【探親之旅】Day 1 @ 加拿大
2018年08月07日18:34

細個時我最鍾意一放假就去呀姨屋企住,一住成個星期咁滯。

直到我中學差不多畢業呀姨一家便移民,知道那一刻有心碎感覺。

然後因為外公離開後無耐又無internet便失散,尋尋覓覓後再度重遇,便決意飛去探佢。

今次我終於明白點解自己咁鍾意住晌佢度,細個就覺得表弟妹一齊玩令我孤寂童年多一點色彩。

到今時今日了解到做呀姨子女及孫兒係多幸福,呢種幸福感係我一直缺乏的。

而包包都仿似與我同一感受。

每日早上包包一醒就會話:我要落樓下搵姨婆,出街出得耐又話要回家搵姨婆。

每早包包落到樓下叫:姨婆早晨後就會聽到我呀姨輕聲問:你今日想食乜早餐呀?想食多士?麵?烏冬?

任由包包點菜就會煮比包包食,晚上包包到時到候又問:有無生果食?

姨婆就會問:你想食 kiwi?芒果?blueberry?士多啤梨蘋果橙?

對於無乜長輩緣份嘅包包來講係人生的bonus。

感謝呀姨給我一家充滿幸福感旅程,而我最大回饋就係煮飯比佢食同令佢笑。

在我身上早早知道幸福非必然所以我好珍惜呀姨一家,一別廿年我還多了兩個表妹夫及兩個表姨甥女,還有仍然無變過的表弟。

一家三口坐15小時飛機............期待重聚的一刻。

Day1

0
0

攝於 backyard,重聚的晚餐,我們終於重聚了。

0
0

Day 2 睡醒一覺就同呀姨及姨丈出去飲茶

0
0

好鍾意外國天空好大好大,但其實每個人頭上也有一片天的。

呀姨帶我去超市,因為我答應過包包帶佢睇玩具同食漢堡包。

慰勞佢坐了15小時飛機,佢全程機都好乖好乖。

0
0

臭包拎住姨婆送佢的禮物好開心。

0
0

第二日我就決定要煮晚餐比表弟妹食,每一餐飯都走幾間超市先買齊。

而且價錢都唔平,煮一餐真係唔容易啊。

0
0

Hero Burger

呢間味道不錯,而且佢任你揀配料、醬汁,至少洋蔥都新鮮過人。

0
0

包包都大滿足地食,每次旅行都放任佢食。

0
0

食完買完材料就回家開始煮、整。

0
0

粒粒都是精華,但加拿大買雲吞皮比香港細塊所以包出來又特別細粒。

我6歲開始呀姨同呀婆每次見到我都問:你識煮飯未?

佢估都估唔到廿年後我煮佢煮野,哼。

0
0

當晚大家都鍾意焗蠔砵,即是焗魚腸個friend。

0
0

仲有港式炸醬麵(無影相)、潮洲蠔仔粥(又無影相)。

有影相既有呢個:味菜牛柳絲炒麵。

0
0

當晚大家都開開心心地吃晚餐~

原文連結:

【探親之旅】Day 1 @ 加拿大

相關文章:

【食譜】營養滿分!粟米肉粒飯

我係大少奶

散文與食譜作者、專欄作家;除了寫食譜及食評,還有旅遊及美容產品

關注我們Facebook專頁
    相關新聞
      更多瀏覽