法律系畢業清純女新人戴祖儀 首次擔正做女主角仲唱埋主題曲!
2018年08月07日14:24

每年TVB都會喺「愛的季節」推出一系列嘅愛情音樂微電影,賣點除咗係會搵嚟當紅嘅小生花旦之外,仲會去到海外拍攝同旅行有關嘅故事。今季微電影嘅主題就由《愛情來的時候》變咗做《愛情沒有來的時候》,更特別嘅係第一集竟然由洪永城帶住女新人戴祖儀,喺台南展開咗一齣愛情喜劇。究竟呢位星夢女新人係咩來頭,可以首次演出就擔正做女主角,仲要唱埋首主題曲呢?

撰文:東方新地 | 圖片:TVB節目截圖、ViuTV節目截圖、YouTube、Instagram

延伸閱讀:

《東張》主持梁麗翹 呻家傭幫穿羊水唔幫手 仲嫌B女喊好嘈⋯

收身成功晒S形身材!熊黛林為孖女搞百日宴

大台力捧 戴祖儀首次演出就擔正

「愛的季節」系列嘅微電影一向頗受觀眾歡迎,因為以往嘅主演都有番咁上下人氣,加埋有Budget喺海外拍攝靚景,仲有度身訂造嘅主題曲,的確有啲睇頭嘅!之前嘅女主角包括徐子珊、佘詩曼、鍾嘉欣、黃翠如,個個都係嗰排爆紅,點知今季竟然會搵嚟星夢女新人戴祖儀 (Joey Thye) 嚟打頭炮?!

《愛情沒有來的時候》講咩?

工作至上嘅書豪(洪永城飾) 本身其實帶咗女友Amy(譚凱琪飾)到台灣簽合約順帶旅遊,點知佢精心安排嘅求婚不成,譚凱琪仲當下講完分手自己番咗香港。心煩意亂嘅洪永城繼續旅行,喺火車坐過站嘅迷惘之際得到自稱導遊嘅阿傑(林師傑飾)熱情幫助,點知中哂伏變得身無分文!呢個時候,識講廣東話嘅台妹嬌嬌(戴祖儀飾)就自帶女神光咁出場幫忙,洪永城就自然愛上咗佢⋯⋯

扮台妹嘅戴祖儀望落夠哂Pure夠哂True!
笑得咁開朗,加哂分啦!

角色討好 行清純女神風

戲中嘅嬌嬌 (戴祖儀飾) 有著一把飄逸嘅深色秀髮,眼大大,笑容又甜,係典型清純女神Look。無綫都特登俾個咁好有感度嘅新人戴祖儀發揮,唔知觀眾又受唔受落呢?

女仔有把飄逸秀髮係幾正嘅
眼大大又幾可愛~
加埋呢個煞食嘅甜笑,真係難怪戲中嘅洪永城睇到眼定定。

雖然行清純路線,但其實都睇得出戴祖儀身材唔錯!

笑容甜美,又有腰有腿~

Sneaker Soul💞 #falcon

A post shared by JOEY THYE 戴祖儀 (@joeythyee) on Jul 23, 2018 at 5:11am PDT

除咗打扮,喺角色性格設定度都有落下藥,又唔拜金,又想做賢妻良母,咁Gfable真係令人好有幻想啊!

喺戲中大大聲話自己唔介意男人有冇錢!

被問到「想生幾個孩子」嗰陣,戲中嘅戴祖儀講話要生六個咁多!但隨後就話自己想搵個可靠嘅男人,然後相夫教子。咁樣真係滿足哂「小鳥依人」嘅條件,真係成個台妹咁啊!

兩位主演都有喺Instagram度宣傳今次嘅微電影,睇落都幾Friend咁喎!

洪永城客串戴祖儀首個MV

今次微電影嘅第一主打歌曲《未開始的故事》亦都由戴祖儀獻唱,而歌曲MV都再次請來洪永城客串。

兩人喺MV入面都有唔少甜蜜嘅鏡頭!

今次MV入面,戴祖儀雖然妝就化番重手少少,但都係行甜美清純路線~

唔止有樣 仲識自彈自唱

見戴祖儀喺MV入面抱住個結他,其實唔係得個樣㗎!平時Joey都會喺Instagram同大家分享佢自彈自唱嘅影片,咁多才多藝,難怪受捧!

而除咗結他之外,Joey仲識彈琴~

This is Love💕 @ericchou0622 #洗左腦#喜歡麻

A post shared by JOEY THYE 戴祖儀 (@joeythyee) on Apr 19, 2018 at 2:58am PDT

可以喺Joey嘅限時動態嘅精選度搵到佢嘅自彈自唱

唔啱讀Law 追夢做歌手

戴祖儀今年23歲女,原來喺本身英國修讀法律,不過畢業番香港實習後發現自己唔適合當律師,決定當獨立歌手,去年推出個人首支創作單曲《細看近年,那信念》。今年二月被星夢娛樂老闆何哲圖,於是簽約正式出道,同年七月便推出首支派台歌曲《未開始的故事》。

Joey都有同粉絲分享佢唱Live嘅片段!

仲上傳自己跳舞嘅片段,真係多才多藝喎!

曾於台北進修音樂期間,拍攝影片宣傳世界大學運動會,因展示多個可愛姿勢而備受注目!

星夢歌手到隔離ViuTV上節目

未拍微電影之前,其實Joey仲好弔詭咁上過隔離ViuTV嘅遊戲節目。都算喇!仲要係綜藝節目《四囝》,大玩校園限制級遊戲?!

前菜係估下邊個食香口膠同坐凳嘅遊戲。

最後嘅重頭戲肯定係呢個食麵遊戲。睇見佢兩個食得咁肉緊,小編都分唔到到底係邊個食緊邊個嘅麵,邊個又係邊個下面努力咁食麵⋯⋯

究竟係咪行清純女神路線⋯⋯

戴祖儀
戴祖儀

又靚女,又有好身材,又多才多藝,相信未來Joey仲會有更多演出機會!

No trust since 2017. #orsincedayone #trustissues

A post shared by JOEY THYE 戴祖儀 (@joeythyee) on Mar 17, 2018 at 9:22pm PDT

傾城🍂

A post shared by JOEY THYE 戴祖儀 (@joeythyee) on Mar 13, 2018 at 3:42am PDT

找重點😨 #好靈異 #驚 #Joeyootd

A post shared by JOEY THYE 戴祖儀 (@joeythyee) on Mar 11, 2018 at 3:33am PDT

祝大家狗年行大運🐶 心想事成❤️ 旺旺!

A post shared by JOEY THYE 戴祖儀 (@joeythyee) on Feb 16, 2018 at 12:29am PST

無力感 #joeyootd

A post shared by JOEY THYE 戴祖儀 (@joeythyee) on Feb 10, 2018 at 2:58am PST

Let’s rewrite the stars Changing the world to be ours.

A post shared by JOEY THYE 戴祖儀 (@joeythyee) on Jan 12, 2018 at 3:32am PST

就這樣盯着你吧。

A post shared by JOEY THYE 戴祖儀 (@joeythyee) on Jan 4, 2018 at 2:58am PST

路人變女神定索女變師奶?8個短髮更美嘅女藝人圖鑑!

0
0

出歌反擊網民嘲諷靠修音 吳亦凡瘋狂被Diss大合集

0
0

延伸閱讀:

《延禧攻略》清朝妃嬪化妝服飾神還原!于正:這不是咬唇妝

關注我們Facebook專頁
    相關新聞
      更多瀏覽