〈今期流行〉本尊古天樂孖容祖兒拍新MV 畀學生妹圍住現身!
2018年07月30日20:40

古天樂本尊現身啦!天后容祖兒近期為百老滙電器拍嘅新廣告,竟然邀得古仔喺網上別注版〈幾時都流行〉MV同時登場!新歌改編自古仔首經典金曲〈今期流行〉,MV入面更有唔少網紅演出,同埋著哂校服、大跳經典「拜神舞」嘅港日女Dancers!

撰文:東方新地 |圖片:Instagram、YouTube、MV截圖

延伸閱讀:

姚子羚親妹原來係新聞主播 大家鍾意表哥定阿妹?

搏命搵銀養家 歐瑞偉隔絕飛來蜢

致敬古天樂〈今期流行〉

廣告入面,祖兒身穿紅色運動服、戴上金絲眼鏡,扮演日本高校老師嘅角色,仲夥拍一班學生妹打扮嘅港日女Dancers大跳「幾時都流行」。新歌就用咗〈今期流行〉部分旋律,而歌詞同舞步都係根據〈今期流行〉嚟二次創作。最驚喜嘅當然係MV中段,古天樂型爆咁畀一班學生妹圍住登場啦!

Joey仲好似拍日劇咁,企上天台大聲告白:「我都係想聽古天樂唱吖!」
呢個時候,鏡頭一轉,就見古仔Cool爆咁講咗句:「黐線!」
古天樂戴住黑超,畀成班短裙仔學生妹Dancers氹氹轉圍住!
MV大玩集體回憶,Dancers手中攞住唔少大家心目中嘅經典Gadgets!

古天樂齋企 拍住手畀女圍

女Dancers換上另一套復古風露腰服裝,喺個Disco舞池度繼續圍住古天樂大跳特跳,戴住黑超嘅古天樂就咁拍住手齋企都已經Chok爆啊!雖然小編都係想聽佢開金口多啲⋯⋯

古天樂
古天樂
歌詞都有話「好興奮越跳越近」,簡直係貼實哂啦!

成班學生妹合唱〈今期流行〉改編版,喺古仔面前大跳向〈今期流行〉致敬嘅經典舞步!

天后祖兒當然都要跳番Part,展下身手啦!

MV結尾嘅NG鏡頭入面,祖兒仲大爆自己:「我都係聽古天樂大㗎!」

MV其實係由柳俊江做製作人同導演,仲有香港嘅網紅Toyz同屎萊姆客串,個班底都真係幾豐富!

除咗柳俊江之外,古仔亦有喺自己嘅Instagram到上傳短片,留言都話自己知道大家期待已久!大家嘅訴求古仔你知啦,幾時出新歌啊?!

大家一齊嚟睇下個新MV啦!

當然要回味返原本首經典啦!

延伸閱讀:

90年新秀冠軍 fight低湯寶如!徐鎮東 唔揸咪轉行揸槍任警司

關注我們Facebook專頁
    相關新聞
      更多瀏覽