收身成功晒S形身材!熊黛林為孖女搞百日宴
2018年08月07日12:37

37歲的熊黛林(Lynn)當了七年天王嫂得個桔,16年嫁家族資產達百億的郭可盈胞弟郭可頌,今年4月為郭家誕下孖女,話咁快呢對孖女已經滿100日啦,昨晚Lynn同老公在香港遊艇會筵開15席,為孖女搞百日宴,郭可頌姐姐郭可盈、老公林文龍,圈中好友包括Lynn經理人Kim、甄子丹太太汪詩詩、名模琦琦、楊千嬅丈夫丁子高、鄭紹康都有出席,從相中所見,孖女一個樣子似爸爸,一個就似媽咪,而且長得好靚好可愛㖭!

撰文:東方新地|圖片:新傳媒圖片庫、熊黛林IG郭可盈微博鄭紹康微博

延伸閱讀:

《延禧攻略》清朝妃嬪化妝服飾神還原!于正:這不是咬唇妝

樂瞳上圍逼爆做GYM減壓 網民:盡情發洩吧!

熊黛林 為孖女搞百日宴

百日宴的會場布置以粉紅色為主,場內仲掛滿粉紅色氣球,好有公主feel,而Lynn話孖女已經改咗英文名,分別叫做Kaylor同Lyvia,各同父母英文名嘅頭一個字一樣!

Lynn透露幸好奶奶和家人都經常來幫忙照顧,所以未算太辛苦,她說:「過咗100日已經好好多,最開始的時候都真的無覺好瞓,隔2個鐘就要起身餵奶,反而瘦咗!」講到老公有冇幫忙做湊仔公,她說:「老公都有幫忙,但佢工作比較忙,所以我覺得佢都係努力工作,我就負責處理家庭事。」

熊黛林
熊黛林
孖女一個似阿爸,一個似阿媽,真係好Cute呀!

「啫時」姑媽都有去

郭可頌嘅家姐郭可盈和姐夫林文龍、囡囡天若都有出席,郭可盈在其微博留言說:「一對各有特色的可愛小孖女👶🏻👶🏻,㊗️妳們健康開心!姑媽錫錫😘😘 ​​​​。」

現場以粉紅同粉藍色布置,沿住樓梯掛滿粉藍同粉紅氣球,至於回禮禮物,以粉紅、粉藍色手袋形盒子裝住樽裝糖果,好有心思。

琦琦表示送上好意頭的數字大利是畀Lynn一對孖女,佢大讚孖女好靚好可愛,又叫Lynn追多個,但Lynn就話好辛苦,唔打算再追!

生咗孖女後,Lynn有女萬事足,她早前在其IG上載囡囡腳板照,搞笑話:「多功能小猪脚,可供食用、按摩、挖鼻孔!😂」

多功能小猪脚,可供食用、按摩、挖鼻孔!😂#lynnhung #lynnxiong

A post shared by Lynn (@lynnx1010) on Jul 18, 2018 at 9:38pm PDT

Lynn修身成功,全靠佢餵母乳同勤力做運動,早前佢孖住老公一齊跑步,見佢素顏自拍都冇走樣!

Let’s go jogging!😊#lynnhung #lynnxiong @devi_sport

A post shared by Lynn (@lynnx1010) on Jun 30, 2018 at 10:18pm PDT

幾次出街跑步,都撞正跑到半路落大雨,等停雨繼續跑,真係風雨無阻佢修身嘅決心!

熊黛林 晒腳仔

熊黛林當年與郭富城分手後遇上另一位郭生(郭可頌),命運從此改寫,郭可頌視她如珠如寶,拍拖兩年送名車送豪宅,最重要肯許下一生的承諾,送上三卡過百萬的鑽戒求婚,16年秘密簽紙註冊,二人努力製造愛情結晶品,去年Lynn幾經艱辛接受人工受孕,今年4月中誕下孖女,更大方地在社交網站發布抱女溫馨照,留言: 「終於等到你們了!」還有孖女兩對腳仔交疊,Lynn和老公兩隻手做出心心手勢包圍孖女腳仔的照片,畫面充滿愛。喜獲一對孖女的Lynn更說:「第一眼見到兩個囡囡時,又感動又開心,BB女5磅左右,眼仔好大好靚女, 老公開心到不得了。」

熊黛林
熊黛林
熊黛林去年人工受孕成功懷孖胎,於月中剖腹誕下兩位小公主,產後一家四口發佈溫馨全家福,老公郭可頌錫到燶,Lynn自然流露幸福甜笑。

熊黛林
熊黛林

熊黛林
熊黛林
孖女出世時各重5磅幾,健康狀況非常好,熊黛林急不及待大晒囡囡的小腳板。

熊黛林
熊黛林

奶奶湯水侍候

家族擁百億資產的郭可頌生女打孖上當然開心,近年幫手打理家族生意的他,是個實務的富二代,難得其事業心與家庭觀念一樣重,自Lynn懷孕後,他一直細心照顧,擔心老婆陀孖B過分操勞及辛苦,入醫院剖腹更是寸步不離,Lynn返家坐月後,郭可頌忙湊女之餘,亦要兼顧工作。知情者透露:「郭可頌盡量分配好時間,陪多啲Lynn同幫手湊女,佢唔想Lynn太辛苦,一早請咗兩個陪月24小時貼身幫手,再加上有岳母喺度,佢都好放心,生完頭一個係最難捱,Lynn堅持要餵人奶,一餵就打孖上,所以搵咗個催乳師幫手,等Lynn人奶路可以順利啲。奶奶亦好緊張Lynn唔夠營養,日日吩咐工人煲多啲湯水,又買咗好多食材同名貴補品,等佢個傷口好啲就開始進補,依家陪月每日都燉冬蟲草畀Lynn,佢坐好月身體回復得快啲,追第二胎就事半功倍。」

熊黛林
熊黛林
2016年嫁入郭家後,熊黛林深得郭家上下歡心,雖然第一胎生孖女,但奶奶及三位姑奶都好開心,一有時間就上門探B。日前二姑奶郭可盈探望Lynn後,大讚孖女相當可愛,一個似爸爸,一個似媽咪。
熊黛林
熊黛林
上周五(4月27日),郭老太晨早9時就上門探孫,逗留至下午2時許才由司機接送離開。
熊黛林
熊黛林
與郭可頌感情最好的三家姐郭可思於上周六(4月28日)帶埋女友去探熊黛林,至晚上仍未離開。

性格溫馴的熊黛林深得郭家上下歡心,雖然未能一索得男,但她承諾會再追,而郭可頌亦絕對不會待薄老婆,只要Lynn開口想要甚麼,他都會滿足其要求。知情者透露:「一直以嚟都係郭可頌自發送禮氹Lynn,Lynn從來都唔會扭買嘢耍手段,依家女都幫佢生埋,真係要乜有乜,早幾個月郭可頌問過Lynn想要啲咩做獎勵,話買多層樓畀佢揸手,Lynn話唔急等遲啲生完先,咁郭可頌就話不如買層樓畀岳母,等佢喺香港有個屋企,又可以方便照顧兩個孫。」難得郭可頌咁識做,Lynn母女欣然接受。

熊黛林
熊黛林
熊黛林的哥哥去年誕下一對龍鳳胎,一直由熊母幫手照顧,現在到熊黛林生孖女,全家都有湊孖B經驗,絕對唔會雞手鴨腳。

熊黛林
熊黛林

主攻港島樓

據地產界消息透露,郭可頌本來有意為岳母物色其現居位於天后廟道珊瑚閣的單位,但該物業的單位全部屬海景大單位,而且甚少放盤,最後Lynn母女心儀大坑徑的名門,「當日郭可頌帶埋熊黛林同佢媽咪去睇樓,當時熊黛林個肚已經好大,睇咗兩個兩房單位,入場費都成3千幾萬㗎,佢哋都好滿意,聽佢哋嘅對話係想近番依家住緊嗰度,想買唔想租,名門距離珊瑚閣十分鐘車程左右,而且有齊會所同配套,樓齡又新,啱晒佢哋要求。」之後地產經紀再介紹了幾個較舊的同區樓盤,不過都唔合熊母心水。

熊黛林
熊黛林
熊黛林是出名的孝順女,不時安排母親來港遊玩,為方便岳母留港幫手湊B,早前郭可頌帶住腹大便便的熊黛林及其母周圍睇港島樓。有好女婿送樓,熊母心儀大坑徑名門約三千萬的單位。

熊黛林
熊黛林

Lynn自小與父母感情深厚,早年獨自來港發展,其母一年只會來港一兩次探女,其父於13年去世後,她不時安排母親來港短住,若然Lynn要繼續追仔,熊母亦順理成章留港湊孫,郭可頌買層樓畀岳母亦好啱數。

熊黛林
熊黛林
熊黛林陀孖女初期仍keep住做瑜伽,再加上均衡飲食,產前四肢纖瘦肥胎唔肥人。
熊黛林
熊黛林
專心在家坐月的熊黛林,產後首次更新社交網站,但並非大晒孖B照,而是上載了一對腫了幾個碼「豬腳相」,更留言說:「這雙豬蹄甚麼時候才能塞進高踭鞋裏?好想和全世界說一聲:媽媽真偉大! 」網民亦紛紛留言鼓勵她為了女兒放棄高踭鞋也值得,亦相信她能極速修身。

熊黛林
熊黛林

百億資產繼承人

41歲的郭可頌家境富裕,在四姐弟中他排行最尾,有姐姐郭可盈、郭可欣和郭可思。父親郭達昌做塑膠廠起家,與妻子陳玉蓮共同擁有五間公司,包括寶昌製品廠有限公司、易通玩具製品廠有限公司、可可有限公司、郭氏兄弟製品廠有限公司及力達投資有限公司,09年更成立家品牌子「Passion」,生產塑膠CD架和儲存箱等,遠銷歐美。郭父在2011年病逝,遺下逾百億資產和億萬塑膠生意給四名子女,長女可欣一直幫忙打理家族生意,孻仔可頌和三家姐可詩則分別擁有自己的出口公司和汽車生意。

熊黛林
熊黛林
自成功陀B後,熊黛林更加母憑女貴,郭可頌去到邊都傍實老婆,仲體貼到拎埋手袋。
熊黛林
熊黛林
平時在家又會下廚氹熊黛林,有錢、有心又有力的100分老公當之無愧。
熊黛林
熊黛林
有指熊黛林曾與老公郭可頌到荃灣龍母廟求子,去年成功陀B後,郭可頌被本刊記者影到與親友帶埋燒肉果籃等祭品,到龍母廟叩頭還神,為未出世的女兒祈福。

熊黛林
熊黛林

郭可頌除了要照顧Lynn與孖女外,仍要努力搵奶粉錢,上周五(4月27日)見他外出傾生意,雖然只是離開妻女幾小時,但他已歸心似箭,上車前接受本刊記者訪問,仍難掩首次為父的興奮之情,更透露會嘗試幫手湊女。有個肩膀有承擔又愛是全奉獻的老公,Lynn幫佢生多一隊足球隊都值得嘅,下一胎生對孖仔,咁就功德圓滿啦!

熊黛林
熊黛林
上周五(4月27日),郭可頌下午3點幾由司機接載離開天后廟道的寓所,先到大坑車行拎回自己的座駕,再去馬會及香港仔傾公事。

熊黛林
熊黛林

郭可頌:湊女係樂趣!

郭:郭可頌 記:本刊記者

記:恭喜晒!BB改咗名未呀?

郭:未呀!仲未!仲未有Idea住。

記:諗住畀人改定屋企人自己改?

郭:兩樣都會大家商討吓咁啦!

記:Lynn生孖女開唔開心呀?

郭:開心!多謝呀!

記:你有冇幫手湊BB呀?

郭:都有呀!

記:個感覺係點呀?

郭:好開心囉!

記:有冇幫手換片餵奶?

郭:都唔使我做,遲啲先算!

記:會唔會試吓去做?

郭:一定會!係樂趣嚟嘅!

熊黛林
熊黛林
郭可頌這日心情大靚,接受本刊記者訪問時四萬咁口,榮升人父興奮喜悅之情表露無遺。
熊黛林
熊黛林
離家的三個多小時,郭可頌全程行色匆匆,完成工作後即飛車返家,好明顯是心急見妻女。

20萬住院費

現時本港一共有11間私家醫院提供產科分娩服務,而香港有錢人生仔的熱點,都離不開跑馬地的養和醫院或舊山頂道的嘉諾撒醫院,但熊黛林4月剖腹生孖女,卻是在今年2月中才正式開設婦產科,位於黃竹坑的港怡醫院。

港怡醫院設施完善又新,而且環境清靜,據知期待孖女出生的郭可頌護妻備至,安排Lynn入住日租8,000元的豪華套房,更全程寸步不離陪產。Lynn開刀誕孖B的醫生費比單胎貴30%,再加上麻醉師、兒科醫生連住院等合共花了約20萬港元。

熊黛林
熊黛林
港怡醫院婦產科住院房設有多種房型,Lynn所住的豪華套房產房設有電視機、小型夾萬、迷你冰箱、私人洗手間及無線上網服務,極盡豪華。

熊黛林
熊黛林

百萬坐月

依照中國傳統,女人產後三十至四十五天內,這段時期母體內的荷爾蒙及養分最需要補充,故此必須把握這個黃金時期,好好調養身體,回復產前或比產前更好的狀態。熊黛林生孖女要請兩個專業陪月員,新手媽媽要餵全人奶又要請催乳師上門,在奶奶與母親緊張照料下餐餐都要食得好夠營養,最大開支就是名貴的補品與藥材,百萬坐月費一定走唔甩。

熊黛林
熊黛林

熊黛林
熊黛林
為郭家辛苦陀孖女的熊黛林,產後當然要好好補身,坐月期間日日食冬蟲草,固本培元。

單立文「奔六」恨仔 胡蓓蔚最後衝刺

單立文
單立文

沈月現身曾志偉生日P最搶鏡 盤點愈大愈靚星二代

延伸閱讀:

吳卓羲舊愛閃嫁特工 35F張馨予那些年被封「畸波之王」⋯

關注我們Facebook專頁
    相關新聞
      更多瀏覽