曾志偉被無綫下令封殺!老友阿叻:佢睇唔起TVB嘛!
2018年08月02日16:00

多年來都係無綫王牌人物的「獎門人」曾志偉,被指曾希望涉足綜藝組話事,所以一度與高層余詠珊鬧不和。雖然曾志偉去年亮相《萬千星輝賀台慶》,外界以為佢同大台關係緩和,點知志偉早前世界盃期間公然倒戈上ViuTV擔任嘉賓講波,之後應ViuTV安排拉大隊去俄羅斯睇波,更多番不留情狂踩港姐騷!故有報道指無綫高層決定下令封殺志偉!

原文:環球膠報|圖片:新傳媒、ViuTV截圖

延伸閱讀:

趙希洛趁離巢潮乘機上位 正式簽約轉做親生女!

【港姐2018】來自上海 鄉音未改 1號蘭依婷 做下一個朱晨麗?

《獎門人》曾志偉無人不曉

創意無限又轉數快的曾志偉多年來與無綫擦出無窮火花,志偉從1995年開始主持《獎門人》系列遊戲節目,收視同口碑極佳,令佢成為綜藝組的台柱。志偉做主持的節目氣氛確係一流,多輯《獎門人》陪伴港人成長,節目中唔少遊戲如「馬拉松」、「估歌仔」等都絕對係經典!

曾志偉
曾志偉
《獎門人》的經典場面真係多到數唔晒!

13年傳與余詠珊不和

但至2013年,有指曾志偉希望涉足綜藝組話事,與高層余詠珊鬧不和,不過最終兩人都以成熟態度處理局面,再未有負面消息傳出。

曾志偉
曾志偉
今次冇得打和啦!

16年挖角撐亞視?

曾志偉向來搞作多多,早在2016年亞視熄機時,曾傳出志偉四出搵老闆泵水買亞視,兼向無綫幕後人員挖角,希望打造一個以自己為首的製作團隊。據知當時無綫高層極為不滿,但最後因為未有成事,所以未有向志偉追究。

爆粗鬧港姐唔係Live

大家都知道曾志偉係每年港姐決賽的司儀鐵腳,一直都好關心港姐競選節目。2013年時,志偉曾公然寸爆由余詠珊負責的新改革賽制,不滿由多年的現場 (Live) 騷改為錄影節目,更有報道指志偉在錄影期間爆粗:「X你老X!港姐係Live,點解要錄影呀?」

及至去年9月港姐競選舉行時,志偉先是出言狠批佳麗的質素,之後再毫不留情狂踩,以四個字形容港姐決賽:「慘不忍睹!」

倒戈亮相ViuTV講波

事隔多時,TVB去年亦有邀請志偉出席《萬千星輝賀台慶》,關係似是緩和,點知好戲在後頭!因為今年七月世界盃期間,志偉竟然為ViuTV的《Good Night Show 全民睇波派對》任嘉賓講波,當晚有睇波的球迷們都O晒嘴,以為自己轉錯台!

無綫下令封殺!

及後,志偉以「明星足球隊」成員身分,應ViuTV安排,拉大隊往俄羅斯欣賞世界盃決賽,擺明係唔俾面無世界盃播映權的TVB!志偉受訪時仲話TVB唔會咁小器,坦言將來會再與ViuTV合作!大家都知方丈份人好小氣啦,志偉連番挑釁行為使無綫高層怒不可遏,忍無可忍下決定要封殺志偉,嚴禁佢再於TVB亮相!

曾志偉
曾志偉
曾志偉話TVB唔會咁小氣,點知…

老友阿叻:佢睇唔起TVB嘛!

同曾志偉分屬好友的陳百祥(阿叻),談及志偉為ViuTV講波又帶隊睇波,擺到明唔俾面TVB,阿叻就表明自己係無綫親生仔,「流住TVB血㗎」。佢寸爆志偉睇唔起TVB,所以今年對方冇份做港姐仲好,冇咗佢阻住晒!

獎門人回應係咁嘅

曾志偉日前出席「奇華至尊月餅首播禮」,被問到有冇留意今屆港姐時,佢先係讚今屆佳麗質素比往年好;至於會否擔任決賽司儀,志偉就話要等TVB搵佢,而且要視乎模式係點,「如果好似上年咁,剩係出嚟講幾句嘢就唔好啦。」

恥笑港姐西貢取景

另外,今年港姐取消外景拍攝,TVB只係安排佳麗到西貢取景拍特輯,志偉擺明係恥笑咁話:「越南個西貢呀?西貢咁遠呀!離將軍澳好遠喎!」志偉又稱比較喜歡以前個模式,雖然可以不斷更新,但有啲嘢係需要保留原味,例如大家都依然會想睇泳裝環節、問答環節、出國花絮等。無懼方丈小氣,果然得獎門人夠膽色!

而對港姐取消外景拍攝,要去西貢拍特輯,獎門人話:「西貢咁遠呀?離將軍澳好遠喎!」佢強調,港姐模式可以不斷更新嘅,但有啲嘢係需要保留原味。觀眾會想睇泳裝、問答環節等等。

獎門人果然有膽色!

黃子華《金盆𠺘口》尾聲鳴謝故事合輯

貝依霖疑似走光露乳暈 網民指博上位:特登露?

延伸閱讀:

【港姐2018】倒奶做體操 15號陳苑澄 獲網民爆like

關注我們Facebook專頁
    相關新聞
      更多瀏覽