5間精選超值優惠酒店自助餐 暑假要book就快手!
2018年07月17日17:01

暑假最啱一家大細食buffet,以下為大家精選5間超值的酒店自助餐優惠,有任食生蠔、澳洲和牛、即煎鵝肝及台式芋圓。趁住暑假一家大細得閒,仲唔快啲訂位?

撰文:Eunice @ 新假期 | 編輯:Gabriel| 圖片來源:相關機構

延伸閱讀:

【超多圖】30、40歲啲魅力先滲出來 50歲仲索過嫩模!細數8位年過30歲推寫真女星

【理性足球分析】足總盃曼聯球員就係贏呢2個字!

5間精選超值優惠酒店自助餐 暑假要book就快手!

1. 生日半價 任食榴槤甜品+海鮮

夏天無乜胃口?最好食芒果開胃。香港百樂酒店以榴槤及芒果為主題的下午茶自助餐,必食甜品有:迷你榴槤菠蘿包、芒果牛肉芝士墨西哥卷、芝士榴槤芒果薄餅、芒果榴槤吉士撻、脆炸榴槤西多士、脆炸榴槤球和芒果拿破崙等,款款令人食指大動。客人只要讚好酒店官方Facebook專頁,並出示Facebook優惠券,即享75折優惠,成人最平只需$156便可享用下午茶自助餐;生日優惠凡4位或以上惠顧,1位當月的生日之星可享半價,同行賓客可享7折;4至11歲小童可享半價,65歲或以上長者可享65折。

酒店自助餐
酒店自助餐
「榴槤.芒返」下午茶自助餐設超過十款甜品,款款精緻。
酒店自助餐
酒店自助餐
芝士榴槤芒果薄餅酸甜開胃,最啱夏天食。
菠蘿包不再空心,酒店搞搞新意思,將榴槤Cream融入菠蘿包內。

酒店亦無限量供應多款大人必Like的回本美食,包括:新西蘭青口以及海鮮拼盤。

酒店環境闊落。

Park café

地址:尖沙咀漆咸道南61-65號香港百樂酒店4樓(顯示地圖

電話:2731 2168

「榴槤‧芒返」下午茶自助餐

供應日期:2018年7月3日-9月10日

供應時間:星期一至日 3pm-5pm

收費:星期一至五 成人$208/位、小童$178/位;星期六、日及公眾假期 成人$228/位、小童$198/位

備註:收信用卡、設加一

2.任食生蠔+鵝肝 白金Visa信用卡75折

金域假日酒店今個暑假以生蠔為主題,重點推介有新西蘭的Rock Oyster及澳洲的Smokey Bay、Coffin Bay,另設不少以蠔入饌的熱食,包括:蟹肉蠔沙律、砵酒焗蠔及炸蠔等。除供應生蠔外,當然少不了凍藍青口、日本長腳蟹等回本美食。周末酒店更會加碼,增設任食香煎鵝肝。優惠方面,以任何銀行的Signature或白金Visa信用卡簽帳,即享75折優惠。

酒店自助餐
酒店自助餐
七、八月為南半球生蠔最當造季節,蠔身爽甜,海水味濃。
酒店自助餐
酒店自助餐
任食新西蘭及澳洲生蠔。
蠔壽司卷

多款以蠔做主打的食物,包括:焗蠔、煎蠔多士、蟹肉蠔沙律。

刺身、海鮮亦不能錯過。

每位食客於平日惠顧可獲贈一盅鮑魚佛跳牆,十分足料。

香煎鵝肝只限周末供應。

Bistro on the Mile

地址:尖沙咀彌敦道50號金域假日酒店1樓(顯示地圖

電話:2315 1118

滋味生蠔自助餐

供應時間:星期一至日 6pm-9:15pm

收費:星期日至四 成人$569/位、小童$398/位、長者$455/位;星期五至六 成人$639/位、小童$447/位、長者$511/位

備註:收信用卡、設加一

3. 澳洲和牛+麵包蟹 網上訂7折優惠

北角城市花園酒店的自助餐,無限量供應多款回本美食,包括:即叫即煎澳洲和牛、雪花蟹腳、麵包蟹、虎蝦、法國青口及翡翠螺等。酒店特設甜品專櫃,供應足料榴槤雪條及多達10款的Häagen-Dazs雪糕,其中包括夏日限定的「白桃紅桑子雪糕」及「黃桃乳酪雪糕」。經酒店網站訂座、成為酒店Facebook專頁會員或以指定信用卡結帳可享高達7折優惠。

即叫即煎澳洲和牛肉質嫰滑。

「海鮮層層塔」內有多種海鮮,包括:大蝦、白蜆,最底層仲有粥品,完全吸收上層海鮮的鮮味,值得一試。
酒店趁夏天推出甜品專櫃。

當中有士多啤梨玫瑰慕絲蛋糕,味道清新。

綠茵閣

地址:北角城市花園道9號(顯示地圖

電話:2806 4922

盛夏甜品圓舞曲

供應時間:2018年7月3日-8月31日 6:30pm-9:30pm

收費:星期一至四 成人$468/位、小童及長者$418/位;星期五至日及公眾假期 成人$498/位、小童及長者$448/位

備註:收信用卡、設加一

4. 買2送1! 任食台式芋圓+即製7色窩夫

芋圓控最大心願莫過於瘋狂任食芋圓。相信香港沙田萬怡酒店可以滿足各位芋圓控的心願。酒店推出「彩虹派對自助餐」,提供多款任食中西式甜品,其中芋圓黑糖糖水最受歡迎,設多款配料如仙草、珍珠、薏仁、椰果。酒店更首推即製七色窩夫,設七款口味如斑蘭、紫薯、咖啡等,再配以榛子果仁醬、杏仁片等不同配料。除供應甜品外,自助餐內亦供應必食的冰鎮海鮮,如法國膏蟹、波士頓龍蝦、鱈場蟹腳等。兩位成人惠顧,可享1位小童或長者免費。

酒店首推七色窩夫,設七款口味,款款吸睛。

亦有花膠、京葱海參及花菇扣鮑魚。
自助餐枱上備有多款美食,包括冰鎮海鮮,以及西班牙海鮮飯。

MoMo Café

地址:沙田安平街1號香港萬怡酒店2樓(顯示地圖

電話:3940 8788

彩虹派對自助晚餐

供應時間:2018年6月29日-9月30日 12nn-2:30pm;6pm-10pm

收費:(自助午餐)星期一至五 成人:$298/位、小童:$178/位

星期六、日及公眾假期 成人:$348/位、小童:$208/位

(自助晚餐)星期一至四 成人:$468/位、小童:$278/位

星期五至日及公眾假期 成人:$528/位 小童:$318/位

備註:收信用卡、設加一

5. 最平$148 3小時免費泊車

諾富特東薈城酒店的下午茶自助餐以青檸芒果做主打,特色甜品有美式青檸批、青檸忌廉小酥卷、金芒葡撻、青檸芝味泡芙及芒果粒粒雞蛋仔。客人惠顧滿$300,可享3小時免費泊車。

芒甜檸香「夏」午茶自助餐設多款甜品,口味清新。

芒果粒粒雞蛋仔真材實料,啖啖芒果肉。

Essence

地址:東涌文東路 51 號諾富特東薈城酒店(顯示地圖

電話:3602 8088

芒甜檸香「夏」午茶自助餐

供應時間:2018年6月2日-9月2日 2:45pm-5pm

收費:星期六及日 $148/位、公眾假期 $168/位

備註:只限星期六、日及公眾假期供應、收信用卡、設加一

延伸閱讀:

幸福嘅女人身邊總有個醜老公!研究:老公太靚仔會令老婆食唔落飯

關注我們Facebook專頁
    相關新聞
      更多瀏覽