「唔諗住買有乜好睇?」2類人 註定一世難靠買樓發達 | 置業入門 | 香港樓市2018
2018年07月23日14:01

【買樓】香港樓市太癲,很多人都轉攻內地樓。全中國有幾十個省,幾百個城市,到處機會,同時到處陷阱。樓盤平不代表真抵買,要同其他大陸樓比較才有意義。

撰文:1% Anthony(第一桶金) |圖片:新傳媒資料庫

延伸閱讀:

七年內結婚生仔兼創業 90後夫婦代購起家 年生意額600萬 | 90後創業 | 創業個案 | Startup

會考零分 36歲裸辭20萬創業 爽WiFi年生意額達2000萬|創業個案

朋友: 我都想買樓投資呀,幾時帶我去睇嚇樓?

筆者: 星期日我同成班同學去屯門睇樓,你都一齊嚟啦!

朋友: 咁遠?唔去啦,我都冇諗住買屯門。

筆者: 我都冇諗住買!睇嚇之嘛…睇唔一定要買嘅!

朋友: 唓!唔諗住買,有乜好睇?

筆者: 乜都睇嚇,先識得比較,先知咩叫平,咩叫貴架嘛!

朋友: 唔啦,幾時去沙田睇呀?

筆者: 沙田好貴喎,呎價幾乎貴過港島?點解揀嗰區呢?

朋友: 係咩?…我同屋企人住響嗰頭,諗住近近哋嘛…

身邊很多朋友都說想買樓…

然而每次叫他們去睇樓,仲慘過叫佢去死!

第一類…冇得救!十萬個理由推三推四~~又話約咗女朋友、要開OT、買咗飛睇戲、阿媽煮咗飯…真係乜理由都有!根本就唔想去睇,咁點買呢?緣份到了,就自然會有筍盤自己走上來敲門:「等咗你好耐啦,買我啦!」冇得救,不談了!

冇諗住買,有乜好睇?

第二類…冇眼睇!樣樣都話唔啱、冇興趣~~

例如叫他們去元朗屯門睇下上車盤,他們會說:「咁遠?冇諗住買,有乜好睇?」叫佢哋去奧運四小龍睇嚇中價樓,他們會說: 「咁大銀碼,都買唔起,有乜好睇?」叫他們去睇嚇新樓,他們會說:「價錢咁貴,貴過附近啲二手兩三成,有乜好睇?」叫他們去睇嚇市區舊樓,他們會

說:「樓齡咁舊,冇諗住買,有乜好睇?」

總之,有諗住買的,先有興趣去睇!

甚麼是「有諗住買」的樓呢?

其實很多時候,他們不知道自己想要甚麼,最終在沒有給予自己選擇的情況下,很多朋友都會選擇自己熟悉的地方,例如自己屋企、親人朋友屋企、者工作地點附近。然而熟悉,不代表賺錢。

筆者在2005年上車的時候,都是抱著這個心態,自己在港島西長大,眼光也就局限在這裡,幸好過去十多年升幅強勁,但回想起來,如果不是港島西線,未必可以賺到這麼多。

買樓發達思維:就算「冇諗住買」其實都應該要睇!

睇樓不是為買樓,而是為增進資訊、知識、經驗,為了知價!

就算你的計劃是買新界東的上車屋苑,也應該到其他地區走走,看看其他地區質素相若的上車盤是甚麼價錢,這樣才知道自己鎖定的目標地區有沒有偏貴。如果是投資的話,更應該看看其他質素、類型的樓,新式屋苑是甚麼價錢?舊樓又是甚麼價錢?回報有多少?預期升幅又有多少?這才是所謂的…性價比!

買樓發達置業入門香港樓市2018
買樓發達置業入門香港樓市2018
買樓發達思維:就算「冇諗住買」其實都應該要睇!

買大陸樓…這個思維更加重要!

全中國有幾十個省,幾百個城市,到處機會,同時到處陷阱。

睇兩個展銷會就買到筍盤?就會發達?唔係化?講真…個個城市都話自己百億基建、潛力無限,個個樓盤都會話自己交通方便、優質靚盤,信得邊個?攞住香港樓價做比較,大陸個個樓盤都平架啦!但不代表真抵買,要同其他大陸樓比較才有意義。

別急著買樓!幾百個城市,大把機會!

「這個城市不熟悉啊!」…熟悉不代表有投資價值!

「這個城市很遠啊!」…近不代表抵買、賺錢!

那些城市真正有發展潛力?多走幾個城市看看!才會比較!

先吃喝玩樂,到處走走,看看整個城市的發展,有甚麼重點產業?市民的消費水平如何?未來有甚麼規劃?是否可以做到?最好是搵有大陸樓投資賺錢經驗的高手帶你到處走走,過去幾年,筆者就跟炒家前輩Giano考察過全國20多個城市,除了大灣區,還有長三角、華中、東北、西南

等地區,買樓投資的時候,就更懂得比較,更能掌握甚麼是貴,甚麼是平。

例如筆者個人覺得,珠海、中山,價錢已經炒得太高,因為擴闊了眼光,見到更多更好的選擇。

這些都是「有理冇理,睇咗先講!」累積而來的。

買樓發達置業入門香港樓市2018
買樓發達置業入門香港樓市2018
買樓前該考慮整個城市的發展,有甚麼重點產業?市民的消費水平如何?未來有甚麼規劃?是否可以做到?

編按:【有樓萬事足】、【Ben Sir睇樓團】等顧問,《買樓財富十級跳》、《買樓上車防中伏》等作者,十年間,由負債累累的窮忙族,變出雙位數物業。「1% 投資培訓學院」創辦人,2009年全港首創地產投資課程,學員數千人,多年來協助無數年青人成功上車,無數小業主賺取千萬資產財務自由,近年更與戰友大舉進軍“工廈” 及“大陸樓” 市場。

作者專頁:第一桶金

體驗1分鐘貸款批核隨時提款話咁易

平遊東京不是夢!最平住宿喺曬呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

珠海橫琴樓價炒到癲大灣區置業仲有更好選擇

樓價幾貴照掃貨大踢爆!點解內地買家咁有錢

延伸閱讀:

零食任食 返工可飲啤酒 貼地創業老闆:憑咩要員工攞條命同你搏?

關注我們Facebook專頁
    相關新聞
      更多瀏覽