過氣有線姐仔換男友如衣服 森美:「騎牛搵馬,經常越位喎你!」
2018年07月20日00:38

前有線姐仔「杰寧公主」潘杰寧早前接受叱咤903《公子會》訪問,同三位主持森美、劉翁、火火分享自己同五任男友拍拖嘅經歷。早幾年離開咗有線,做過OL,去埋英國Working Holiday,潛咗水一段時間嘅「杰寧公主」,近日因為參與Viu TV世界盃節目,又浮返上水,回歸幕前。

原文:環球膠報|圖片:Instagram、ViuTV、叱咤903《公子會》

延伸閱讀:

卵巢生瘤 看淡名利|李佳芯 密謀嫁 陳炳銓

我真係恭喜你!原來楊思琦同李嘉欣係親戚!15個估佢唔到明星親戚大揭秘!

過氣有線姐仔換男友如衣服

32歲嘅杰寧公主話,隨住年紀開始大,人變得現實,拍拖會多咗計算,估唔到佢又幾坦白喎!

愛自己多過男友

杰寧公主話以前細個拍拖,人哋追佢、對自己好就接受咗,愛自己多過男友。不過轉頭又話,對住現任男友都會鬧佢:「你成日喺度買波鞋,你有冇諗過攞啲錢買個袋俾我㗎?」睇嚟「愛自己多啲」呢家嘢,都係三歲定八十㗎喇!

劉翁:「你搵唔到例子,證明你愛佢多過佢愛你!」哦,明㗎喇!愛自己冇錯嘅!

網民話,主持之一嘅火火冇乜出聲,因為「講都費事」喎!

表情會說話……火火悶悶不樂咁!開緊咪㗎!返嚟呀喂!

對上嗰個點分手?杰寧公主:「其實係我識咗而家呢個,俾佢發現咗!」真實對白!

森美:「你都傾向騎牛搵馬㗎喎!經常越位喎你!」、「你有試過幾多個係騎牛搵馬㗎?」真實對白!

早前Viu TV轉播世界盃賽事,世界盃節目中成日都會見到杰寧。

你睇唔睇得透呀?

杰寧早在有線年代已做開體育節目,而家做返老本行啫!

雖然入咗行一段唔短的日子,但杰寧公主都算係keep得唔錯,一副童顏,所以有唔少男粉絲呢!

📷 #OlympusHK

A post shared by Kelena 杰寧 (@kelena.kitning) on May 7, 2018 at 6:26pm PDT

點止要敲門? 10項不可觸犯的酒店禁忌

同孖生細佬都鬼鬼哋?陳凱琳:我係爸爸媽媽親生!

延伸閱讀:

隱形男友送車又送樓!葉璇:愈愛你的人,愈會主動為你花錢…

關注我們Facebook專頁
    相關新聞
      更多瀏覽