恨有BB但無想過結婚!59歲陳秀珠做單親媽 獨力湊大兒子
2018年07月17日19:55

陳秀珠喺近日熱播中嘅《BB來了》飾演李佳芯媽媽,為個女同外孫女,不惜同李佳芯奶奶盧宛茵撐到行,又犧牲自己嘅睡眠時間幫阿女手湊B,原來現實中嘅陳秀珠99年在美國以40歲高齡,未婚誕下兒子陳迪加,恨有BB但無想過結婚嘅佢,選擇做單親媽媽湊大囝囝⋯

撰文:東方新地|圖片:新傳媒圖片庫、陳秀珠微博

延伸閱讀:

2019年女神月曆率先睇!有濱邊美波、三上悠亞⋯⋯

姚嘉妮《BB來了》演長腿MK妹 索人妻激罕性感照重溫

陳秀珠絕世好媽媽

陳秀珠在新劇《BB來了》飾演李佳芯媽咪,不斷催個女生B,自覺自己湊大十幾個BB,又聲稱讀咗陪月課程,對於湊B絕對綽綽有餘,點知畀女兒發覺原來媽咪都好唔專業,生咗都唔放心畀阿媽湊。

陳秀珠
陳秀珠

為了確保陳秀珠在幫忙照顧女兒時,能嚴格執行根據健康院指示及育嬰百科制定的規矩,李佳芯不厭其煩向她講解。

BB來了
BB來了

但要深夜幫手湊B,令陳秀珠腰患復發,兼體力透支,雖然她極力死撐,但仍被李佳芯發現。

最終陳秀珠大鬧李佳芯當她是工人,李佳芯向母親道歉,兩母女冰釋前嫌。

BB來了
BB來了

近日劇情講到陳秀珠打算重操故業再當陪月,李佳芯辭職接陪月公司「寶安心」的生意,黎諾懿出手說服楊卓娜擔任公司顧問。

BB來了
BB來了

但接手公司後,陳秀珠發現「寶安心」內的其他陪月員是以姚嘉妮馬首是瞻,不禁擔心日後難以駕馭眾人。

BB來了
BB來了

1999年陳秀珠 甘願做未婚媽媽

現實中,陳秀珠都係一位慈母!1998年陳秀珠拍劇時發現懷孕,當年佢已40歲,屬高齡產婦,翌年8月她在美國誕下男嬰,取名陳迪加,但她一直不肯公開BB爸爸的身份,同年接受報章訪問時,坦言一向好恨有個孩子,但就無想過結婚,因爲感到無此需要,甘願身兼父職撫養兒子。

本刊記者早年見珠姐帶住囝囝迪加到九龍城買外賣返屋企食,鮮有露面嘅迪加生得眉清目秀,同媽咪成個餅印咁。珠姐沿路同阿仔傾偈話:「我想剪頭髮。」阿仔趷高腳摸一摸媽咪嘅頭髮話:「我鍾意你長頭髮多啲!」珠姐笑一笑,搣一搣佢面珠話:「好啦,唔剪啦!」之後母子就拖住手行番屋企,場面溫馨滿瀉。

珠姐曾在訪問中說,每個女人都會去到一個階段,有生BB想法,當時佢就正處於呢個階段,雖然做一個單親媽媽令佢有好大壓力,但好彩得到屋企人同好朋友嘅支持,至於外間嘅反應,佢話佢控制唔到:「最初以為人哋一定會用另一種眼光嚟睇我,不過依家日子一過,我發覺其他人對我嘅眼光比想像中好,大家都好包容,好OK,令我覺得自己就同一般嘅媽咪冇乜分別。」

講到囝囝用咗「鹹蛋超人」個名,珠姐話只係巧合:「因為佢喺加州出世,我又鍾意個『迪』字,所以咪叫『迪加』,我覺得幾好聽呀!好彩我個仔好鍾意超人,佢啲同學都叫佢做『超人迪加』,佢鬼咁鍾意!哈哈!」珠姐又指自己不乏追求者,但佢想等囝囝再大啲先算:「話晒我As一個Single Mother,要更加錫個仔多啲,因為佢已經比其他人少咗一Part,如果我去拍拖而忽略咗佢,咁個細路點算呀?」迪加今年已經19歲大,相信珠姐可以放心晒啦。

陳秀珠
陳秀珠
珠姐喺《刑警》入面都扮過大肚婆!

79年港姐出身

入行39年嘅陳秀珠,原來係79年港姐出身,參選時只得21歲,雖然當年三甲不入,但仍簽約無綫,主演過多部劇集。

88年《誓不低頭》 港女始祖

在88年神劇《誓不低頭》本來係謝文武(鄭少秋飾)老婆,但對方被陷害入獄後,居然改嫁老公仇人岑波(郭鋒飾),原因之一係貪岑波有錢!

珠做郭峰老婆
珠做郭峰老婆

99年《刑事偵緝檔案IV》做宣萱表姨

睇翻深夜重播嘅99年《刑事偵緝檔案IV》,陳秀珠演宣萱表姨,兩個人都凍齡有術,個樣廿年如一日都冇點變過!

刑事偵緝檔案IV
刑事偵緝檔案IV

95年《刑事偵緝檔案II》檔案八:寸草心

其實95年嘅《刑事偵緝檔案II》陳秀珠有份演其中一單案件。

刑事偵緝 檔案II
刑事偵緝 檔案II

刑事偵緝檔案II
刑事偵緝檔案II

劇中陳秀珠飾演嘅舞小姐Betty亦係一位「慈母」,生下女嬰冬冬後,表面上對女兒漠不關心,要高婕(郭可盈飾)代佢湊女,但實際為女兒將來打算,不惜自殺呃保險。

刑事偵緝檔案II
刑事偵緝檔案II

陳秀珠又曾主持過多個節目,包括《K-100》、《體育世界》,以及86年世界盃。

陳秀珠
陳秀珠
《體育世界》

孖劉華拍廣告

當年陳秀珠仲同初出道嘅劉德華拍過眼鏡廣告!

【父母都係中國人】同細佬都鬼鬼哋?陳凱琳:我係爸爸媽媽親生!

資優生連跳兩級!陳浩民大女 6歲半讀三年級

39歲處女下海 噴血寫真吸富豪 楊思琦:好多人問價!

楊思琦
楊思琦

【港姐2018】第二輪面試!整容女唔見晒!

宮女輪入豪門 直擊何艷娟甜蜜爺孫戀

何艷娟

鄧麗欣甜笑認愛王子 小方掩面網民祝福

8位紅星公開減肚腩餐單

延伸閱讀:

原來佢先係最勁!《超人特工隊2》積仔10種超能力大公開 求其一招已經K.O爸爸

關注我們Facebook專頁
    相關新聞
      更多瀏覽