浴室小知識(六) - 香港裝到智能座廁嗎?
2018年07月27日14:22

香港生活節奏快,只有坐係座廁上「辦大事」時先可以閉門沉思,尋求一時嘅清靜。廁所除咗係解決生理需要嘅地方,更加係碩果僅存嘅私人空間,所以越來越多人都開始重視座廁。

智能座廁相信大家都略有所聞,佢比起傳統座廁多好多功能,例如自動沖水、暖板、清洗、吹乾、除臭等,設計仲好有型! 真係去個廁所都高級過人,好多朋友係日本酒店試用過都念念不忘!

0
0

*圖片參考 - 傳聞某型男演員家中使用的智能座廁

心郁郁想買返個?但懷疑自己屋企係咪可以裝到,會唔會好麻煩?裝修佬總結咗懶人包講解智能座廁係安裝上嘅問題:

香港嘅廁所空間面積普遍偏細,會唔會唔啱裝?

寸金尺土係香港嘅特色,如果有廁所空間細呢個煩惱嘅朋友不妨考慮日本牌子嘅智能座廁,例如 INAX 日本製智能座廁 Satis 只有650mm,相比坊間一般智能座廁甚至傳統座廁更慳位,節省空間。

0
0

*圖片參考 INAX– Satis 618

點駁水洗Pat Pat?

智能座廁係安裝上需另外接駁淡水沖洗下身, 一般會由附近水龍頭取水。 香港水質可以安裝到? 根據水務署資料,香港採用非常嚴謹嘅食水處理程序,以確保食水水質符合世界衛生組織訂定的《飲用水水質準則》,所以可以放心使用。

排污喉位係咪安裝到?

日本智能座廁好多都只有地去或低咀,所以係香港安裝上可選用低咀,只需要加高少少地台,約3-5CM左右,一舊擦膠高度便可。 (詳情留意返 浴室裝修小知識(一)座廁馬桶高咀、低咀、自由咀究竟有分別? https://hkdecoman.com/article/52452 )

睇到呢度相信大家都清楚了解香港都可以安裝到智能座廁,現時嘅智能廁所唔再只係一個座廁,佢更係一個改善生活素質嘅家居電器!香港潮濕,如果通風不良或者無窗,好易有噏味,客廳有空氣清新機,浴室可以用有 Plasmacluster負離子技術嘅智能座廁。

0
0

定期釋放嘅負離子能除抗菌、除臭,即使係無沖水嘅情況下都可以發揮消毒效果,解決異味同細菌。 加埋特別研發嘅防污陶瓷物料,令污漬無法停留係廁兜內就能夠保持浴室長期保持清新嘅空氣。 (詳情留意返 浴室裝修小知識(三) 唔想坐廁用得耐 變黃好污糟? https://hkdecoman.com/article/52546 )

智能座廁價格唔平,作為一個精明嘅消費者當然要了解咗再選擇啦~

其他常見問題:

問:智能座廁係咪越多功能越好?

答:坊間智能座廁牌子款式多,各有優勢,最緊要係根據自身需求,例如空間大小、衛生要求來選擇合適功能,唔好盲目跟風。

問:智能座廁會唔會消耗大量水和電 ?

答 : 智能座廁本身唔係高耗電量,更備有慳電模式。而噴咀是噴壓式出水,用水量唔會好多。

問:智能座廁會唔會唔安全?

答:一款合格嘅智能座廁除咗添加阻燃材料,可以防止因意外而引起火災等事故發生之外,日本生產及設計嘅智能座廁更會考慮到各個環節功能上面安全問題,例如水加熱自動斷電、廁板加熱自動保護、吹乾自動斷電保護等。

(文:隨心所浴)

原文連結:

浴室小知識(六) - 香港裝到智能座廁嗎?

相關文章:

浴室小知識(六) - 香港裝到智能座廁嗎?

裝修佬

致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。

關注我們Facebook專頁
    相關新聞
      更多瀏覽