gym。

第一次行婚紗show的Judy笑言自己冇因為著起婚紗,而對結婚有幻想,更指自覺結婚好辛苦,因為有太好事要處理,好多嘢要煩,就例如要上網睇吓點set頭之類。Judy仲話有同事見到佢著住婚紗,以為佢要閃婚添!

鄺潔楹自爆有人追

雖然對於結婚未有幻想,但就對於自己將來著咩類型婚紗已選定,Judy直言鍾意魚尾裙款,不過重點係要高腰!當被問到依家有男朋友未,她驚爆十劃都有一撇,不過就仲差9撇叫佢努力啲!

Can’t look at you without smiling 🙊

A post shared by Judy Kwong 鄺潔楹 (@judy.kwong) on Aug 11, 2018 at 9:58pm PDT

坦言有人追的Judy繼指對方係個圈外人,雙方正處於互相了解中!同時,Judy仲話媽咪教落,做女仔要有矜持,咁樣先可以食住個男仔!咁睇嚟個男仔要加多幾分努力啦!

And all along I believed I would find you 🎶🖤

A post shared by Judy Kwong 鄺潔楹 (@judy.kwong) on Aug 1, 2018 at 9:58pm PDT

鄺潔楹孖伍樂怡去關島

鄺潔楹(Judy)之前就為拍攝節目《3日2夜》去咗台中、北海道兼登上郵輪,最近,佢就繼續因工作而去旅行,今次佢就孖住伍樂怡(Kelly)去關島上天下海!

第一次去關島嘅Judy就表示自己一直都好鍾意陽光與海灘,今次去關島覺得當地景色好靚,海水好清澈但好鹹,不過曾聽聞水越鹹代表水質越乾淨。

鄺潔楹愛刺激活動

大家唔好睇Judy個子小小,嬌滴滴就唔鍾意刺激活動,原來佢喺今次嘅旅程中,就玩咗人生第一次跳傘,仲一試愛上!

First #skydiving experience be like 😭 #3日2夜 #JellyInGuam

A post shared by Judy Kwong 鄺潔楹 (@judy.kwong) on Jul 15, 2018 at 2:52am PDT

話說,Judy事前一日淨係瞓咗三個鐘,所以上到飛機時都迷迷糊糊咁,直到臨跳一刻先有少少緊張。

What sweet dreams are made of 💭🖤 #68Lingerie

A post shared by Judy Kwong 鄺潔楹 (@judy.kwong) on Jun 18, 2018 at 9:51pm PDT

到佢喺半空中跳出去之後,先成個人醒晒,佢仲話自己望到大地在腳下嘅美景,感動到有少少眼濕濕!

鄺潔楹自爆小插曲

但原來除咗跳傘,Judy亦嘗試駕駛小型飛機,當中更出現了一段小插曲!

Judy提到有一位外國教練好百厭,當佢揸小型飛機到半空時,突然問佢「想唔想有啲刺激」,起初Judy以為都係掟個彎咁,點知Judy突然熄咗個飛機引擎,搞到架飛機迅速墜落!

😘 to you all for helping me to reach 100K !

A post shared by Judy Kwong 鄺潔楹 (@judy.kwong) on Jul 12, 2018 at 9:44pm PDT

其後,呢位外國教練等小型飛機墜落3、4秒後,先開返個引擎,但Judy就當然已經嚇到花容失色,因為真係以為墜機。

鄺潔楹保持最佳狀態出鏡

Judy就坦言關島天氣炎熱,就算唔著泳衣,都要穿背心加短褲,所以之前都努力跑步Keep Fit兼操實手臂肌肉,希望以最佳狀態出鏡。

Judy仲話自己拍完泳裝鏡頭後,就馬上同Kelly放肆暴食,可能食到第二日上鏡時有啲口腫面腫,叫希望觀眾不要介意。

鄺潔楹 伍樂怡孖住去關島

無綫《3日2夜》相信唔使多介紹,觀眾都知道呢個節目除了介紹唔同旅遊景點,仲出名多索女,一班身材正爆的女藝人都會喺節目中大騷Quali!最近鄺潔楹(Judy)與落選港姐伍樂怡(Kelly)飛到關島拍攝新一系列《3日2夜》,一高一矮的美女組合相當養眼,雖然未有大家最期待的比堅尼出現,不過已令一眾男網民睇到眼定定!

鄺潔楹
鄺潔楹
鄺潔楹與伍樂怡呢個組合夠晒新鮮!兩個都勁仙氣~

鄺潔楹
鄺潔楹

鄺潔楹
鄺潔楹
小背心熱褲是指定動作!
鄺潔楹
鄺潔楹
大家鍾意紅帽定藍帽多啲呢?

兩位靚女都有為食的一面!食得好滋味~

Kelly騷長腿 Judy出「股」惑

終於有得睇佢哋玩水啦!可惜鄺潔楹同伍樂怡上身都著住潛水衣,不過好在下半身有白滑靚腿欣賞,Judy對腳唔及Kelly長,但就鬼馬出「股惑」!

藍天白雲,香車美人,點解小編冇車牌……

落選港姐伍樂怡

伍樂怡(Kelly) 今年25歲,來自加拿大多倫多,參加去年《2017香港小姐競選》時,由初選到決賽當晚都被視作大熱,有人更認為Kelly與那些年「姑姑」李若彤有幾分相似,仙氣程度可想而知!

三甲不入仲有前途

Kelly條件確係非常出眾,標緻漂亮的五官,笑容自然甜美,談吐大方端莊,連身材都係索爆,所以佢去年喺港姐決賽五強止步,未能獲得任何獎項,實在教人失望!不過大家向來都知道,好多時港姐非三甲反而更有前途,見到Kelly咁快已經有份拍攝TVB節目,將來一定大把機會見到佢!

樣靚唔使多講,Kelly身材同樣係一級棒!唔使下下運動裝或泳衣,普通一件白色衫已經突顯出線條!

仙氣女神鄺潔楹

鄺潔楹(Judy)同樣係今年25歲,在美國讀完書回港後先加入模特兒公司,然後再加入TVB ,成為娛樂新聞台主播,並因一次機緣巧合下拍攝《3日2夜》,自此深受網民關注及追捧!157cm的嬌小身高可謂Judy的標記,加上甜美笑容同可愛酒窩,難怪成為網民新寵兒,封佢為「仙氣女神」!

嬌滴滴好出色

雖然身高上有啲輸蝕,不過又唔代表Judy身材平平無奇的!

加入是非精

無綫綜藝節目《學是學非》深受觀眾歡迎,長做長有,能夠做「是非精」的女藝人大多都能成功入屋,上位可待。早前鄺潔楹亦加入《學是學非》大家庭,做個最細粒是非精~

接棒做邦民女

鄺潔楹早排更接棒成為第五代「邦民女」,與葛民輝拍攝新一輯廣告,樂天的鄺潔楹笑言自己的嬌小身高就是賣點,加上聲線比較響亮,同埋有一邊酒窩,都可能會俾人容易記得!

延伸閱讀:

【港姐2018】港姐大會照片出爐 驚見黃宗澤……

關注我們Facebook專頁
    相關新聞
      更多瀏覽