盤點6位肥仔藝人成功減磅 位位「進化」成大隻猛男!
2018年07月21日20:30

話說,原來娛樂圈有不少男藝人細個都係肥仔,大個之後變咗個大隻靚仔,所以幾時都話唔好睇小肥仔,因為每一個肥仔本身就係潛力股,分分鐘減肥成功後都可以由青蛙變王子!今次就同大家一覽有邊幾位男藝人由肥仔「進化」成大隻仔啦!

撰文:東方新地|圖片:新傳媒圖片庫、微博、Instagram

延伸閱讀:

加碼再拍真人騷 陳小春父子狙擊朱茵母女

外地中獎急返港 王祖藍貼身盯實李亞男

|陳奐仁

陳奐仁向來都實力派,賣歌藝唔賣樣。而陳奐仁決心減肥的原因,好有可能係同佢曾經將椅子坐「陷」有關!

話說陳奐仁去年喺馬來西亞接受訪問時曾講過,佢喺當地一個音樂比賽中任導師,點知將導師椅子坐「陷」,但其他人的椅子無事…

如今,相信佢唔會再坐「陷」椅子,皆因通過嚴格飲食控制加上狂做gym,而家佢已減磅成功!

陳奐仁仲會經常上載做gym短片上網,分享自己努力運動嘅成果!

|劉浩龍

呢這個笑到對眼都變成一條綫嘅人就係師兄劉浩龍,細個時嘅師兄都係一個不折不扣嘅cute cute肥仔。

大個咗嘅師兄都經歷過一段肥仔時期,佢之前晒咗一段瘦身過程嘅短片,片中組合咗師兄由肥仔進化成「肌佬」嘅照片。

為咗演唱會,師兄出盡全力減肥,由一舊大拖肥糖,逐漸演變成一排六舊嘅腹肌,前後足足減咗34磅!

事實再次證明,只要有決心同恆心,肥仔都可以變大隻仔!

食得清淡就一定係每個減練出正面嘅意志同體魄肥人士嘅指定動作,師兄一樣冇例外!

盡力而為🐔🌿

A post shared by 師兄 (@lauholungwilfred) on Apr 6, 2016 at 5:13am PDT

雖然完咗演唱會,但師兄一樣冇偷懶,依然不斷繼續操fit自己,只為練出正面嘅意志同強健體魄!

|森美

呢個戴眼鏡兼帶點Baby Fat嘅小學生係邊個?佢咪係森美囉!原來小學時期嘅森美都好有baby fat!

初入街嘅森美望落塊面其實都有啲baby fat,但笑嘅時候依然可見其尖下巴。

直至近年,森美終於勤於運動,練得一身好身材,同昔日肥肥地嘅自己講拜拜!

佢仲練到自己成身肌肉,名副其實變咗個「肌佬」!

陳智燊

陳智燊(Jason)之前被老婆宋熙年出賣童年照,驚爆向來斯斯文文兼官仔骨骨嘅陳智燊,原來童年時都係個微胖小子!

不過,可能大個長高時,令Jason由一個微胖小子變成一個瘦身型嘅男仔。

陳智燊與家人,四弟(左一)、大哥(左二)、三弟(右)

另一方面,其實Jason都會做下運動,練下肌肉,大家睇佢舉啞鈴舉到老鼠仔都走哂出嚟!

大家睇,呢張相中嘅Jason眼神係何其堅定!

黃宗澤

唔好睇一向身型高挑嘅黃宗澤似係個瘦底之人,原來佢中學時期係個肥仔,真係佢唔自爆都真係睇唔出!

唔好睇Bosco做gym好似好唔認真咁,其實唔落力做,又點可以有依家咁fit嘅身型?

彭于晏

最出名嘅減肥男神一定係彭于晏,佢喺2015年於個人社交網放上細個時嘅肥仔相,當年小學生嘅佢體重已達150磅!

幸到大學時愛上打籃球,有了運動才減磅漸瘦。不過,近年男神好似比較鍾意踩單車。

yes I'm a poser #themet #bikesarenotallowedinside #toobad

A post shared by Eddie Yuyan Peng (@yuyanpeng) on Sep 13, 2016 at 1:43pm PDT

相信大家都仲記得彭于晏於電影《激戰》中,一身爆肌嘅身型,加埋佢靚仔嘅樣,真係迷死唔少人!

最諷刺嘅係,男神已經練到自己咁大隻,但佢都會話自己肥,究竟肥喺邊呢?

im too fat

A post shared by Eddie Yuyan Peng (@yuyanpeng) on Feb 11, 2017 at 9:21pm PST

延伸閱讀:

陳炳銓發力謀娶李佳芯!盤點圈中6對美女與野獸組合

關注我們Facebook專頁
    相關新聞
      更多瀏覽