【港姐2018】何泳芍 陳曉華各領風騷 黑白美女你撐邊個?
2018年08月10日21:13

《港姐2018》今個月26日舉行,19位候選佳麗今日首次以泳裝照亮相,唔少佳麗都生得標緻仲操得好弗,幾有睇頭!不過以小編所見,都係以14號何泳芍(Honey)同17號陳曉華(Hera) 最突出,黑白美女大對抗!大家鍾意黑定白呢?

撰文:東方新地|圖片:新傳媒

延伸閱讀:

鬼同你煲劇!農曆七月精選Netflix 7套嗌破喉嚨的恐怖猛片

龔嘉欣操Fit做女殺手哂身材 單身28歲怕Punk爆造型趕客

【港姐2018】何泳芍 陳曉華各領風騷

《港姐2018》19位候選佳麗今日首次以泳裝照亮相,活動於將軍澳一酒店進行,雖然因天雨關係要移師室內,不過都無阻佳麗的表現!大會今年以「藍天白雲」作為泳裝主題,眾人藍色以三點式或一件頭上陣,不過依小編所見,都係以14號何泳芍(Honey)同17號陳曉華(Hera) 最突出,黑白美女大對抗!

Honey比起其他佳麗,膚色真係深一大截!
而Hera則高人一等!

白滑高妹 陳曉華

17號陳曉華(Hera)由初選開始已被視為大熱,173cm身材高佻,著起泳衣雖然唔算上圍洶湧,但勝在皮膚又白又滑,手長腳長腰長。

特點係長頸?

提到今日望落佢條頸好長,Hera就話呢個都係佢特點嚟!另外佢表示會保持開朗心情,展現自己最好的一面,對於獎項唔諗太多。

手長腳長腰長… 頸長!
睇睇側面~
睇埋背面!

黑色暴「乳」何泳芍

之後到另一位大熱、14號何泳芍(Honey),一身健康膚色喺一眾佳麗中本來已經非常突出,泳衣更將其豐滿上圍完美展露,仲有令人羨慕的腹肌,睇到網民心心眼,簡直係黑色暴「乳」!

身材勁原來因為…

Honey多謝大家稱讚其身材,佢大方稱各佳麗都有唔同長處,而佢覺得自己皮膚黑係一個優秀,因為深色啲似係打咗陰影,個Shape會好睇啲!另外Honey話自己係潛水教練著開泳衣,所以有信心啲冇咁緊張!

側面睇… 好堅挺!

中大校花Hera有個明星前男友

介紹番先,中大護理系畢業的陳曉華(Hera),笑容甚為甜美、身材高佻,靚樣身形好,著咩都靚!前男友仲係藝人狄易達~Hera理所當然地進入最後20強,外界亦視佢為三界大熱!

身高173cm的Hera擁有模特兒身材,同時真係一位兼職模特兒,張張相都美感滿滿,要follow!

– 做一個善良的人比什麼事都重要👼🏻

A post shared by Hera Chan 陳曉華 (@herachann) on Jun 2, 2018 at 8:04pm PDT

– 早晨🐦🐛

A post shared by Hera Chan 陳曉華 (@herachann) on Aug 7, 2018 at 1:08pm PDT

美人魚何泳芍

23歲何泳芍(Honey) 果真人如其名,擁有一身蜜糖健康膚色、笑容甜美,感覺好陽光好有活力,難怪初選時謀殺大量菲林!

Honey透露自己係一名潛水教練,難怪一身健康膚色,身形亦係弗到漏!其社交網站中見到唔少索爆泳衣照,真係好期待佢入到決賽!

延伸閱讀:

同兩個仔攬頭攬頸好Friend!林曉峰 14歲大仔高過老竇

關注我們Facebook專頁
    相關新聞
      更多瀏覽