《兄弟大茶飯》女助手勁吸睛 余思霆、胡美貽同為選美出身!
2018年08月01日19:30

今個星期一首播的最新TVB節目《兄弟大茶飯》,於逢星期一至五晚上十點半播出,節目除了找來曹永廉與蕭正楠做主持外,亦加入了兩位女藝員余思霆同胡美貽。大家可能對這兩位比較陌生,有見及此,小編就同大家一齊認識下佢哋啦!

撰文:東方新地|圖片:新傳媒圖片庫、TVB截圖、tvb.com、Instagram

延伸閱讀:

【兄弟大茶飯】抵死有味對白逐格睇!楊千嬅寸牛扒太硬:你唔𡁻吓對鞋

【兄弟大茶飯】馮盈盈要食黑鮑 蕭正楠反擊:你個樣咪鮑魚

《兄弟大茶飯》關於咩?

最新TVB節目《兄弟大茶飯》今個星期一首播出街,節目搵嚟曹永廉與蕭正楠做主持,雖然二人拍劇比較多,但做主持一樣難唔到佢哋,今次呢兩個男人為照顧一眾長期拍攝外景的藝人及劇組台前幕後的工作人員,一於走入廚房為大家親自下廚,用食物慰勞大家!

今次呢個節目就以二人咩餸菜都要親自煮,以誠意慰勞一眾勞苦功高的台前幕後工作人員為節目賣點。除此以外,每次二人都會以開檔形式,招呼嚟「幫襯」嘅同事。

當然,成個節目如果得曹永廉同蕭正楠兩個人做主持未免有啲單調,有見及此,節目組安排佢兩個揀兩位公司女藝員做助手。最後,兩位男主持就揀咗余思霆同胡美貽喺節目一齊幫下手。

節目內容就唔多講,即刻等小編同大家介紹一下呢兩位靚女啦!

|余思霆

今年24歲嘅余思霆(Stitch)係2016年度美國華裔小姐冠軍,同時亦係上年嘅國際中華小姐競選奪得冠軍,其後加入TVB。

陽光紐約女孩

來自紐約嘅Stitch有着健康膚色及豐滿身材,加上陽光燦爛的笑容,如同一個活潑可愛嘅美國女孩!喺上年國際中華小姐決賽第二環節中,眾佳麗穿上代表自己城市嘅服飾,Stitch戴上頭飾、手持火把扮演自由神像,再加上性感低胸裝及甜美笑容,令人難忘!

余思霆圈中好友

Stitch最終力壓林宣妤及馮盈盈成為2017年度國際中華小姐冠軍!之後,仲好似同馮盈盈成為好友,皆因久不久竟就會見到佢哋二人一齊合照兼po上網。

謝謝大家~心中無限的感動! Thank you all for supporting me! 4am

A post shared by Stitch Yu 霆霆 (@yutingting94) on Jan 15, 2017 at 12:10pm PST

余思霆四料冠軍

Stitch算係半個台妹,佢喺台灣花蓮出生後移居美國,16年贏得美國華裔小姐冠軍,代表紐約出戰國際中華小姐。原來Stitch早在三年前已經參加過紐約華裔小姐,可惜當時落選,故上年再接再勵參選,更成為當地嘅四料冠軍!

佢曾經講過要成為出色的演員或主持,加入TVB後亦有喺《Big Big Channel》發布會中亮相,今年亦有為《Big Big Channel》一週年而出席慶祝活動。

It was a fun night !!!!!!!! #一年了 #BigBigChannel #happybirthday

A post shared by Stitch Yu 霆霆 (@yutingting94) on Jul 22, 2018 at 9:53am PDT

Stitch除咗有份負責主持一至五晚嘅《兄弟大茶飯》外,亦有份主持《深夜美食團》,主持嘅工作就比拍劇多,唔知幾時可以見到佢出現喺劇集度呢?

|胡美貽

現時同樣24歲嘅胡美貽可能大家相對陌生,其實佢係2017年度香港小姐競選決賽入圍佳麗,當時胡美貽就有「翻版朱千雪」之稱。

上屆香港小姐飛住台北為港姐拍攝外景,當時曾因出眾身材,而獲得唔少網民一致好評!

而且,於台北溫泉拍外景時,胡美貽就咁啱與上屆冠軍雷莊𠒇一齊合照,兩個人拍埋一齊企,明顯胡美貽嘅身材絕對唔會比雷莊𠒇輸蝕!

大熱最終落選

雖然當時胡美貽憑「翻版朱千雪」之稱,而成功成為大熱,加上唔少人都覺得無論外貌定身材,胡美貽都可以入圍三甲,可惜最後佢十強止步。

縱然未能入圍十強,但胡美貽其後就加入咗TVB,成為其中一位藝員。今次就第一次主持節目,孖住余思霆做兩位男主持嘅助手,唔知有冇為觀眾們帶嚟新鮮感呢?

其實,胡美貽除咗首次喺節目中擔任助手,佢原來已經拍過唔少劇,例如喺《愛·回家之開心速遞》中飾演Abby一角,不過有部分劇集就仲未播出,所以相信大家將會有唔少機會會見到佢出現喺螢幕前!

延伸閱讀:

范冰冰疑似被捕影片照片流出 手腳都上晒鎖! 傳聞仲有100位一線明星涉案 香港藝人都有份!

關注我們Facebook專頁
    相關新聞
      更多瀏覽