龔嘉欣操Fit做女殺手哂身材 單身28歲怕Punk爆造型趕客
2018年08月10日20:20

TVB新劇《殺手》日前公布造型及進行拜神儀式,一眾演員均以劇中造型見傳媒,一向斯斯文文嘅靚女龔嘉欣 (Katy) 今次為拍戲而頭髮剷青,穿上性感漁網襪,又畫上紋身,搖身一變做Punk爆女殺手!但原來Katy自己都接受唔到,又唔敢照鏡,出街又要戴上假髮,仲直言怕繼續單身!佢仲提到原來佢之前「生蛇」都仲未痊癒,依家又操Fit哂準備開工,因為有唔少動作戲同親密接觸添啊!

撰文:東方新地 | 圖片:Instagram

延伸閱讀:

同兩個仔攬頭攬頸好Friend!林曉峰 14歲大仔高過老竇

【8.12峇里婚禮】燦爛的外母讚女婿滿分!陳凱琳父母:唔係100分唔畀個女嫁

龔嘉欣大變身 操Fit做女殺手哂身材

近年Katy發展順利,每年都會喺無綫重頭劇度有份演出。但多年以來,Katy都係行開氣質靚女路線,今次為咗拍戲大變身,又剷青又染哂粉紅色頭髮,難怪Katy自己都難以接受!

龔嘉欣
龔嘉欣

出席活動都偏愛行氣質靚女路線!

頭髮剷青 唔敢照鏡!

飾演殺手嘅KatyPunk友造型十分突破,頭髮剷青、紋身、加上性感背心,真係同以前截然不同!佢就話自己到依家都未敢照鏡,剪頭髮嗰吓以為自己會喊,但最後都只係眼濕濕啫~

就嚟30歲 依然單身

Katy更加講到自己都就嚟30歲,現在單身,不過大變身之後就睇怕自己只能再單身一排啦!

享受做演員

Katy喺自己Instagram度上傳造型照,留言話自己呢一刻嘅身份係一個演員,而咁啱今次係一個殺手,仲係第一次做打女,做演員好好玩咁話!小編好欣賞佢咁敬業啊~

由2016年開始,龔嘉欣憑無綫台慶劇《幕後玩家》中「程思汝」一角,演技備受網民讚賞,仲喺《萬千星輝頒獎典禮2016》勇奪「最佳女配角」獎項。今次破格做殺手擴闊戲路,唔知又唔會帶嚟演技上嘅突破呢?

2016年勇奪「最佳女配角」獎項!

出街要戴假髮!

大變身之後,Katy要出席朋友嘅婚禮,就戴上假髮,喺Instagram上傳照片俾粉絲睇。Katy仲留言話「我還是一樣那個我」、「今晚終於有點私人時間,可以做回自己」,睇嚟都仲係有啲接受唔到自己個Punk look啦!

同曹永廉合照
其實龔嘉欣閒時都鍾意扮吓文青咁~
喺Instagram同大家分享佢睇書時嘅靚相~究竟係自拍定睇書啊?

龔嘉欣早前「生蛇」焗停工休養

龔嘉欣早前同姚子羚、黃子恆飛咗去馬來西亞拍攝新一輯飲食節目,但唔知係咪太忙冇時間休息,Katy就自爆患上俗稱「生蛇」嘅帶狀疱疹,暫時要停工休養一排,並為影響工作進度而致歉。但話咁快又要開拍新戲,得唔得㗎!

Katy就話已經睇咗醫生,上載咗自拍照同一堆藥物嘅相報平安。

「生蛇」令臀部留疤

開鏡時,Katy指自己還未痊癒,所以現在都仲係比較易攰,而臀部還留有疤痕!不過都有喺Instagram同大家講唔使擔心,已經好返好多啦!

仲上傳運動時嘅靚相,俾大家欣賞吓~

IG愛哂白滑美腿

好彩睇相都冇見到「生蛇」令Katy嘅白滑美腿留疤!其實平日Katy都唔吝嗇分享佢嘅靚相㗎!

新劇有打戲 又有親密接觸

Katy話大部分動作戲都會親身上陣,而絕招係專攻男人下體!對手方面就同黎耀祥最多對打戲,可能唔小心踢親佢喎!

唔止靚腿,其實龔嘉欣嘅整體身材都好勻稱!

自爆劇中會「裝胸」

Katy又透露劇中嘅其他造型會更性感!仲大爆會裝胸作勢升兩Cup,為咗同黎耀祥有親密接觸時,更容易俾佢搵到喎!太謙啦!

《誇世代》色誘場面

其實較早前,Katy喺劇集《誇世代》中飾演尚可欣(Vivian),已經演出過大量色誘場面,仲同森美大跳辣身舞添!

真亦假時假亦真😳 到底是真還是假 #誇世代

A post shared by 龔嘉欣 Official (@kungkaty) on Jan 4, 2018 at 10:03pm PST

Watch with us tonight😙 #誇世代 #830

A post shared by 龔嘉欣 Official (@kungkaty) on Nov 5, 2017 at 9:14pm PST

0
0

路人變女神定索女變師奶?8個短髮更美嘅女藝人圖鑑!

0
0

延伸閱讀:

【港姐2018】20強候選佳麗泳裝照逐個睇!

關注我們Facebook專頁
    相關新聞
      更多瀏覽