李施嬅《天命》被讚最美皇后 外闖即奪獎欲離巢
2018年07月24日12:56

話咁快TVB劇集《天命》已經進入結局篇,李施嬅喺劇中飾演嘉慶皇后鈕祜祿・鈴兒,表現大獲好評,更因其古典美而被網友大讚最美皇后!其實李施嬅有好表現唔係一時三刻嘅事,之前佢喺2017年拍咗套微電影,已經喺歐美攞咗兩個最佳女主角獎喇!不過依家就有傳由選美起入行15年嘅佢有意不再續約TVB,原因可能同一直喺大台冇獎攞有關?!

撰文:東方新地 | 圖片:《天命》劇照、IMDbYouTubeInstagram、網上截圖

延伸閱讀:

TVB40歲凍齡男神宣布離巢 結束12年賓主關係決心向外闖!

絕密靚相曝光 Ali李佳芯 女神初育成之路

李施嬅被讚「最美皇后」 壓同劇女演員

今次李施嬅首次擔綱皇后角色,雖然霸氣欠奉,但勝在氣質雍容華貴又大方婉約,富有古代美女嘅氣息,佢自己仲上傳對比圖話發現自己同真.嘉慶皇后攞樣喎!更有網友指李施嬅今次造型力壓同劇其他女演員,嗱小編就收集咗啲劇照,唔知各位又點睇呢?

劇中李施嬅飾演皇后,但佢嘅神情及言行舉止都同以往其他霸氣十足嘅皇后角色有分別,又有另一份古典美。

天命
天命

同劇演員兼好姊妹姚子羚:

天命
天命

2017年視后唐詩詠:

天命
天命

飾演 諴妃 嘅Yoyo 陳自瑤

繼續努力。 #天命

A post shared by Selena Lee 李施嬅 (@selenaleelalee) on Jan 1, 2017 at 10:38pm PST

第一次向外闖就奪雙料影后

雖然入行15年,但李施嬅喺TVB一直未攞過獎,連飛躍進步獎都只係得提名。自小喺加拿大長大嘅李施嬅講得一口流利英語,上兩年就決心向外闖,嘗試喺美加拍攝微電影同電視劇,更喺2017年微電影憑著《Once More》奪得《European Cinematography Awards》及《Los Angeles Film Awards》最佳女主角,成為雙料影后!

李施嬅
李施嬅
微電影《Once More》劇照
李施嬅
李施嬅
微電影《Once More》拍攝照片

「胡說八道會」中得佢未攞獎

其實之前拍攝TVB綜藝旅遊節目《胡說八道真情假期》嗰時,李施嬅就同班好姊妹分享呢年開心事,不過都有剖白自己嘅心路歷程⋯⋯

講到激動,李施嬅喊住咁話:「胡說八道咁多個當中,得的一個未喺TVB攞過獎,我喺公司一個獎都未攞過,有時會諗係咪自己唔夠好,唔係好演員。曾經喺呢啲頒獎禮上,令我好氣餒,但係一班好姊妹一直俾正能量我。」

03年選美入行 戲份被刪 星路平平

李施嬅於2003年參加香港小姐入行,畢業於加拿大多倫多大學會計系,當年係第一個五強不入嘅最上鏡小姐兼才藝小姐,但人氣一直比同屆嘅冠亞季軍高,機會亦比較多,但一直未能爆紅。

當年係第一個五強不入嘅最上鏡小姐兼才藝小姐!

李施嬅亦曾經有過幾套代表作,分別是《寒山潛龍》、《樓奴》,以及《大太監》,演技多次被外界讚賞。但佢喺無綫對上一部作品已經係兩年前嘅純熟意外,當時更有指佢戲份被大幅刪減,原因可能係大台一心力捧同劇嘅蔡思貝。

2016年《純熟意外》宣傳
《寒山潛龍》劇照

其實李施嬅現年37步,靚樣多年嚟都冇變,身材Keep得好之餘亦添了份女人味。唔知大家鍾意佢古裝多啲,定係時裝多啲呢?

8位紅星公開減肚腩餐單

延伸閱讀:

【公開減肥方法】4個月激減35磅!36C蝦頭瘦身唔瘦胸

關注我們Facebook專頁
    相關新聞
      更多瀏覽