點止要敲門? 10項不可觸犯的酒店禁忌
2018年07月16日18:24

ViuTV節目《入住請敲門》去年推出後觀眾反應極佳,因為大家都係又要驚又想睇!第二季《入住請敲門2》今日有得睇,繼續由型男莫竣名主持,ViuTV更貼心地重播首季節目,其中一集講述莫竣名去到台灣高雄一間猛鬼酒店,故意觸犯多項惹鬼酒店禁忌!暑假有唔少朋友去旅行,但大家對各種酒店禁忌又認識多少呢?

撰文:東方新地|圖片:《入住請敲門》截圖、新傳媒圖片

延伸閱讀:

現場睇波睇到瞓著 霆鋒拍片擺祖兒上枱

佘詩曼13年後再演古裝宮廷劇 奸妃一角未播已獲網民激讚!

《入住請敲門2》有得睇

《入住請敲門2》今日有得睇,猶記得去年莫竣名主持的《入住請敲門》,帶領觀眾闖入不同猛鬼熱點,佢喺節目中仲不時嚇到爆晒粗!其實一啲住酒店禁忌流傳已久,大家又知唔知道呢啲禁忌背後的真正原因?

酒店禁忌
酒店禁忌

酒店禁忌
酒店禁忌
莫竣名喺房中聽到「嘻嘻」兩聲…

10項不可觸犯的酒店禁忌

1|避免住酒店尾房

唔少人住酒店時,都會要求唔住每層樓最尾一間房,因為相信尾房位於走廊盡頭,走廊盡頭易聚陰氣,令住客總是周身不聚財。不過其實以客人角度去諗,要行到盡頭當然係唔方便啦!

2|入房前要敲門

呢信相信有唔少朋友都會做,有道入酒店房前要先敲門或按門鈴,就係為了同房內「睇唔見的住客」打個招呼。進入房間前入去要側身,心中默念:「我只係暫住幾日,打攪晒!」以示尊重。簡單一句「通知」聲,求個安心,寧可信其有嘛!

入房敲門,通報一聲,求個安心,也可以避免入錯房或者有工作人員在內懵然不知!

3|鞋子要放一正一反

據說「房客」會睇鞋頭方向去判斷人的位置,如果將鞋整齊地放在床邊,會引來佢哋好奇,靠近自己。所以唔少人住酒店睡覺時,鞋或拖鞋都要隨意亂擺,或者一正一反地擺放。

4|房內勿開傘

不少人都會一「傘」傍身,尤其是女士們要防曬。但係隨身攜帶的雨傘,入房後唔應該不隨便打開,所謂遮陽就聚陰,一旦房內聚陰,很有可能會吸引「老友記」們來開派對!

5|不要掛起衫褲

衣服無論是掛在牆邊還是衣櫃裡,都很容易引來「老友記」試身。如果唔想半夜看到有東西飄來飄去,最好將衣服摺好平放。

6|長期開燈

「老友記」總會趁黑出沒,所以除了一入房要開燈之外,即使是睡覺,最好也要開著洗手間的燈或者夜燈,盡量保持房間的陽氣。

不少客房都有夜燈,保持適量燈光,萬一發生地震或其他警報時,也方便逃生疏散!

7|切忌半夜影相、剪指甲

半夜切忌在電梯和房間裡自拍,尤其不要用牆上的掛畫做背景,以免不小心有「老友記」攝鏡。另外亦有說半夜不宜剪指甲,因為剪指甲會裁走陽氣云云。雖然坊間有不同的說法,但總結一句就是不要以身犯險!

8|浴缸不要儲水

據說水面和鏡子一樣,都是「老友記」出入的重要媒介,所以浴缸最好不要儲水過夜,浸浴後立刻將水放走就好。

9|唔好有「吉床」

如果單人入住有兩張床的房間,忌選靠牆的一張床,而且記得要將另一張「吉床」整亂,或是擺放一啲個人衣物,通知「老友記」另一張床都有人用。

10|《聖經》打開即換房

酒店房間中有聖經或可蘭經等宗教書藉並非特別之事,但如果房中有本呈現翻開狀態的《聖經》,即代表住房間曾經有事發生,而該頁經文對驅魔、鎮壓靈體有用。酒店業習慣在曾經出事的房間翻開《聖經》來鎮壓「老友記」,所以不排除酒店一早知道房間有古怪,勸你最好立即換房!

電視城明星撞鬼實錄 張家輝 鄭伊健 林峯 都有份!

延伸閱讀:

BB真的來了!張名雅意外懷孕 陀B四個月

關注我們Facebook專頁
    相關新聞
      更多瀏覽