拍劇、供樓壓力大!高海寧 驚現鬼剃頭
2018年07月25日18:51

無綫咪神、34D高海寧(高Ling)拍劇出騷經常性感上陣,搏到盡搵錢嘅佢係前年成功「上車」,以逾五百萬買入油塘一個私人屋苑中層兩房的單位做業主,之不過拍劇要捱夜日夜顛倒,而且每月供樓兩萬蚊,未計地租、管理費、差餉同家用好多支出,加埋高Ling想再儲多一筆首期買多一層樓放租,壓力大,身體曾經一度響起警號,原來就喺佢接拍《BB來了》時,驚現兩個五蚊銀咁大嘅鬼剃頭⋯⋯

撰文:東方新地 |圖片:新傳媒、高海寧IG高海寧facebook

延伸閱讀:

觀眾緣可遇不可求!嚴選6大最有觀眾緣大台藝人

林泳淘被指助《東張西望》收視急升 網民呼:就快撐爆件衫!

《BB來了》高海寧演型格調酒師

性感女神高海寧(高Ling),無綫劇《BB來了》廣受觀眾歡迎,劇情溫馨又貼地,除了主角李佳芯(Ali)最搶鏡外,高海寧喺劇中一頭短髮造型,演一位多作中性型格打扮的調酒師,其實都同樣吸睛呢!

高海寧
高海寧
高海寧劇中個look真係幾型!

《BB來了》Ali幫高海寧揀衫

前晚《BB來了》講到高Ling要見男友黃長興屋企人,但自己平時都係多作中性打扮,所以搵前時裝買手Ali陪佢揀套靚衫!

Ali唔知係咪太興奮,係咁拎衫俾高Ling試,仲直接開門衝入更衣室!好在(可惜?)高Ling唔係除晒…
仲請埋Ali入去!

Ali傻眼了

劇中Ali為高Ling中學師姐,所以高Ling都話其實大家唔使怕醜,讀書時喺更衣室咩都見過晒啦!不過唔知點解Ali反應極大……

搞咩呆晒?
高Ling發晒光咁喎

Ali都忍唔住揸…

之後鏡頭一轉,見到Ali對眼,好似欣賞緊一啲咩美麗新事物咁,之後雙手慢慢移向高Ling心口!仲以為高Ling會好大反應啦,點知佢竟然笑笑口好冷靜咁問Ali:「你做咩呀?」原來Ali驚覺高Ling的身材比讀書時期豐滿咗勁多,情不自禁要摸摸!

真係摸落去!

為拍劇學調酒

高Ling在劇中係調酒師,有不少調酒嘅場面,為此,佢拍《BB來了》前曾經抽時間跟調酒師學調酒,難怪在劇中調得似模似樣啦!

有片睇:

驚現鬼剃頭

《BB來了》在去年11月初開拍,而高Ling去年10月底在IG上載咗一張用手揭起後尾枕頭髮嘅相片,見到佢頭皮出現一個大約五蚊銀咁大嘅「空洞」,高Ling就留言:「當身體已向你發出警報…要怎樣學習放鬆。」呢個就係俗稱「鬼剃頭」的斑禿嘅情況,好多網民都叫佢好好保重同休息,甚至提供治療方法。

⚠️當身體已向你發出警報… #要怎樣學習放鬆

A post shared by Ko Ling 高海寧 (@sammkoling) on Oct 23, 2017 at 11:57pm PDT

原來非首次「鬼剃頭」

高Ling當時接受訪問話嗰排都覺得身體有啲唔舒服,成日出手汗。而佢6年前都試過出現「鬼剃頭」,那是第二次出現,所以都唔太驚:「後尾枕有兩個地方有五蚊銀咁大嘅位置甩頭髮,睇咗醫生話我壓力大,叫我放鬆心情,今次冇理,反正身體好番就會生番頭髮。」佢仲話媽媽、爸爸知道後即刻停工陪佢,又煮飯畀我食,仲話只可以為個女做呢啲,令高Ling好感動。

高海寧10年前選港姐入行

南京姑娘高海寧今年31歲入行以來都好搏!喺十年前參選2008年港姐競選,由於身材實在太突出,高Ling入圍不久已經備受關注,並被外間視為大熱。最後高Ling三甲不入 (三甲為張舒雅、陳倩揚及馬賽),不過隨即成為無綫旗下藝人,踏入娛樂圈。

「象鼻頂胸」超經典

既然身材係最大賣點,高海寧當然唔會吝嗇,次次見人都谷到盡,2009年時高Ling去泰國拍攝《美女廚房》特別版,著住低胸吊帶背心的高Ling被象鼻夾起,洶湧上圍即「奪衫而出」,非常誇張,堪稱經典!

高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」
高Ling將台灣代表瑤瑤比下去!

與「咪神」、「性感女神」劃上等號

高海寧出道後幾乎與「咪神」、「性感女神」劃上等號,無論出席活動、拍戲拍劇集還是綜藝節目都定必性感示人,大家亦清一色將焦點集中在其身材上。

同陳庭欣浸泥漿溫泉一幕又係經典!
近年高Ling都有參演王晶導演作品。

慳足7年上車做業主

工作咁賣力,全因高Ling恨做業主!在2015年佢斥資約526萬,購入油塘新盤Peninsula East一座一個522呎中層兩房單位,當時畀咗大約105萬做首期,高Ling話儲足7年錢至上到車。上年底,高Ling和父母收樓時大舉V字手勢,睇得出佢哋好開心!不過高Ling話依家除咗每月供樓要兩萬蚊及其他支出,仲希望再儲多一筆錢作首期,目標係買多一層樓用嚟收租!

置業拒靠父幹

高Ling係慳妹一名,搵到錢都儲起用嚟做首期,甚少見佢周身名牌。入行初期經常見佢坐公共交通工具出入,高Ling話其實早喺08年已想買樓一家人住,但到12、13年儲到錢時,樓價已高出一倍,直至15年高Ling認為唔可以再等,是時候「上車」,她說買樓是自住而不是投資,升跌都冇所謂,最終同銀行做了30年的貸款,但她認為擁有自己的安樂窩,工作再辛苦也是值得!

🥂 Happy Birthday to my #cute媽🧡🎂🌟🎉🎁🎀

A post shared by Ko Ling 高海寧 (@sammkoling) on Jul 23, 2018 at 7:59am PDT

高Ling說自己勤力慳儉的性格是似足媽媽,但一家人都不太會投資,覺得要有樓才有安全感。

Oh My Glasses! @hachill_ohmyglasses @fai_hachill_ohmyglasses

A post shared by Ko Ling 高海寧 (@sammkoling) on Sep 30, 2013 at 1:52am PDT

生病了,還是媽媽的懷抱最溫暖!😷

A post shared by Ko Ling 高海寧 (@sammkoling) on Sep 29, 2015 at 10:58pm PDT

圈中出名孝順女

高海寧工作向來不錫身,毫不吝嗇大晒豐滿身材,難免令人有啲負面印象,但其實佢係圈中出名的孝順女、好家姐!高Ling永遠把家人放在首位,每逢大時大節都一定將時間留畀家人,聚埋一齊食飯,更不時於網上分享家庭照,非常孝順!

老爸,生日快樂!🎉🎉 要一直笑得這麼開心!😁😁

A post shared by Ko Ling 高海寧 (@sammkoling) on Dec 12, 2015 at 6:19am PST

高海寧弟弟 大學畢業

高海寧家中有個弟弟,其中較年長的一位去年11月大學雙學士畢業,高Ling上載一張與弟弟的合照,並留言:「I’m very proud of you!」戴上四方帽、穿著畢業袍的弟弟手持一隻Mario公仔,而高Ling則戴上眼鏡及黑色帽,不少人留言大讚兩人非常相似!見到高Ling展現燦爛笑容、興奮的挽着弟弟的手,就知佢真係好高興!

0
0

弟弟似坤哥?

另外有網友留言,指高Ling與吳業坤 (坤哥) 似樣,高Ling即搞笑回應度:「的細佬絕唔係偽毒!」咁唔通係真毒?

外婆是一生中最愛

高Ling在南京出生,自幼跟婆婆住到13歲,所有的冷衫衣物都是婆婆親手織畀佢,所以來港後高Ling時常惦念遠在南京的婆婆,就算要拍劇的時候都會趁空檔跟婆婆視像通話。放假時,更加會飛返去南京探婆婆,仲話見到婆婆的笑容就乜都值得!每次一談起外婆,高ling總顯得特別感性:「你陪我長大我陪你到老」,亦祝福婆婆健健康康,可以繼續陪著佢,這份跨越兩地的婆孫情實在教人感動。

高Ling與婆婆感情非常好!

全家都鍾意游水|陳浩民 月租10萬天池屋

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

王敏德細女身材火辣 床照半裸相樣樣齊

15位大台富貴兵團 個個有樣更有米!

10位女星大解放 齊晒水著照

佘詩曼年幼喪父 佘媽媽 獨力湊大三子女

延伸閱讀:

大小姐狠被兜巴星 網友勁心痛留言問候!

關注我們Facebook專頁
    相關新聞
      更多瀏覽