大小姐狠被兜巴星 網友勁心痛留言問候!
2018年07月25日15:00

《愛.回家之開心速遞》中,有幾對螢幕情侶非常受觀眾們歡迎,特別是許家傑飾演的送水輝和林淑敏飾演的大小姐這一對更是最為入屋的一對。最新一集中,大小姐被謝芷倫飾演的秘書Mandy掌摑,唔少人心痛大小姐,並於網上留言問候。另外,許家傑於個人社交網上載劇中情侶對調的相,唔通劇情中的感情線發展將會有所改變?

撰文:東方新地|圖片:Facebook、TVB截圖、Instagram

延伸閱讀:

開餐廳受大廚氣!張敬軒:情人節拒煮情人節套餐,因為⋯

臭名揚海外上報!偷圖KOL Sadelle刪完留言終道歉

大小姐狠被兜巴星

最新一集的《愛.回家之開心速遞》中,上演了一場情侶大誤會,事源係謝芷倫飾演的秘書林美香Mandy番到公司,於門口聽到林淑敏飾演的大小姐同人講:「玩下啫,有咩所謂。」之後對方就回應大小姐指對方係Mandy的男朋友,即秦博思(馬貫東飾)。聽到呢到係人女朋友都會即刻猜想究竟男朋友同對方發生咩事。

大小姐
大小姐

大小姐
大小姐

其後,大小姐仲繼續講:「玩厭咗就還番俾Mandy」令於門口聽到一切的Mandy懷疑對方搶自己男友,非常心痛!

之後,Mandy就懷疑男友秦博思為錢而出賣自己,仲問人係咪要扮唔知成件事。

其實,實情只係有一次秦博思發現咗大小姐同送水輝暗地裡拍拖,知道咗一切。事後,大小姐就聘秦博思做司機,接載佢去與男友送水輝嘅愛巢。

將一切都誤會咗嘅Mandy更上門捉姦,仲兜巴聲咗大小姐一下,睇到都覺得好痛!其後,Mandy先知原來係一場誤會,因為見到送水輝於屋中。

網友心痛留言問候大小姐

該集一出街,唔少人即刻於大小姐個人社交網問候大小姐塊面痛唔痛,亦有網友讚該集好好睇。

劇中情侶將交換伴侶?

日前,送水輝許家傑於個人社交網po出三張四人合照,當中除了他與大小姐外,更有劇中另一對CP阿水(呂慧儀飾)同阿龔(張景淳飾),但最令人留意的是這兩對CP竟然一反常態,交換了伴侶!

睇住啲相,見到大小姐同阿龔坐埋一齊,而送水輝則與阿水坐近,難道嚟緊《愛回家》中的感情線又有新發展?

不過,正當大家都估緊嘅時候,送水輝已親自回覆了傳媒,指實情係佢哋四人特登一齊咁樣影張相,希望大家俾啲意見,睇下覺得邊對比較襯啲。唔知大家覺得如果佢哋互調情侶,又接唔接受到呢?

另外,有眼利網民睇相嘅時候,就留意到呂慧儀著住件低胸裙騷出事業線,大讚呂慧儀身材好!

大小姐送水輝商量對策

上回講到大小姐為咗成為接龍集團嘅繼承人,不惜喺舅父KC(歐瑞偉飾演)面前扮對送水輝冇感覺,但最後還是發現自己最愛仍然係送水輝。因此,當二人再次相遇後,自知雙方對彼此嘅愛意仍非常濃烈,所以商量對策為日後嘅路作打算。

大小姐
大小姐

大小姐當眾奚落送水輝

大小姐同送水輝為咗掩人耳目,於是決定玩地下情!呢集就真係甜到漏,同時仲好好笑,皆因講大小姐因為怕畀舅父KC知道佢同送水輝已經成為戀人關係,於是喺公司當眾奚落送水輝!

大小姐
大小姐

大小姐喺公司當住所有人面前,大聲對住送水輝指佢人頭豬腦,仲笑佢髮線向上生,認真不留情面!

髮線從來都係男人其中一個最關心嘅問題,而大小姐就狠狠取笑對方,擺明落對方面!

作為男人,畀大小姐咁講,真係即時玻璃心咗一下!

不過,當然呢一切都只係做樣畀人哋睇,而實情係大小姐已經特地搵咗個自己旗下物業嘅單位,作為兩人的愛巢。

計劃周全嘅大小姐仲特登選址一個全公司都無同事居住的地區,以方便佢哋全情投入二人世界,又唔會被同事撞破。

喺屋內,一向強勢嘅大小姐馬上變得小鳥依人,除咁主動攬實男朋友,仲溫柔依偎於送水輝懷裡,睇到都覺得sweet爆!

二人肉麻對話

送水輝仲問大小姐想怎樣稱呼自己,大小姐就含羞答答咁講:「叫我做小蓮。」又講愛的宣言:「就算你禿頭,我都會咁鍾意你!」真係差啲閃盲眼睛!

無論對方外表變成點,但心始終不變,呢啲咪係真愛囉!

大小姐榮升做「宋師奶」

最甜一幕,就係大小姐離開愛巢時遇見鄰居時,佢怕醜回應自己係宋太,又一個閃光彈!

大小姐嘴角含春

送水輝仲將電話入面大小姐個名set做「慈雲山宋師奶」,令大小姐冧爆,難怪大小姐會嘴角含春啦!

送水輝同大小姐sweet爆劇情,完全滿足哂觀眾一直以嚟嘅願望,未知觀眾會唔會期待劇中有更多類似劇情,又或者有新CP嘅出現呢?

近日,大小姐更於個人社交網上載一張與「男友」送水輝一齊嘅相,仲甜爆留言:「苦左咁耐,甜一集都得掛」

林淑敏哂與許家傑沙灘合照

林淑敏同許家傑戲外都各有另一半,但唔少觀眾仍好希望二人可以在一起。

身形弗爆嘅送水輝赤裸上身,一身健碩肌肉表露無遺。

林淑敏之前上載咗幾張相上個人社交網,見到佢同許家傑一齊去咗沙灘享受陽光與海灘。

當大家都可能以為佢哋兩個「自私約」去玩嘅時候,實情其實係去咗拍劇。

林淑敏「自私影」留念

難得可以離開一下錄影廠進行拍攝,去到沙灘取景嘅大小姐就緊係即刻把握時間影番幾張靚相,今次就真係「自私影」啦!

雖然大小姐冇着泳裝騷body,但著住條花花裙,馬上變得青春有活力!好多網民仲留言讚大小姐愈嚟愈靚。

林淑敏許家傑有埋床上戲

大小姐同送水輝呢一對螢幕情侶形象入屋之餘,亦非常得一班觀眾歡心。之前有集就講到大小姐繼續幫襯送水輝嘅初戀套餐,仲要有埋床上戲!

但大家唔好誤會,佢兩個其實係去傢俬店,扮演龍小蓮同輝Dee即將要同居而試床啫。

延伸閱讀:

39歲姚嘉妮自揭保持身型秘訣 兩種運動絕不能做!

關注我們Facebook專頁
    相關新聞
      更多瀏覽