入行39年 擅演媽媽角色!59歲陳秀珠公開凍齡之道
2018年08月07日19:51

陳秀珠喺近日熱播中嘅《BB來了》飾演李佳芯媽媽,為個女同外孫女,不惜同李佳芯奶奶盧宛茵撐到行,又犧牲自己嘅睡眠時間幫阿女手湊B,認真係絕世好媽媽!但原來陳秀珠入行39年,以往經常都扮演「非常媽媽」,經常同仔女嗌大交!仲有網友睇深夜重播嘅99年《刑事偵緝檔案IV》,發現佢演宣萱表姨,個樣廿年如一日都冇變過,依然咁省鏡!

撰文:東方新地|圖片:新傳媒圖片庫、陳秀珠微博

延伸閱讀:

TVB新劇《殺手》角色造型逐個睇 乖乖女變Punk友O晒嘴

《延禧攻略》吳謹言擔正三大原因 因太靚被監製剃眉!

陳秀珠 為幫手湊B死撐

陳秀珠在新劇《BB來了》飾演李佳芯媽咪,不斷催個女生B,自覺自己湊大十幾個BB,又聲稱讀咗陪月課程,對於湊B絕對綽綽有餘,點知畀女兒發覺原來媽咪都好唔專業,生咗都唔放心俾阿媽湊。

陳秀珠
陳秀珠

為了確保陳秀珠在幫忙照顧女兒時,能嚴格執行根據健康院指示及育嬰百科制定的規矩,李佳芯不厭其煩向她講解。

BB來了
BB來了

但要深夜幫手湊B,令陳秀珠腰患復發,兼體力透支,雖然她極力死撐,但仍被李佳芯發現。

最終陳秀珠大鬧李佳芯當她是工人,李佳芯向母親道歉,兩母女冰釋前嫌。

BB來了
BB來了

近日劇情講到陳秀珠打算重操故業再當陪月,李佳芯辭職接陪月公司「寶安心」的生意,黎諾懿出手說服楊卓娜擔任公司顧問。

BB來了
BB來了

但接手公司後,陳秀珠發現「寶安心」內的其他陪月員是以姚嘉妮馬首是瞻,不禁擔心日後難以駕馭眾人。

BB來了
BB來了

79年港姐出身

入行39年嘅陳秀珠,原來係79年港姐出身,參選時只得21歲,雖然當年三甲不入,但仍簽約無綫,主演過多部劇集。

88年《誓不低頭》 港女始祖

在88年神劇《誓不低頭》本來係謝文武(鄭少秋飾)老婆,但對方被陷害入獄後,居然改嫁老公仇人岑波(郭鋒飾),原因之一係貪岑波有錢!

珠做郭峰老婆
珠做郭峰老婆

99年《刑事偵緝檔案IV》做宣萱表姨

睇翻深夜重播嘅99年《刑事偵緝檔案IV》,陳秀珠演宣萱表姨,個樣廿年如一日都冇點變過。

刑事偵緝檔案IV
刑事偵緝檔案IV

劇中佢仲係殷寶莉(程可為飾)嘅私家看護。

刑事偵緝檔案IV
刑事偵緝檔案IV

95年《刑事偵緝檔案II》檔案八:寸草心

其實95年嘅《刑事偵緝檔案II》陳秀珠有份演其中一單案件,講舞女楊曉菁Betty(陳秀珠飾)為了籌錢替女兒治病,殺死嫖客胡兆宗,但不巧被曾志佳(歐紹偉飾)撞見。曾志佳讓屬下莫日飛(羅維飾)幫她做時間證人,但條件是她必須幫他再殺另外一個人曾百年(張英才飾)。當楊曉菁給曾百年下毒後,卻再次被人撞見。楊曉菁知道這次一定跑不掉,為了女兒的將來,於是她決定自殺,然後佈置成被曾志佳殺人滅口的局,以此來換取一筆保險金,給她女兒將來用。

刑事偵緝 檔案II
刑事偵緝 檔案II

刑事偵緝檔案II
刑事偵緝檔案II

劇中陳秀珠飾演嘅舞小姐Betty亦係位「非常媽媽」,生下女嬰冬冬,表面上對女嬰漠不關心,高婕(郭可盈飾)不值,常代湊女。

刑事偵緝檔案II
刑事偵緝檔案II

01年《酒是故鄉醇》馬德鐘媽媽

02年《戇夫成龍》宣萱媽媽

04年《一屋兩家三姓人》宣萱阿姨

由表姨、媽媽再到做番阿姨,宣萱同陳秀珠經常合作,兩個人至今都係keep得勁好!

13年《心路GPS》演陳展鵬媽媽

13年《愛我請留言》演黃翠如媽媽

陳秀珠喺《愛我請留言》係茹初見(黃翠如飾)嘅媽咪,劇入面叫「mamayu」,同《BB來了》一樣又係幫人湊細路!劇中珠姐幫黃浩然湊囡囡悠悠豬(楊鎧凝飾演),佢喺呢套劇同樣演得好到位!

15年電影《紀念日》做方力申阿媽

16年《警犬巴打》鍾嘉欣媽媽

又曾主持過多個節目,包括《K-100》、《體育世界》,以及86年世界盃。

陳秀珠
陳秀珠
《體育世界》

孖劉華拍廣告

當年陳秀珠仲同初出道嘅劉德華拍過眼鏡廣告!

陳秀珠多年來都勤於運動,睇嚟呢個就係佢keep young之道!

【港姐2018】第二輪面試!整容女唔見晒!

8位紅星公開減肚腩餐單

《深宮計》收視高 黃心穎、康華、馬浚偉床照、裸照找數!

延伸閱讀:

《延禧攻略》再演奸角獲激讚 細數佘詩曼10套超經典古裝劇

關注我們Facebook專頁
    相關新聞
      更多瀏覽