着「阿婆底橫」 苗僑偉阿女 著bra top夾肉腸⋯
2018年07月24日22:22

三哥苗僑偉嘅愛女苗彤盡得三嫂戚美珍嘅遺傳,樣子標緻,身材高佻,天生美人胚子,不過佢對攝影情有獨鍾,專心發展其攝影事業,冇打算女承父業進軍娛樂圈。久唔久就甫下新相嘅苗彤,呢兩日都有更新IG上載生活相,不過一張就見佢抱住個BB,著bra top手夾肉腸,甫士騎呢少少,呢一張嘅造型就畀朋友笑佢穿阿婆底⋯

撰文:東方新地 |圖片:苗彤IG

延伸閱讀:

細數8個少數民族女星 位位都屬高顏值!

仲記唔記得「Ruby Close」先?Youtuber鄧凱旻8年後竟然變咗阿婆樣…

苗僑偉阿女 着「阿婆底橫」

她在IG分享新相,見佢穿上bra top配熱褲,一身造型相當獨特,苗彤嘅好友除咗讚「cute」、「cool」,亦都有朋友留言話:「Wow you wore your grandmas panty. Very creative!(嘩!你着咗你阿婆條底橫,好有創意!)」不過品味嘅嘢,真係人人唔同嘅⋯

苗僑偉
苗僑偉

苗僑偉
苗僑偉

另一日,佢上載和朋友燒烤時的照片,見佢同樣以bra top配熱褲打扮,而且一手抱BB,另一隻手攞住個夾夾住碌長腸,好「特別」!

「三哥」苗僑偉與太太戚美珍兩人都是獨當一面的藝人,女兒苗彤便盡得兩人優良基因,五官精緻之餘,笑容相當迷人,唔少人都覺得佢有潛力加入娛樂圈!早年苗彤在著名學府英屬哥倫比亞大學 (UBC)畢業,三哥夫婦專誠飛到加拿大參加其畢業禮,幸福得羨煞旁人。苗彤讀書叻又靚女,贏晒!

苗 (2)
苗 (2)

苗彤不時都會在網上大晒惹火身材!

樣靚身材正的苗彤曾獲無線邀請參選港姐,但因無意在幕前發展而婉拒其好意。雖然沒有參選港姐,但卻擔任港姐的攝影師。從佢在網上分享的作品可見,她絕對是一個專業的攝影師。

索爆星二代逐個捉

其實作為星二代 ,佢哋經常有機會暴露在鎂光燈下,一舉一動都備受關注,好似以下一班星二代,未入行都已經受注目!唔講咁多,大家慢慢欣賞!

任達華、琦琦女兒 任晴佳

影帝任達華與名模太太琦琦的女兒任晴佳(Ella),之前琦琦在微博上載多張相片,分享女兒生日派對的盛況,相片可見Ella遺傳了父母的優良基因,如今已出落成一位美少女,更擁有高佻身材,絕對有條件和媽媽一樣踏上天橋!

龔慈恩女兒 林愷鈴

林愷鈴Ashley常與媽媽龔慈恩出席公開活動,曝光率直線上升。年紀輕輕已經仙氣十足,所以說氣質的確是與生俱來的。Ashley稱自己對藝術、音樂有興趣,自小學習鋼琴、小提琴,聲樂亦已達到8級程度。雖然未肯定將來會否入行,但如果有機會則望以「音樂才女」形象示人。

關禮傑女兒 關楓馨

藝人關禮傑大女關楓馨(Fabienne)已經大學畢業,早年去咗澳洲working holiday,然後攻讀碩士學位才會開始工作。智慧與美貌並重的Fabienne被問到會否參加選美,爸爸關禮傑就指要視乎女兒的意願,不過最好先完成學業。Fabienne又靚又叻,又有一個錫佢的男朋友,爸爸唔使擔心啦!

Fabienne與男友Kris Wood是大學同學,男友已經融入家中,而Fabienne亦不時與男友遊歷世界。

陽光女孩Fabienne經常遊山玩水,大晒泳照。

上山詩鈉女兒 Hilary

藝人上山詩鈉雖已年過半百,不過樣貌身材都保養得甚好,係圈中有名的「美魔女」。女兒Hilary完全遺傳到媽媽的美貌,小時候已經係十足的美人胚子,現時長大後更是散發陣陣仙氣,係公認的「至索星二代」!Hilary與媽媽感情要好,不時孖住出席公開場合,唔少人大讚佢哋似姊妹!

Hilary現時在外國讀書,在社交網絡非常活躍,經常上載自己靚樣,仲有同朋友四處玩樂的相片。

而且Hilary都好大方晒fit爆身材及健康膚色,真係冇得輸!

梁家輝大女 Nikkie

影帝梁家輝大女Nikkie有一雙水汪汪的大眼睛,笑容甜美,而且擁有魔鬼身材,IG已有兩萬幾followers!Nikkie長年在外國讀書,習慣了外國人較開放的風氣,早年曾上載性感露半球、夜店狂歡及攬啜友人等相片,不過事後極速刪除,相信係因為激嬲咗嚴父家輝!

Leungs (2)
Leungs (2)

Nikkie非常愛自拍,IG有大量自拍靚相,亦當然唔少得晒身材啦!

Nikkie早已名花有主,佢經常在網上大晒自己同鬼仔男友的合照。

梁家輝細女 Chloe

家姐Nikkie樣貌身材出眾,妹妹Chloe亦唔失禮,同樣擁有甜美笑容及fit爆身材,不過小編就覺得Chloe感覺上比家姐斯文內儉,比較有乖乖女feel!

chloe
chloe

早前,Chloe孖住家姐Nikkie一齊去睇學友嘅的演唱會以及曹星如的拳賽,兩姊妹都咁正,一齊出街肯定即時成為焦點!

邱淑貞大女 沈月

邱淑貞(豆斗)作為九十年代的性感女神,係唔少男士心目中完美的化身,不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨,其中長女沈月生得亭亭玉立、氣質出眾,皮膚及標緻面孔都甚母親的影子!雖然沈月平日多以淡妝或素顏示人,不過都足以睇到佢係個美人,相信過多幾年後能與母親匹敵!

隨著沈月年紀漸長,除咗愈來愈靚之外,條腿都愈來愈長!

延伸閱讀:

林明禎含淚拒認小三 密會曝光成一日「短命戀」

關注我們Facebook專頁
    相關新聞
      更多瀏覽