被欽點做男主角 陳錦鴻 出山撐雯女
2018年08月11日20:00

成日都話「有麝自然香」,用嚟形容好戲之人鄧萃雯應該係最貼切,上年已經預留空檔等拍金牌編劇寶華姐(陳寶華)回巢TVB開拍的新劇《多功能老婆》,可惜埋門一腳角色被楊千嬅搶走,累雯女白等一場,不過實力超班的雯女,當然唔憂冇市場,近日就被ViuTV重金加好劇本誠邀過檔,新劇更欽點同樣公認係演技派的陳錦鴻出山幫拖,令觀眾期待之餘,唔知係巧合定有意,新劇連題材都同《多功能老婆》相似,同樣係老公有外遇感情複雜的師奶角色,擺明唔怕貨比貨,開宗明義孖陳錦鴻還擊。對於倒戈對撼TVB,雯女寸爆回應:「我眼光好遠大!要鬥就同英美日韓國劇鬥!」

撰文:東方新地|圖片:新傳媒圖片庫、鄧萃雯微博楊千嬅IG

延伸閱讀:

【森美旅行團2】嫌麥美恩年紀大?丁子朗: 年紀以外樣樣都好!

TVB8位新花旦獲力捧做女一 邊個會最快上位?

陳錦鴻 鄧萃雯 新劇 編劇同樣猛料

已經好耐無拍廣東話電視劇的鄧萃雯,雖然被楊千嬅搶走TVB《多功能老婆》女一角色,不過,塞翁失馬焉知非福,近日雯女就以高價落實接拍ViuTV為她度身訂造的新劇,更巧合地角色題材同《多功能老婆》如出一轍,故事骨幹同是寫女主角因老公有外遇,婚姻瀕臨破裂邊緣,今次雯女演的角色關係千絲萬縷,感情錯綜複雜。對於被指倒戈幫Viu打無綫,雯女直言冇推過《多功能老婆》,亦感謝寶華姐回巢無綫第一個要找的人就想到她,但相信無綫用楊千嬅一定有他們的理由。自信十足的她更表示:「唔係話TVB退步,而係整個世界嘅電影和劇集都進步!」更寸爆話:「我眼光好遠大!」

能夠打動對演出向來要求極高的鄧萃雯過檔,今次Viu新劇的監製南方舞廳,同樣是猛料編劇,上次由她編劇兼監製由林保怡周家怡主演的《瑪嘉烈與大衛-綠豆》已經有口皆碑。

鄧萃雯出名好戲,加埋同樣好戲的陳錦鴻,二人合作的ViuTV新劇未拍已先聲奪人。至於倒戈幫別個電視台打TVB,雯女 就寸爆話:「我眼光好遠大!要鬥就同美日韓國劇鬥!」

志在必得

據知情者透露:「Viu嗰邊真係好有誠意,因為知道雯女要求高,一定要有完整劇本先會考慮,為咗打動雯女,劇集雖然九月開拍依家劇本已經齊晒,編劇Ruby(南方舞廳)係擅寫深情人物性格,雯女睇過劇本之後好滿意個角色!佢覺得呢個角色感情寫得好細膩又貼地,佢好有信心可以打動觀眾!而且為咗遷就雯女,Viu更答應每日畀佢有足夠時間休息,唔使佢捱更抵夜,乜都以雯女為先!」

由電影圈跳入電視圈,楊千嬅搶贏鄧萃雯拍《多功能老婆》,不過,雯女有陳錦鴻撐,卡士似乎較優勝,兩劇更有機正面交鋒,睇嚟口碑收視仲有排鬥。

同樣好戲

一部成功劇集,男女主角加好劇本缺一不可,今次新劇就請來同樣被公認是好戲之人的陳錦鴻出山演男一,有好嘅對手合作,雯女認為更得心應手。知情者謂:「雯女對每事都要求好高,佢當然明白一個劇嘅成功唔係單靠自己一個人就得,同佢合作嘅對手都好重要,而Viu嗰邊對雯女好尊重,一路傾合作已經同佢商量男主角邊個最適合,本來雯女有諗過搵黎耀祥,佢覺得同祥仔合作有一定默契,不過對方早前同無綫續咗部頭約,暫時都好難合作,今次搵陳錦鴻,都係雯女嘅意思,雖然佢冇同錦鴻合作過,但一路都有留意對方嘅演出,覺得錦鴻同樣咁好戲,好有信心同佢合作會有火花。」

陳錦鴻
陳錦鴻
兒子早年發現患上自閉症,陳錦鴻幾乎退出幕前全職照顧兒子,見兒子學習力愈來愈進步,近日他終於放心出關,跟太太杜雯惠回電台開咪,又接拍ViuTV新劇,撐雯女兼再過戲癮,更開腔承認,好期待同雯女合作!

用心教仔

離開無綫五年的陳錦鴻,演過唔少受歡迎劇集,近日深宵重播的《刑事偵緝檔案4》,依然叫人回味!今次出山撐雯女,相信對收視已有一定保證。知道九月要埋位拍劇,陳錦鴻就趁暑假多陪家人,日前就同太太杜雯惠一同返電台開工,做完嘢兩公婆一齊離開電台,雖然已經結婚14年,兩公婆仍表現恩愛,只見二人行去攞車一路有講有笑,陳錦鴻笑瞇瞇望住太太的表情更相當有愛,睇見都令人羨慕。之後陳錦鴻駕車載著太太去接兒子,然後到酒樓會合親友吃午飯。吃飯期間,兒子駕樺坐正他和太太中間,兩公婆都好照顧兒子,不過11歲的駕樺不時起身自己夾嘢食,不用父母操心,又同爸爸非常好傾,看來陳錦鴻夫婦對兒子用心教導,駕樺自小患有的自閉症亦已穩定!陳錦鴻接受本刊訪問時,自言相當期待跟雯女合作,又表示因兒子漸成長有自己社交,陳錦鴻不用再全天候照顧兒子,在時間許可下,加上劇本、對手吸引才出山拍劇。

陳錦鴻
陳錦鴻

暗認同一個劇

三月爆出搶劇是非,楊千嬅就一度自爆同雯女屋企人是世交,更揚言雯女角色是另一個劇:「其實丁生同寶華姐係好熟嘅,而我媽咪同雯女都係比較熟嘅,總之我屋企人同雯女嗰邊係世交,以我所知佢收集嘅題材應該唔係呢套,係講一啲關於教育嘅嘢!」不過日前寶華姐接受電台訪問開腔撐千嬅演得好的同時,卻間接承認當初力邀雯女演出,與千嬅所演其實是同一個劇。寶華姐坦言:「我同雯女係閨中密友,擁有多年嘅默契,這次未能合作係因為檔期問題,加上今次我未能做到雯女嘅要求,需要事先完成全部嘅劇本,所以下次我會畀佢感到安心先至再度合作。」

兩個劇隨時有機正面交鋒,未播已經咁有火花,相信到時最大得益都係剝花生等睇劇的觀眾!

陳錦鴻
陳錦鴻
陳錦鴻同老婆杜雯惠結婚14年,但兩公婆仍然好恩愛,日前一齊在電台工作完,離開行去攞車時就連傾偈都傾到眉開眼笑,幸福全寫在面上!

重視家庭

陳錦鴻重視家庭生活,當日一家三口就約了親友到他自己有份投資的潮州酒家飲茶。

陳錦鴻
陳錦鴻

父子感情好

陳錦鴻對兒子十分痛錫,飯後全程黐實兒子有傾有講,又搭膊頭又捉手仔,父子感情好溫馨!

陳錦鴻
陳錦鴻
陳錦鴻
陳錦鴻

落酒樓幫手

近年刻意減少幕前演出陪兒子的陳錦鴻,間中有做電台工作,亦不時回自己有份投資的潮州酒家幫手!

陳錦鴻
陳錦鴻

同一題材對撼

雯女落實過檔ViuTV再拍港劇,觀眾都好期待,曾是無綫冧莊視后的她,除了演如妃、九姑娘令人印象深刻外,早年她有份演出的《女人唔易做》、《師奶兵團》同樣係好評如潮,新劇演感情複雜的師奶角色絕對難唔到佢!

日日監場

金牌編劇陳寶華回巢無綫之初,已經講明最想同雯女合作,依家愛將過檔ViuTV,唔知寶華姐會唔會嘆走寶,但見她日日去《多》劇拍攝現場監場,就知佢對自己套劇有幾緊張!

未能合作

同黎耀祥合作的兩個劇《巾幗梟雄》及《義海豪情》令雯女冧莊做兩屆視后,早前兩人更孖住出席活動,在公在私都係好拍檔。有指雯女亦想再同祥仔合作,可惜對方早前續約無綫,暫時無緣合作!

丁生湊仔

楊千嬅日日趕拍《多功能老婆》,老公丁子高就負責湊仔,日前他就帶埋菲傭陪兒子Torres去淺水灣玩,期間丁生更就地換T恤,赤膊晒身材。

超級活潑

6歲的Torres非常活潑,等車期間同朋友仔玩到攬頭攬頸。

催阿仔上車

兒子掛住玩唔願上車,企在另一邊的丁生顯得有點勞氣,似乎獨力湊仔唔容易。

請假陪老公

雖然日日趕戲,千嬅仍攝期同家人朋友飛布吉幫老公丁子高慶生。

踢走鄧萃雯做女一 楊千嬅自爆同雯女原來係⋯⋯

TVB重頭劇《多功能老婆》終於落實楊千嬅孭飛做女 一,但據知該劇編劇及監製陳寶華早於上年籌拍之初,女一首選屬意曾合作過《再見亦是老婆》丶《Loving you》多個劇的愛將鄧萃雯,兩人為新劇傾洽超過半年,至上年10月,鄧萃雯已漏口風表示等緊寶華姐劇本出,並預留檔期演出,但原來雯女只是一廂情願,三月中新劇記者會揭盅由楊千嬅演女一,雯女才知道角色被搶。

不過千嬅早前出席活動,稱對此事未有所聞,更忽然大爆同雯女不為人知的關係,成功轉移視線!

千嬅話全香港人都知佢重視家庭,若非有人邀請拍劇,暑假佢都寧願抽時間陪囝囝。千嬅更大爆同雯女不為人知的關係:「事實上丁生同寶華姐(編劇陳寶華)係好熟嘅,而我媽咪同雯女都係比較熟嘅,總之我屋企人同雯女嗰邊係世交,我哋兩家人係會一齊食飯,席間其實有傾開話拍劇,以我所知佢收集嘅題材應該唔係呢套,係講一啲關於教育嘅嘢,好彩大家係識嘅,否則會好尷尬,可能呢啲大家唔知啦,不過永遠有啲真相都係冇人知嘅。」

楊千嬅 神秘現身

無綫節目及製作副總經理杜之克和助理總經理余詠珊,去年積極游說殿堂編劇陳寶華回巢助陣,去年中寶華姐正式簽約同無綫合作拍一套劇,籌拍新劇 《多功能老婆》,更一直盛傳女一人選是實力派鄧萃雯,寶華姐當時亦承認雯女是她心頭愛。「我同雯女合作嘅最後一套劇係《Loving you》,佢當然係我嘅心頭愛,如果雯女肯返嚟拍,劇本我會為佢度身訂造!」

楊千嬅
楊千嬅
在老公丁子高拉缐下,楊千嬅答應回巢TVB拍《多功能老婆》,三月中在記者會更神秘現身,宣布17年後再回娘家合作,而為幫無綫拍劇更不介意減收酬勞,成功踢走劇集初選第一女主角鄧萃雯。
楊千嬅
楊千嬅
上年10月,鄧萃雯受訪時已開心透露,好想同寶華姐再合作,更已預留檔期給對方,冇想過原來影后楊千嬅同樣吼實金牌編劇陳寶華這套新作《多功能老婆》,雯女最終成為輸家。

不過3月8日,楊千嬅在《多功能老婆》記者會驚喜現身,落實自01年《美味情緣》後相隔17年後再回巢幫TVB 拍劇,千嬅出現令全場嘩然,就連她自己亦忍唔住表示:「我好似秘撈咁,唔知點解咁神秘,丁生就好似特務咁幫我去傾!」成功坐正女一顯然特別風騷。

楊千嬅
楊千嬅
高層杜之克及余詠珊邀請殿堂編劇陳寶華回巢幫TVB開劇,新劇《多功 能老婆》構思長達一年,寶華姐在記者會受訪,坦言籌備之初一早有女主角心水人選,而當時更完全冇諗過能成功請到千嬅拍劇。

互相欣賞

丁子高特務上身同無綫傾合作,唔單止劇中男主角之一黃浩然唔知千嬅是女主角,就連同陳寶華為角色傾洽大半年的鄧萃雯,亦在記者會揭盅一刻,才知角色已換人。據知情者透露:「寶華姐同雯女合作咗好多次,當年佢已經成日讚雯女演技好,雯女亦經常話寶華姐係好難得嘅編劇,兩個可以話係互相欣 賞,所以上年杜之克同Sandy (余詠珊) 傾寶華姐返TVB拍劇,雯女已經係佢心目中女主角第一人選。」

楊千嬅
楊千嬅
丁子高自組經理人公司,老婆楊千嬅成公司開業王牌,第一個大Project更是年後再回TVB拍劇。
楊千嬅
楊千嬅
鄧萃雯年底聯同老拍檔黎耀祥為無綫台慶頒獎禮任頒獎嘉賓,正式同無綫破冰,當時已傳出雯女會回歸無綫拍劇。

要求增肥

據悉陳寶華為雯女度身訂造角色,而創作出《多功能老婆》,寶華姐最初還要求雯女為角色增肥演出,因為角色講述本來係一個人人羨慕過住幸福生活嘅女人,後來發現老公有外遇,受咗好大打擊,婚姻破裂之後,要獨力撐起頭家,為咗減輕負擔,惟有將屋企出租,亦因此變成多功能老婆,遇上另一段感情關係。據知情者透露:「為咗營造幸福少奶奶感覺,寶華姐一開始就建議雯女增肥,佢同雯女為咗角色性格同造型都 傾咗好耐,雯女都係因為寶華姐先考慮返TVB再拍劇,因為雯女好怕飛紙仔,而寶華姐從來唔會飛紙仔,係有齊劇本先會拍,又肯遷就雯女休息時間。」

楊千嬅
楊千嬅

店員招呼周到,更送埋千嬅出門口,孭住兩袋戰利品的她,睇落心情大好。

楊千嬅
楊千嬅

到上年10月,雯女已經露口風,公開表示好想同寶華姐再合作,又謂等緊佢寫好劇本。據知情者透露:「其實雯女同寶華姐上年9月已經就角色傾得七七八八,為襯雯女,寶華姐仲講過想搵吳鎮宇做男主角,所以雯女已有晒準備,預咗檔期畀無綫,佢好想好想再拍廣東話劇集,更加想同寶華姐再合作,真係冇諗過,最後空歡喜一場!」

近年主力在內地拍劇的鄧萃雯,為預留檔期拍無綫劇一直留港,早前一個人到海港城買嘢,之後行去停車場攞車離開。
楊千嬅
楊千嬅
當日冇化妝的她,顯得有點憔悴。

打好關係

丁子高成立公關公司七年,一直有唔少圈中藝人給他意見,指公關發展始終有限,如果想有更大發展空間,一定要搞經理人公司,去年中,丁子高已計劃開設經理人公司。除了影后老婆楊千嬅做公司鎮山之寶,新公司還會傾洽其他藝人合作及簽新人。據丁子高友人透露,丁生希望將公司大搞,捧新人係重要一環:「其實經理人公司已經成立咗幾個月,丁生一路都搵緊新人,亦好積極同TVB傾合作,因為喺TVB出鏡始終最入屋,佢同Sandy (余詠珊) 都出嚟傾咗好多次,千嬅唱電視劇《三個女人一個因》主題曲,都係丁生去傾,丁生又請Sandy睇千嬅嘅演唱會,嗰時丁生已差唔多應承接呢個劇,仲肯自動減價,只係爭啲細節未傾。」

楊千嬅
楊千嬅
近年在影壇發展順利的楊千嬅,13年憑《志明與春嬌》做埋影后,影后肯回歸TVB,話咁易踢走鄧萃雯。
楊千嬅
楊千嬅
丁子高年自立門戶開公關公司,搞過唔少大型活動,今年趁住老婆千嬅約滿林建岳的寰亞娛樂,決心大搞經理人公司,公司未來更會傾其他藝人合作兼簽新人。當然要同無綫搞好關係。

VIP房傾

據知TVB高層向寶華姐提議起用千嬅做女一,雯女今次錯失同無綫合作的機會,原來有人在背後使橫手。寶華姐對於能同影后千嬅合作,亦認同會有新火花,更為千嬅修改劇本。據一名無綫工作人員透露,千嬅已經上晒位,仲係影后,寶華姐都覺得如果能夠同千嬅合作,新劇一定有收視保證:「丁生亦都 覺得同TVB合作,千嬅形象可以更入屋,再加上同無綫打好關係,對自己公司未來發展更加無往而不利。但因為事前要做足保密功夫,所以真係冇乜人知呢件事!」

有老公丁子高撐腰,影后千嬅由大銀幕回歸小銀幕幫TVB搶收視,成功將勢孤力弱的鄧萃雯踢走。

鄧萃雯:有同TVB有接觸

記:係咪會再拍劇?

鄧:自己好想用廣東話講對白,都係等緊啱嘅劇本,媽咪好想睇我做戲,但依家成日聽一把唔係我嘅聲配音。

記:同TVB有接觸?

鄧:一路都有聯繫接觸嘅,要等啱嘅劇本,同就到檔期先得。

記:有傳你已經接咗劇?

鄧:之前因為我去台慶頒獎禮頒獎,啲人覺得好奇怪,就覺得我會返嚟拍劇,呢個係大家嘅諗法,我咪順應大家諗法去講囉!

記:未有啱嘅角色?

鄧:老實講,依家啱嘅角色,唔係咁容易。啱啱出道嘅時候,係最容易有啱嘅角色,因為乜嘢角色都可以試,三十歲亦係容易啲有啱嘅角色,因為嗰啲角色,簡單啲,容易寫啲,但比較成熟嘅角色,唔係咁容易寫,依家廿幾三十歲嘅編劇,都冇興趣寫成熟嘅角色啦!

失落同寶華姐合作機會,鄧萃雯早前一個人行街,一臉悠然自得講住電話行去攞車,再約朋友吃飯。

兩度封視后

鄧萃雯09及10年分別憑《巾幗梟雄》及《巾幗梟雄之義海豪情》, 在無綫台慶頒獎禮兩度封視后。

04年鄧萃雯演《金枝慾孽 》如妃一角贏盡口碑,不過最終亦敗給同劇演玉瑩小主的黎姿,失落視后。

【港姐2018】港姐踏入45年!細數10項歷屆冠軍之最

《全民造星》再現「MK POP」風采!究竟係陳展鵬定天堂鳥?!

陳敏之做飲食節目劣評如潮 網民大彈其表現不專業!

【父母都係中國人】同細佬都鬼鬼哋?陳凱琳:我係爸爸媽媽親生!

傳帶Jasper拍《爸爸6》袋4千萬!陳小春父子聞住氧氣樽上高山…

保護色拍夜戲 古天樂鬧市冇人識

延伸閱讀:

【森美旅行團2】嫌麥美恩年紀大?丁子朗: 年紀以外樣樣都好!

關注我們Facebook專頁
    相關新聞
      更多瀏覽