岑麗香證加盟王祖藍公司
2018年07月22日03:00
■岑麗香得悉李亞男有喜,特意準備鋪滿幾何形狀圖案的 B B 蛋糕作為禮物,最後更為 B B 改名為Bless。

【星島日報報道】(星島日報報道)月前岑麗香公開承認,跟無線完成7年合約並且離開。隨即有報道指她離巢是為了返回加拿大生BB。昨日是香香離開無線後首次出席活動,她親自解釋離巢原因,並透露已跟王祖藍旗下經理人公司簽下合約。

岑麗香過去1個月過得非常充實,先跟丈夫強強出席兩個親友婚禮,再陪伴至愛的婆婆。香香笑笑說:「陪婆婆係最開心嘅事。仲揸車遊覽半個加拿大,都要幾日㗎,之後去法國拍廣告。(強強陪你去?)無啊!做野就自己去,都好吖,買野無人係隔籬睇住。」

談到新方向,香香透露7月份剛剛簽約成為王祖藍公司旗下藝人。談到酬勞,她笑說:「唔講得㗎!佢哋唔畀講㗎!(簽幾耐?)呢啲到時先再講,都夠嘅。」談到未來工作方向,會拍劇還是內地綜藝節目?她說:「都鍾意拍劇嘅。同時都想試吓唔同嘅野,返內地要做好多功課,學咗7年廣東話,學少少普通話都唔怕嘅。」

談到現在是否自由得多,香香說:「自己想多啲時間陪屋企人。」提到報道指她離巢後全力造人,她笑說:「唔係,生BB方面會努力。」談到好姊妹李亞男可有催她生BB,她說:「反而無,唔好咁大壓力,順其自然最好,最近都收到好多貼士。」對於王祖藍跟李亞男成功懷孕,當然感到非常開心。至於BB性別,她表示不知道亦應由他們自己公布。問到她希望「藍男」的BB像爸爸還是媽媽?她笑說:「女仔似李亞男多啲!(男呢?)兩個都係好朋友,你唔好逼我啦!」

關注我們Facebook專頁
    相關新聞
      更多瀏覽