可能係最型嘅熟手湊仔公 言承旭自爆:「本身有一個」
2018年07月26日00:03

高大有型嘅台灣藝人言承旭好似想轉型咁,喺近嚟播放緊嘅內地綜藝節目《放開我北鼻》嘗試做湊仔公,真係估佢唔到,全神貫注咁沖奶粉個樣,好似又幾在行,簡直加哂分!其他人忍唔住就問吓佢係咪有湊仔嘅經驗啦,言承旭猶豫咗幾秒,竟然自爆話:「本身有一個。」此言一出,同場嘅藝人都嚇到窒咗啊!

撰文:東方新地 | 圖片:節目《放開我北鼻》截圖、Instagram

延伸閱讀:

林泳淘助《東張西望》收視急升?網民高呼:就快撐爆件衫!

3.0傅穎再進化?拍抖音被網民笑:鼻窿好搶鏡!

言承旭可能係最型嘅熟手湊仔公

喺節目入面,言承旭又溫柔又有耐心,又大隻靚仔又識湊仔,唔止啲小朋友俾佢氹得開心又聽話,睇緊節目嘅觀眾心都融哂啦!見佢咁熟手咁,難怪其他男人會好奇言承旭之前係咪有經驗嘅。

言承旭:「本身有一個。」

其實內地歌手周震南得嗰18歲仔咁後生,見到言承旭型得嚟湊仔都得心應手,真係自然而然咁好奇問咗句佢有冇湊過仔,點知言承旭會自爆!

此話一出,隔離嘅大陸影星陳學冬、黃景瑜和周震南都一致嚇傻咗,陳學冬忍不住問:「哪兒來的」,但言承旭都深知中伏,開始傻笑⋯⋯講真呢句俾哂位入,唔問都對唔住自己啦!

眾人嘅八卦之魂燒得正盛時,言承旭就更加一副笑笑口、有口難言嘅樣,其他人當然不放過繼續追問!

搞咗一輪,言承旭先笑言其實係朋友嘅孩子,係為了上《放開我北鼻》,事先同朋友嘅孩子相處過!但小編硬係覺得事有蹺蹊,點解會相處吓就熟手到好似上咗陪月班咁㗎!會唔會言承旭其實都心思思,為咗第時自己有小朋友嗰陣早作準備呢?

經典寫真女神逐個睇 以前書展正好多?

孖辮正妹彩虹被捕獲 網民質疑唔係港人兼報細數…

延伸閱讀:

國泰航空僅排第六 第一名竟然係佢!2018全球十大最佳航空公司逐個數

關注我們Facebook專頁
    相關新聞
      更多瀏覽