黃子華《金盆𠺘口》尾聲鳴謝故事合輯
2018年07月31日20:04

黃子華最後一場棟篤笑《金盆𠺘口》,話咁快今晚(31/7) 就即將圓滿結束,黃子華多年的棟篤笑生涯走得絕不容易,故子華今次《金盆𠺘口》的尾聲中,都會分享吓被貴人幫助的故事,趁機會公開多謝呢啲朋友!當中有大家熟悉的明星紅人、亦有默默耕耘的工作人員,現在一一重溫!

撰文:東方新地|圖片:東方新地、黃子華 – 子華本部

延伸閱讀:

古天樂舖好路簽下佘詩曼 細看天高娛樂王國崛起!

傳老公張丹峰搭上經理人 洪欣:她和老公的所有東西我都清楚⋯

Day 1 (6/7) Kitty葉潔馨

黃子華於《金盆𠺘口》第一場中,首先多謝其早年在港台及商台工作時的上司葉潔馨(Kitty),因為全賴對方的包容和鼓勵,全賴對方隻眼開隻眼閉、容許佢無心工作但專心搞棟篤笑,子華第一個棟篤笑先得以誕生。子華又稱如果遇唔到呢個上司,一切都會變得不一樣,笑說自己30年前可能已經去咗炒樓!

黃子華
黃子華

Day 2 (7/7) 歐陽應霽、阿四、林祖輝

黃子華呢晚多謝幾位商台時期的朋友,子華憶述第一個棟篤笑係在文化中心一個只容納三百幾人的小劇場舉行,自己從未試過認真籌備一次表演,全賴著名跨媒體創作人歐陽應霽為佢設計宣傳海報。子華笑稱當時歐陽應霽收費不菲,但對方完全冇收自己錢!

黃子華
黃子華
子華多謝為佢處理茶水事務的阿四!

好兄弟林祖輝

之後到子華識於微時嘅林祖輝!子華多場騷都在台上提到祖輝,表示當年自己第一次開棟篤笑時,因擔心銷情慘淡而到處貼街招宣傳,幸得祖輝仗義幫忙,期間更講到哽咽。子華稱:「林祖輝你一個高大靚仔嘅人,你做咩要幫我做呢啲嘢呢?點解有啲咁好嘅人呢?」有報道更指出當年係祖輝幫子華去紅館攞表,申請文化中心個場地;2003年時,子華公演《無炭用》時撞正「沙士」,祖輝仲幫手喺門外派口罩畀觀眾入場,真係好兄弟!

黃子華
黃子華
林祖輝喺觀眾席都聽到眼濕濕!

子華後台哭成淚人

子華呢晚完騷後一入後台,就見到好兄弟林祖輝原來嚟咗捧場,子華激動到一見到祖輝就挨喺佢肩膀喊,朋友都立即遞上紙巾畀佢拭淚。

子華同祖輝相識逾30年,1988年二人在商台有份主持節目「咪前7先鋒」,大家認得子華嘛?!

黃子華
黃子華
主持人:(前排左起)歐陽德勛、林祖輝、胡增民 (後排左起)彭鏡光、鄧梓峰、蔡齡齡、黃子華、歐陽應霽

Day 3 (8/7) 黃霑

黃子華提到已故的黃霑(霑叔),子華坦言當年不認識霑叔,但霑叔在其老闆口中得知佢將要開首次棟篤笑後,竟然相約子華到君悅酒店食飯,並送上大疊關於棟篤笑及笑話的書藉!子華坦言霑叔係個大忙人:「佢話啱啱寫好一首詞,掙夠呢個星期嘅錢,所以就來見見我。當時佢已經係個好大嘅才子,完全係一種無私,基於一片好意﹗」

Day 4 (9/7)威廉

黃子華多謝商台的老友陶威廉,子華表示自己以前並不講究衣著,不修邊幅,只在乎自己表演如何,但其實著咩衫係非常重要!所以全靠威廉多年前開始幫子華揀衫出Show,仲會一齊飛去日本試衫買衫:「去日本買件衫!?街口有日本城喎!」子華笑指今次棟篤笑指冇中場休息,唔使換衫好輕鬆,但威廉最後為佢每一場揀一套衫!

另外子華多謝負責髮型的Helen,因為對方要忍受自己唔願日日洗頭、日日個頭成隻癩皮狗咁;負責化妝的佩佩亦是非常辛苦,因為子華從來都唔去做facial。子華感激三位為佢造型不辭勞苦的戰友!

Day 5 (10/7) 陸離女士

黃子華感激一位文化界的前輩、作家陸離女士。事緣子華於1990年做了第一個棟篤笑,陸離女士在報紙專欄為子華大力宣傳,連續十幾廿日寫的內容都係同子華有關,甚至花大量金錢買飛請人去睇子華個show。所以子華道:「某程度上,黃子華都係由陸離女士帶俾香港認識的。」

Day 6 (11/7)經理人阿May

黃子華多謝非常疼愛自己的經理人阿May,原來阿May當初竟曾勸子華唔好做娛樂圈,「佢話你睇吓閣下副尊容,何必浪漫青春呢!」說罷全場爆笑。大家都知道經理人收入主要係抽佣金,但子華笑說阿May竟然經常勸子華唔好接呢樣唔好做嗰樣工作,好似唔想搵錢咁!事實係兩人關係像家人一樣。

另一位子華要多謝的係主辦單位方面的Priscilla,子華表示今次《金盆𠺘口》本來只打算做15場,點知對方一句:「黐綫!」最後今次棟篤笑開足26場,全賴Priscilla造就呢個機會俾子華同大家講再見!

Day 7 (12/7) Wing、光輝、Keith

子華表示無咗呢幾位朋友,棟篤笑一定唔會順利,首先係舞台監督羅金榮(阿Wing),子華大讚對方係一個非常盡責的人:「甚至我唔夠瞓,係佢要食安眠藥!」之後仲有負責一切在音樂方面的創作、安排的光輝,子華大讚係個充滿工作熱誠、盡百分之四百努力;最後係一位猶如子華細佬的朋友Keith,原來子華過去幾年的短片都係由Keith操刀。

Day 8 (13/7)丘亞葵

邊位係丘亞葵? 原來丘先生係第一個帶子華到廣州開騷的人物,子華坦言就算佢在香港幾成功,但冇人夠膽帶佢去外地開騷,因為要冒非常大的風險,但丘先生當年就做了呢件事,自此子華走遍全世界!「肯第一次為你冒險嘅人,係好可貴嘅,多謝丘亞葵先生!」

Day 11 (16/7) 胡楓

黃子華說他在無綫拍劇嘅時間,有日「修哥」胡楓同子華講:「子華你唔好淨係做伊館(灣仔伊利沙伯體育館),要做紅館!」又叮囑佢多做不同的新嘗試,雖然只係兩句說話,但令子華重新思考工作新方向,更鼓起勇氣在紅館舉行棟篤笑!

黃子華
黃子華
黃子華FACEBOOK專頁截圖

胡楓雖然年屆86歲高齡,但他永不言休,今年初就開咗兩場《胡楓86破哂紀錄演唱會2018》,真係唔到大家不得不配服,而黃子華就係尾場嘉賓之一,他出場時全場起哄,子華搞笑地攞咗一張櫈上台:「咁多人上來,有無人拎過一張櫈畀修哥?」子華話只有修哥咁夠份量嘅前藝人至可以坐住開騷,但子華又補充話,修哥咁精靈正是因為佢好少坐,佢又話以前在無綫拍劇都從未見過修哥坐。

最後黃子華更向修哥下跪,約定修哥90歲開騷時會替他伴舞。

Day 12 (17/7) 周潤發

這一夜發哥夫婦都有份睇騷,黃子華說很多市民都希望野生捕獲發哥,但他很榮幸,被發哥捕獲過兩次。係!係發哥捕獲子華!子華說1990年首次舉行6場血肉史棟篤笑,由於每晚只有不足300個座位,估計全港只有不足2000人認識他,但萬料不到周潤發係其中之一位觀眾。

黃子華
黃子華
黃子華FACEBOOK專頁截圖

舉行完第一次棟篤笑後被發哥捕獲:「我有日同朋友喺中菜廳食飯時離遠見到發哥,當時我覺得發哥應該唔識我,所以冇諗住上前打招呼。點知佢竟走過嚟同我握手,我當時就好似宮女見皇上一樣。」令子華相當受寵若驚。發哥在騷後接受訪問時表示當時覺得子華有才氣,所以便上前跟他握手。

黃子華
黃子華
黃子華FACEBOOK專頁截圖

第一次被發哥捕獲,子華感到受寵若驚,到第二次被發哥捕獲是10年後,這次更是驚喜,當年子華在西貢一沙灘拍無綫劇《男親女愛》外景,場戲講子華跑步,撞啱發哥都喺度,發哥於是上前同劇組寒暄幾句,好親民。子華續說:「過咗一排TVB同事搵我,同我講,『喂,發哥有嘢俾你。』拆開,原來係一張相,仲喺相上寫上『Sure Win』,」呢相就是當時發哥喺沙灘上影子華拍攝時跑步嘅個樣,仲裱好送畀子華做禮物。發哥真係好有心!難怪子華趁著最後一次開騷,發哥也有到場,親口再次多謝佢:「好感動。估唔到喺我冇乜人識嘅時候,有人對我咁好。我很感謝發哥令我領略到地球真的有外星人,我還見了他兩次﹗」

黃子華
黃子華
網上圖片

子華是發哥一位他很欣賞的演員,多次在訪問中指他是香港的代表,除了拍電影及棟篤笑,2016年更踏足舞台劇,與陳法拉演出舞台劇《前度》,可以說是能文能武。曾經有人提議發哥開棟篤笑,他就謙虛說:「棟篤笑?怎會比黃子華好笑?」

黃子華
黃子華
他又說如果子華邀請他上台棟篤笑,他肯定說不過子華,但如果只是與子華聊聊天,他就覺得沒有問題!(網上圖片)
黃子華
黃子華
網上圖片

Day 14 (19/7) 陸永

子華多晚以來多謝咁多人,都係多謝一啲前輩人物或同輩朋友,但呢晚子華竟然開腔多謝一位棟篤笑後輩、農夫成員陸永!原來呢晚開騷前,陸永留低一個口訊俾子華,令子華大為感動。陸永稱由子華開騷起就唔睇報紙、唔睇Facebook,要好似一張白紙咁嚟睇騷… 因為呢個係陸永對子華的一份敬意!

黃子華
黃子華
陸永平時鬼鬼馬馬,都有咁認真的一面!

Day 17 (22/7)劉青雲

講到劉青雲呢位好兄弟,子華哽咽說最初開騷搵錢唔多,但在某次表演完畢後,同當晚有份睇騷嘅劉青雲等一行廿多人去高級日本料理慶功,廿幾人食日本料理唔平,作為主人家的子華雖然淨係認識當中3、4人,但都要埋單,就喺佢準備畀錢時收銀員就話:「阿邊個幫你畀咗喇!」呢位「阿邊個」就係劉青雲。青雲對子華說:「我知道呢度好多人同你唔熟,我幫你搞掂喇!」令佢好感動,讚對方有大俠風範。

眾所周知,黃子華同劉青雲係超級老友,98年青雲與郭藹明結婚,子華更是兄弟團成員之一,工作上,二人多年來更是用同一位經理人,幫助處理工作事務,真係在公在私拍住上。

子華、青雲在《人生得意衰盡歡》首次合作,之後再喺電影《三個相愛的少年》、《終生大事》、《呆佬拜壽》合作,二人因而結成好友。

電影《人生得意衰盡歡》截圖

喺2013年嘅棟篤笑《洗燥》入面嘅短片《旋風腿》,更邀得劉青雲客串,片中青雲一句對白更成為網絡經典:「做人公關做得唔好,食屎㗎啦。」

孖辮正妹彩虹被捕獲 網民質疑唔係港人兼報細數…

點止要敲門? 10項不可觸犯的酒店禁忌

延伸閱讀:

【港姐2018】有張堅庭做提名人 7號丁子田嘅姑媽 係《BB來了》陪月員⋯

關注我們Facebook專頁
    相關新聞
      更多瀏覽