江美儀新劇飾演鳳姐扮俏護士 重溫歷年重口味之作!
2018年08月08日11:00

日前,黎耀祥、江美儀、龔嘉欣等人於將軍澳電視城出席電視劇 《殺手》造型暨開鏡拜神儀式。美儀以一身俏護士的打扮出場,結果吸引了不少鎂光燈聚焦於她身上!其實,美儀就並非第一次以重口味登場,不如就趁今次機會同大家一齊重溫一下仲有邊啲重口味造型啦!

撰文:東方新地|圖片:新傳媒圖片庫、電視及廣告截圖、江美儀微博

延伸閱讀:

【特技人】簽大台做親生仔 套套劇做男一!譚俊彥 拒靠父上位

2018 年「全球百大美男排行榜」提名出爐 香港得佢一個入圍?!

江美儀新劇飾演鳳姐

日前,黎耀祥、江美儀、龔嘉欣等人出席電視劇 《殺手》造型及開鏡拜神儀式。今次,江美儀會於劇中飾演鳳姐一角,因此以護士look的造型亮相拜神儀式。見美儀以紅髮平蔭look,再加一個烈艷紅唇及濃眼妝出場,成個造型令她成為全場焦點所在!

江美儀
江美儀

江美儀演阿伯殺手

著起一身粉紅色護士服,一對白色魚網絲襪加高踭鞋的美儀完美演繹出一樓一的獨有品味!美儀事前專程拜訪「鳳姐」以取經,並續指:「今次演一個阿伯殺手,原來真實幫襯唔止阿伯,仲有好多斯文後生仔,所以我同監製講拍嗰陣要搵個熟啲嘅後生仔,因為要埋身接觸,熟啲就唔使溝通。」

江美儀
江美儀

江美儀情挑黎耀祥

其後,美儀仲擺出一個挑逗黎耀祥的甫士,原來黎耀祥於劇中是美儀的恩客,美儀透露劇中仲會有湯水服,同時續指自己唔介意演妓女一角,因為認為演員應感恩能演到與生活不相關的角色。

不過,美儀就笑言:「今次仲勁過之前黑絲,係入行以嚟最多造型,監製打畀我嗰陣,我仲以為佢打錯電話。」據知,美儀於新劇仲會有OL、動漫cosplay等更爆的造型!相信大家可以拭目以待!

嫌前面冇嘢睇?原來背後仲有一個大窿!

江美儀歷年重口味之作

被稱「黑絲儀」

唔知大家仲記唔記得2012年播出的電視劇集《名媛望族》,劇中美儀飾演劉松仁的三姨太。

劇中,二人除咗有錫錫鏡頭外,相信觀眾們最印象深刻的是當年41歲的美儀著起黑絲,情挑「老公」劉松仁一幕!

當年呢一幕一出,簡直轟動全城,唔少人直指呢幕非常重口味!而且,江美儀更自此被人稱為「黑絲儀」!

激吻馬明

不過高處未算高,2013年播出的《衝上雲霄II》中,江美儀就換上一套空中服務員的制服,飾演一位高級機艙事務長方芮嘉。

美儀於《衝II》中,與馬國明發生一段拉拉扯扯的姊弟戀!

重點係當時,美儀可謂於觀眾心中再下一城,皆因她與馬明嚟一個床戰激吻!當時就有人大讚她的演技,但亦有人嘲諷以她的年齡就唔好拍啲咁嘅劇情。

胸衣吊襪登台

單立文(豹哥)曾於伊館與李思捷及Palwerful Band一齊開演唱會,其中更邀得當時44歲的美儀做嘉賓。當晚,美儀就著上黑色性感胸衣配誘人吊襪,谷行胸的美儀真係睇到人嘩嘩聲!

除剩性感胸衣的美儀仲「埋身肉搏」豹哥,二人更即席上演一場床上戲,令現場尖叫聲不斷!

擔任內衣代言人

未知美儀是否於《名門望族》中的表現太出眾,其後於2014年開始她就曾擔任內衣代言人,在拍攝廣告時更同樣著起一雙誘人黑絲,重演「黑絲儀」的經典!

當時43歲的美儀身型依然keep得非常好,身上一嘅肥肉都冇,難怪能夠獲得內衣公司的菁睞!

鮮紅誘視誘惑

2015年時,美儀曾穿上一套鮮紅色誘視蕾絲西裝配上同色內衣,娘唔娘小編就唔知,不過就知呢個造型絕對唔係任何人都carry得起!

延伸閱讀:

TVB新劇《殺手》角色造型逐個睇 乖乖女變Punk友O晒嘴

關注我們Facebook專頁
    相關新聞
      更多瀏覽