黃長興改名黃致豪 60日地獄式操肌
2018年08月03日07:55

9月即將步入40歲嘅黃長興,銳意打造一個全新嘅自己!先是早前改名「黃致豪」,並進行地獄式訓練,打造前所未有嘅爆肌身形,練出麒麟臂同六塊「朱古力」腹肌,當係一份送俾自己嘅生日禮物。

撰文:東方新地 │圖片:新傳媒圖片

延伸閱讀:

【兄弟大茶飯】那些年單眼皮、豬膽鼻、包面!余思霆澄清:戴咗牙套可能有啲改變

姚嘉妮唔恨嫁入豪門 愛林祖輝低調又穩重

黃長興改名 轉Look!

黃致豪坦言為了送給自己這份生日禮物,犧牲了不少東西:「我進入咗六十天嘅地獄式運動訓練,除咗做GYM、食營養餐,我仲要犧牲唔少同家人及朋友聚會嘅時間。我一向鍾意熱鬧,經常三五知己大吃大喝,操肌期間就要謝絕約會、食得清淡、滴酒不沾,點知偏偏撞正世界盃,晚晚睇波要忍口,真係苦上加苦!不過,就係要有呢份堅持,先可達成我嘅目標。」

黃致豪不諱言一直有做gym 的習慣,但從來未嘗過「爆肌」滋味,於是找教練為自己打造一排「40歲朱古力」,當谷出完美body後,黃致豪拉大隊飛到泰國取景,記錄這個歷史時刻。

不過,黃致豪自爆當中出現小插曲:「由於操練太劇烈,中途試過整傷腰骨,喺最後階段又曬傷皮膚,心情大受影響,正想放棄泰國拍攝之行,但諗番過程幾艱辛都捱得過,冇理由最後一步行唔到,於是決心照飛。結果當看到影片出來嘅效果,就知道呢份生日禮物係何等珍貴、值得回味。」

感激太太支持

黃致豪笑言最要多謝太太Peggy給予無限量的支持,去俾佢一圓呢個人生創舉:「我受訓時經常唔喺屋企,辛苦太太全程照顧一對寶貝Paige和Tristan,現在我任務完成,多咗一雙麒麟臂,而眼見太太望到自己身型所露出笑容,相信佢都好滿意,就俾我繼續保護我嘅家人啦。」

講到改名原因,黃長興接受傳媒訪問時透露,自己相信風水,早前更有人告知佢個名對健康不太好,而且是在10年後,他認為有小朋友,健康最重要,如改名能避凶,一改無妨!

黃長興 拍劇與家庭之間感矛盾

其實黃長興在公仔箱靜了一陣子,集中精神搞餐廳,同時更忙於照顧家庭,不知不覺他太太已誕下兩名可愛小朋友,兩歲半的大女晞桐(Paige )和九個月細仔子晉(Tristan )!形象鬼鬼地嘅佢查實骨子裏好傳統,一直渴望組織大家庭,不過有見老婆Peggy陀第二胎好辛苦,就打消追多個的念頭,一家四口已經夠幸福。黃長興坦言做演員都希望成為主角,但魚與熊掌不能兼得,做主角就要犧牲好多家庭時間,令他心情矛盾,但家庭始終排第一位,為了家庭他安於做配角,返屋企才做男主角,希望待仔女長大一點,演藝事業就更上一層樓。

黃長興既要拍劇,又要搞餐飲,未能抽空照顧家庭,令他帶點愧疚。去年聖誕前夕,他的心情更矛盾,期待接到第四套劇,但又想與家人過聖誕新年。「有三個月我都忽略咗屋企人,夜晚好夜先返屋企,甚至半夜返,都想有個break陪佢,最後我冇收到新通告,可以放假一齊去玩。希望新一年好快有監製打俾我,『長興,可以開工喇!』咁就好開心喇。」

黃長興
黃長興
一家人靚仔靚女,黃長興笑自己fashion sense不高,裝扮以舒適為主,小朋 友的打扮交由太太話事,「有時我都要太太幫我揀衫。」

去年Stefan一連拍攝三劇,安守本分做配角,在仔細老婆嫩的階段下,未上位一線都是一件好事。「做主角所花時間同精神,係好難照顧兩個小朋友,雖然有媽咪同工人姐姐喺度,但做一個主角要百分百投入角色。反而我依家嘅角色可以令我認真拍嘢,有事業又可以睇到小朋友成長。等佢哋大少少,希望我可以慢慢擔任重啲嘅角色。」

黃長興
黃長興
黃長興的細仔去年5月出世,家中湊成一個「好」字,他一直都想做多仔公,但見到太太湊兩個非常辛苦,需要休息一下,並專心照顧兩個小朋友,待小朋友大一點再決定。

囡囡2歲才冧爸爸

近月Stefan有假放,樂於做湊仔公,周圍帶仔女出去玩,身上孭起九個月大的細仔Tristan,一手就拖住兩歲半大女Paige,一對「好」字冧死人。他形容囝囝愛笑愛玩,是個陽光小男孩,「男仔開朗多嘢講會好啲;女仔就最好矜持少少,斯文啲,不過囡囡性格活躍,係面對人多先怕醜。」

女兒是爸爸的前世情人,Stefan當然好錫個女,但他笑言到現在囡囡兩歲半,才真正「被女冧」。「佢依家先黐爸爸多啲,成日掛住我想同我一齊返工,我哋嘅關係比之前close咗好多。不過我都冇話錫仔定女多啲,兩個都係自己親生,一樣咁愛錫。」

黃長興
黃長興

不過小朋友總有呷醋的時候,尤其是女仔,Paige偶爾都會爭寵,訪問拍攝期間有見Paige剛睡醒,樣子比較呆滯,爸爸媽媽先與細佬合照,Paige見狀突然精神百倍,嚷着要一齊影,就此情況下拍攝了多張全家福!Peggy笑囡囡最常爭抱,「我抱緊細佬,佢就話媽咪要抱我,第二個抱細佬啦。」

黃長興
黃長興
黃長興終於放大假,即帶仔女周圍玩盡享天倫之樂。

與敏之囝囝做buddy

Peggy兩胎同是開刀生,以母乳餵哺,今次餵細B比上次更堅持,至今九個月未斷奶,上次僅維持五個月。「上次唔係好識餵,好遲先真正識餵,所以好難追奶,有少少半途而廢,慢慢就冇咗奶。今次我希望餵到幾多得幾多,有睇書學習,我本身唔係多奶,所以要keep住三個鐘餵佢食,如果唔係奶量會減少。」

兩人的好友陳敏之在去年12月底同樣開刀生B仔,他們在訪問當晚已前往探望,Stefan好開心他與敏之的囝囝是同年出生,將來可以做buddy一齊玩。Stefan稱讚敏之是做事認真的人,一定已做足功課學湊仔,如果有需要他們樂於給予意見。

黃長興形容囝囝愛笑愛玩,性格開朗,是個陽光小男孩。
黃長興
黃長興
兩姊弟相親相愛,只有間中爭抱。

要體諒全職媽媽的付出

兩夫婦皆是靚仔靚女,更是慈父慈母,甚少對仔女發惡,最重要是教仔女的方向要一致,不讓孩子覺得任何一方「好恰啲」,或者要其中一方做晒衰人。「我哋生BB前已經諗清楚點教好小朋友,我哋覺得兩人一致係最啱,好似阿女做錯事,太太會企喺我呢邊先,即使係我唔啱,背後先再同我傾番。」

Stefan與Peggy的相處之道是互相體諒、互相遷就,男主外女主內,Peggy在家中做全職媽媽,專心照顧兩個小朋友。自建立家庭後,Stefan明白到全職媽媽的辛苦程度不下於爸爸工作,作為丈夫必須理解及體諒太太為家庭的付出。「爸爸出去工作係有壓力,但唔好以為媽咪喺屋企冇咩做,其實媽咪喺屋企都好辛苦,有時辛苦完又唔出聲,壓力仲大過我哋。」

黃長興
黃長興
Tristan未夠一歲有得去旅行,短短去個台灣都夠開心,在飛機好乖無扭計。

教女法文從歌謠入手

Stefan在法國長大及讀書,法文是母語,當然要教育下一代,囡囡都遺傳到語言天分,現在能說能唱簡單法文。Stefan指法文頗難學,教囡囡法文從耳熟能詳的英文歌謠入手,再教唱法文版,「佢都有興趣學多個版本,尤其是佢鍾意唱歌,所以都學得好快。」

他回流香港後當過兼職法文老師,見過好多有志想學法文的學生,因工作關係每星期只上一兩堂,每堂一兩小時,並不足夠,他建議最好可以到當地半年,才能學好基本法文。其實語文最好從小學習,愈早學習吸收力愈快,但家長絕不能強迫孩子學習,應視乎孩子的興趣。「當興趣班學吓都冇壞, 好似鋼琴、芭蕾舞咁。如果小朋友鍾意又有天分,應該盡早學習,因為小朋友早期吸收得快啲。」

黃長興
黃長興
自有小朋友後,黃長興把原先的法國餐廳改裝,變得家庭化,從食物至檯櫈都變得加大碼,以一班人分享食物為題。
法國長大的Stefan當然有教囡囡一些簡單法文,希望對她的將來有用。

黃長興 絕不送仔女過法國讀書

約五歲就移民法國的Stefan坦言,當地大部分學校有政府資助,學費全免,但校風太寬鬆,學生讀書全無壓力,反令學生不懂珍惜讀書的機會,所以他不考慮送仔女過法國讀書。「因為好多學校都免費,連家長對教育都隨便少少,唔似得香港學費比較貴,家長睇得緊啲;同埋法國好多假期,令小朋友成日抱住玩嘅心態。」他寧願為仔女選擇鄰國英國或加拿大升學,一來學好英文比較重要,二來校風比較嚴謹,「送仔女過去都安心啲。」

送去外國讀書都是長遠計劃,父母現階段要先為仔女鋪路,屆時讓仔女自行決定。Stefan對香港的學校不熟悉,全交由Peggy打理,Peggy指中文好重要,希望仔女先入讀本地學校打好中文底。「嚴少少都冇所謂,雖然身邊朋友都話香港讀書壓力大,但先嚴後放鬆冇咁辛苦,或者可以揀啲無咁傳統、適合仔女嘅學校。」

黃長興
黃長興
雖然女兒是前世情人,兩歲多的Paige亦好黐爸爸,但黃長興強調自己不會偏心,兩個都是親生嘛。

高鈞賢原來是紅娘

Stefan的同屆港男高鈞賢是兩人的「紅娘」,有晚收工高鈞賢邀請Stefan去party,介紹了Peggy給他認識,從此兩人走在一起。

沈月現身曾志偉生日P最搶鏡 盤點愈大愈靚星二代

袁偉豪那些年參加過《YES!》校草選舉 原來黃宗澤都選過⋯

單立文「奔六」恨仔 胡蓓蔚最後衝刺

單立文
單立文

熊黛林晒四口全家福 老公抱孖女唔捨得放手

延伸閱讀:

下一對「雙宋情侶」誕生? 韓國記者大爆朴敏英、朴敍俊即將結婚 :連結婚用品都準備好晒!

關注我們Facebook專頁
    相關新聞
      更多瀏覽